ਸਫ਼ਾਈ ਸੇਵਕਾਂ ਨੇ ਡੀਸੀ ਦਫਤਰ ਬਾਹਰ ਠੇਕੇਦਾਰ ਵਿਰੁੱਧ ਕੀਤੀ ਨਾਅਰੇਬਾਜ਼ੀ

ਸਫ਼ਾਈ ਸੇਵਕਾਂ ਨੇ ਇਨਸਾਫ ਦੀ ਮੰਗ ਕਰਦਿਆਂ ਠੇਕੇਦਾਰ ਵਲੋਂ ਘੱਟ ਪੈਸੇ ਦਿਤੇ ਜਾਣ 'ਤੇ ਨਾਅਰੇਬਾਜ਼ੀ ਕੀਤੀ। ਸਫਾਈ ਸੇਵਕਾਂ ਦਾ ਕਹਿਣਾ ਹੈ ਕਿ ਠੇਕੇਦਾਰ ਉਨ੍ਹਾਂ ਤੋਂ 16-16 ਘੰਟੇ ਕੰਮ ਲੈ ਰਿਹਾ ਤੇ ਪੈਸੇ 8 ਘੰਟੇ ਤੋਂ ਵੀ ਘੱਟ ਡਿਊਟੀ ਦੇ ਦਿੱਤੇ ਜਾ ਰਹੇ ਹਨ ਅਤੇ ਕਮਿਸ਼ਨਰ ਦੇ 7200 ਰੁਪਏ ਦੇ ਗਰੇਡ ਦੀ ਬਜਾਏ ਸਿਰਫ 5000 ਰੁਪਏ ਮਿਲ ਰਹੇ ਹਨ।

ਤਰਨ ਤਾਰਨ: ਨਗਰ ਪੰਚਾਇਤ ਭਿੱਖੀਵਿੰਡ 'ਚ ਸਫਾਈ ਸੇਵਕ ਨੇ ਇਨਸਾਫ ਦੀ ਮੰਗ ਕਰਦਿਆਂ ਠੇਕੇਦਾਰ ਵਲੋਂ ਘੱਟ ਪੈਸੇ ਦਿਤੇ ਜਾਣ 'ਤੇ ਨਾਰਾਜ਼ਗੀ ਜ਼ਾਹਰ ਕੀਤੀ ਹੈ। ਸਫਾਈ ਸੇਵਕਾਂ ਦਾ ਕਹਿਣਾ ਹੈ ਕਿ ਠੇਕੇਦਾਰ ਉਨ੍ਹਾਂ ਤੋਂ 16-16 ਘੰਟੇ ਕੰਮ ਲੈ ਰਿਹਾ ਤੇ ਪੈਸੇ 8 ਘੰਟੇ ਤੋਂ ਵੀ ਘੱਟ ਡਿਊਟੀ ਦੇ ਦਿੱਤੇ ਜਾ ਰਹੇ ਹਨ। ਸੇਵਕਾਂ ਦਾ ਕਹਿਣਾ ਹੈ ਕਿ ਠੇਕਾ ਵਿਜੈ ਕੋਆਪਰੇਟਿਵ ਸੁਸਾਇਟੀ ਫਰਮ ਨੂੰ ਦਿੱਤਾ ਗਿਆ ਹੈ ਜੋ ਕਿ ਕਮਿਸ਼ਨਰ ਦੇ 7200 ਰੁਪਏ ਦੇ ਗਰੇਡ ਦੀ ਬਜਾਏ ਸਿਰਫ 5000 ਰੁਪਏ ਦੇ ਰਿਹਾ ਹੈ।

ਸਫਾਈ ਸੇਵਕ ਨੇ ਕਿਹਾ ਕਿ ਜਦ ਦੀ ਪੰਜਾਬ 'ਚ ਕਾਂਗਰਸ ਦੀ ਸਰਕਾਰ ਆਈ ਹੈ, ਉਨ੍ਹਾਂ ਨੂੰ ਪੈਸੇ ਘੱਟ ਦਿੱਤੇ ਜਾ ਰਹੇ ਹਨ। ਪਹਿਲਾਂ ਪੈਸੇ ਉਨ੍ਹਾਂ ਦੇ ਬੈਂਕ ਖਾਤਿਆਂ 'ਚ ਦਿੱਤੇ ਜਾਂਦੇ ਸਨ। ਜਦਕਿ ਹੁਣ ਉਨ੍ਹਾਂ ਦੀਆਂ ਛੁੱਟੀਆਂ ਆਦਿ ਦੇ ਪੈਸੇ ਵੀ ਕੱਟ ਲਏ ਜਾਂਦੇ ਹਨ। ਸਫ਼ਾਈ ਸੇਵਕਾਂ ਦਾ ਕਹਿਣਾ ਹੈ ਕਿ ਠੇਕਾ 42 ਮੁਲਾਜ਼ਮਾਂ ਨੂੰ ਰੱਖਣ ਦਾ ਹੋਇਆ ਪਰ ਠੇਕੇਦਾਰ ਸਿਰਫ਼ 26 ਮੁਲਾਜ਼ਿਮਾਂ ਕੋਲੋਂ ਕੰਮ ਕਰਵਾ ਰਿਹਾ ਤੇ ਬਾਕੀ ਪੈਸੇ ਆਪ ਲੈ ਰਿਹਾ ਹੈ।
ਉਨ੍ਹਾਂ ਕਿਹਾ ਕਿ ਜਦ ਤੱਕ ਉਨ੍ਹਾਂ ਨੂੰ ਡਿਪਟੀ ਕਮਿਸ਼ਨਰ ਵਾਲਾ ਗਰੇਡ ਨਹੀਂ ਦਿੱਤਾ ਜਾਂਦਾ ਹੈ। ਅਤੇ ਡਿਪਟੀ ਕਮਿਸ਼ਨਰ ਦੇ ਗਰੇਡ ਦੇ ਹਿਸਾਬ ਨਾਲ ਪਿਛਲਾ ਬਕਾਇਆ ਨਹੀਂ ਦਿੰਦੇ ਹਨ। ਉਨਾਂ ਚਿਰ ਉਹ ਕੰਮ ਨਹੀਂ ਕਰਨਗੇ ਅਤੇ ਜੇਕਰ ਦੋ ਦਿਨਾਂ ਵਿੱਚ ਉਨ੍ਹਾਂ ਦੀਆਂ ਮੰਗਾਂ ਨਾ ਮੰਨੀਆਂ ਗਈਆਂ ਤਾਂ ਨਗਰ ਪੰਚਾਇਤ ਭਿੱਖੀਵਿੰਡ ਦੇ ਦਫਤਰ ਬਾਹਰ ਧਰਨੇ 'ਤੇ ਬੈਠ ਜਾਣਗੇ ਜਿਸਦੀ ਸਾਰੀ ਜ਼ਿੰਮੇਵਾਰੀ ਨਗਰ ਪੰਚਾਇਤ ਅਧਿਕਾਰੀਆਂ ਸਿਰ ਹੋਵੇਗੀ। ਉਨ੍ਹਾਂ ਕਿਹਾ ਕਿ ਉਹ ਕਈ ਵਾਰ ਈਓ ਭਿੱਖੀਵਿੰਡ ਦੇ ਧਿਆਨ 'ਚ ਇਹ ਮਾਮਲਾ ਲਿਆ ਚੁੱਕੇ ਹਨ ਪਰ ਕੋਈ ਕਾਰਵਾਈ ਨਹੀਂ ਹੋ ਰਹੀ।