ਪਾਰਟੀਬਾਜ਼ੀ ਦੇ ਭੇਟ ਚੜ੍ਹੇ 2 ਨੌਜਵਾਨ

ਸਨਿੱਚਵਾਰ ਨੂੰ ਜਦੋਂ ਮਨਰੇਗਾ ਦਾ ਕੰਮ ਚੱਲ ਰਿਹਾ ਸੀ ਤਾਂ ਪਲਵਿੰਦਰ ਸਿੰਘ ਪੱਪਾ, ਦੁੱਗੀ ਸਿੰਘ ਸਮੇਤ ਇੱਕ ਦਰਜਨ ਲੋਕ ਹਥਿਆਰਾਂ ਸਮੇਤ ਆਏ ਅਤੇ ਦੂਜੇ ਗੁੱਟ 'ਤੇ ਗੋਲੀਆਂ ਚਲਾ ਦਿੱਤੀਆਂ। ਜਿਸ ਵਿਚ 2 ਦੀ ਮੌਤ ਹੋ ਗਈ ਅਤੇ 2 ਲੋਕ ਜ਼ਖਮੀ ਹੋ ਗਏ।

ਸ੍ਰੀ ਮੁਕਤਸਰ ਸਾਹਿਬ: ਪਿੰਡ ਜਵਾਹਰੇਵਾਲਾ ਵਿੱਚ ਬੀਤੇ ਦਿਨੀ ਆਪਸੀ ਰੰਜਿਸ਼ ਦੇ ਚਲਦਿਆਂ ਇੱਕ ਦਰਜਨ ਦੇ ਕਰੀਬ ਲੋਕ ਹਥਿਆਰਾਂ ਸਮੇਤ ਆਏ ਅਤੇ ਗੋਲੀਬਾਰੀ ਸ਼ੁਰੂ ਕਰ ਦਿੱਤੀ ਜਿਸ ਵਿਚ 2 ਦੀ ਮੌਤ ਹੋ ਗਈ ਅਤੇ 2 ਲੋਕ ਜ਼ਖ਼ਮੀ ਹੋ ਗਏ ਹਨ।
ਜ਼ਿਕਰਯੋਗ ਹੈ ਕਿ ਸਰਪੰਚੀ ਚੋਣਾਂ ਦੇ ਦੌਰਾਨ ਸਾਬਕਾ ਸਰਪੰਚ ਪਲਵਿੰਦਰ ਸਿੰਘ ਪੱਪਾ ਦਾ ਉਮੀਦਵਾਰ ਚੋਣ ਹਾਰ ਗਿਆ ਸੀ ਅਤੇ ਉਸਦੇ ਵਿਰੋਧੀ ਕਾਂਗਰਸੀ ਗੁੱਟ ਦਾ ਉਮੀਦਵਾਰ ਜਿੱਤ ਗਿਆ ਸੀ। ਉਦੋਂ ਤੋਂ ਹੀ ਦੋਹਾਂ ਪਾਰਟੀਆਂ ਵਿੱਚ ਰੰਜਿਸ਼ ਚੱਲ ਰਹੀ ਸੀ।

ਬੀਤੇ ਦਿਨੀਂ ਪਿੰਡ 'ਚ ਮਨਰੇਗਾ ਦਾ ਕੰਮ ਸ਼ੁਰੂ ਹੋਇਆ ਤਾਂ ਪਲਵਿੰਦਰ ਸਿੰਘ ਦਾ ਗੁੱਟ ਪਿੰਡ ਵਿੱਚ ਪ੍ਰਬੰਧਕ ਲਗਾ ਕੇ ਕੰਮ ਕਰਾਓਣਾ ਚਾਹੁੰਦੇ ਸਨ ਪਰ ਦੂਜੇ ਗੁੱਟ ਨੇ ਪੰਚਾਇਤੀ ਤੌਰ 'ਤੇ ਹੀ ਇਹ ਕੰਮ ਸ਼ੁਰੂ ਕਰਵਾ ਲਿਆ। ਸ਼ਨੀਵਾਰ ਨੂੰ ਜਦੋਂ ਮਨਰੇਗਾ ਦਾ ਕੰਮ ਚੱਲ ਰਿਹਾ ਸੀ ਤਾਂ ਪਲਵਿੰਦਰ ਸਿੰਘ ਪੱਪਾ, ਦੁੱਗੀ ਸਿੰਘ ਸਮੇਤ ਇੱਕ ਦਰਜਨ ਲੋਕ ਹਥਿਆਰਾਂ ਸਮੇਤ ਮੌਕੇ ਉੱਤੇ ਜਾ ਪੁੱਜੇ। ਉਥੇ ਹੀ ਉਨ੍ਹਾਂ ਦੀ ਬਹਿਸ ਸ਼ੁਰੂ ਹੋ ਗਈ ਅਤੇ ਆਪਸ ਵਿੱਚ ਤਲਖ਼ੀ ਵਧਣ ਦੇ ਬਾਅਦ ਦੁੱਗੀ ਨੇ ਆਪਣੀ 315 ਬੋਰ ਦੀ ਰਾਇਫਲ ਤੋਂ ਫਾਇਰਿੰਗ ਸ਼ੁਰੂ ਕਰ ਦਿੱਤੀ।

ਇਹ ਵੀ ਪੜ੍ਹੋ: ਪੈਸੇ ਦੀ ਲੈਣ ਦੇਣ ਨੂੰ ਲੈ ਇੱਕ ਪਾਰਟਨਰ ਨੇ ਦੂਜੇ ਬਿਜ਼ਨਸ ਪਾਰਟਨਰ 'ਤੇ ਕੀਤੀ ਫਾਇਰਿੰਗ
ਜਿਸ ਨਾਲ ਮੌਕੇ 'ਤੇ ਹੀ ਦੋ ਲੋਕਾਂ ਮਿੰਨੀ ਰਾਣੀ(25 ) ਪਤਨੀ ਧਰਮਿੰਦਰ ਸਿੰਘ, ਕਿਰਨਦੀਪ ਸਿੰਘ(25) ਪੁੱਤ ਗੁਰਚਰਣ ਸਿੰਘ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ ਜਦੋਂ ਕਿ ਉਸਦੇ ਭਰਾ ਧਰਮਿੰਦਰ ਸਿੰਘ ਅਤੇ ਗੁਰਜੀਤ ਸਿੰਘ ਜਖ਼ਮੀ ਹੋ ਗਏ। ਜਿਨ੍ਹਾਂ ਨੂੰ ਇਲਾਜ ਲਈ ਸਿਵਲ ਹਸਪਤਾਲ ਵਿੱਚ ਲਿਜਾਇਆ ਗਿਆ। ਪੁਲਿਸ ਨੇ 11 ਦੋਸ਼ੀਆਂ ਖ਼ਿਲਾਫ਼ ਮਾਮਲਾ ਦਰਜ ਕਰਕੇ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ। ਦੋਸ਼ੀ ਫਿਲਹਾਲ ਪੁਲਿਸ ਦੀ ਗ੍ਰਿਫ਼ਤ ਤੋਂ ਬਾਹਰ ਹਨ।