ਸੰਗਰੂਰ: ਜ਼ਮੀਨ ਸੰਘਰਸ਼ ਪ੍ਰਾਪਤ ਕਮੇਟੀ ਦੇ ਝੰਡੇ ਹੇਠ ਸੰਗਰੂਰ ਜ਼ਿਲ੍ਹੇ ਦੇ ਵੱਖ-ਵੱਖ ਪਿੰਡਾਂ ਦੀਆਂ ਗਰੀਬ ਪਰਿਵਾਰ ਦੀ ਔਰਤਾਂ ਨੇ ਫਾਈਨਾਂਸ ਕੰਪਨੀਆਂ ਦੇ ਖ਼ਿਲਾਫ਼ ਧਰਨਾ ਲਗਾਇਆ। ਗਰੀਬ ਔਰਤਾਂ ਦਾ ਕਹਿਣਾ ਹੈ ਕਿ ਫਾਈਨਾਂਸ ਕੰਪਨੀਆਂ ਲੋਨ ਦੀ ਕਿਸ਼ਤਾਂ ਦੇਣ ਲਈ ਉਨ੍ਹਾਂ ਨੂੰ ਮਜ਼ਬੂਰ ਕਰ ਰਹੀਆਂ ਹਨ।
ਜ਼ਮੀਨ ਸੰਘਰਸ਼ ਪ੍ਰਾਪਤ ਕਮੇਟੀ ਦੀ ਸਕੱਤਰ ਪਰਮਜੀਤ ਕੌਰ ਨੇ ਦੱਸਿਆ ਕਿ ਇਹ ਪਿੰਡਾਂ ਦੀਆਂ ਔਰਤਾਂ ਆਪਣੀ ਘਰ ਦੀ ਕਬੀਲਦਾਰੀ ਨੂੰ ਚਲਾਉਣ ਲਈ ਛੋਟੇ-ਛੋਟੇ ਲੋਨ ਲੈਂਦੀਆਂ ਹਨ ਜੋ ਕਿ ਹਫ਼ਤੇ ਜਾਂ 10 ਦਿਨ ਬਾਅਦ ਫਾਈਨਾਂਸ ਕੰਪਨੀਆਂ ਕਿਸ਼ਤਾਂ ਲੈ ਕੇ ਜਾਂਦੀ ਸੀ ਪਰ ਕੋਰੋਨਾ ਮਹਾਂਮਾਰੀ ਕਾਰਨ ਇਹ ਦਲਿਤ ਮਜ਼ਦੂਰ ਪਿਛਲੇ ਢਾਈ ਮਹੀਨੇ ਤੋਂ ਘਰਾਂ ਦੇ ਵਿੱਚ ਹੀ ਬੈਠੇ ਹਨ, ਇਹ ਲੋਨ ਦੀਆਂ ਕਿਸ਼ਤਾਂ ਕਿਸ ਤਰ੍ਹਾਂ ਦੇ ਸਕਦੇ ਹਨ। ਹੁਣ ਫਾਈਨਾਂਸ ਕੰਪਨੀਆਂ ਮਜ਼ਦੂਰਾਂ ਦੇ ਘਰ ਵਾਰ-ਵਾਰ ਗੇੜੇ ਮਾਰ ਕੇ ਕਿਸਤਾਂ ਦੇਣ ਲਈ ਮਜ਼ਬੂਰ ਕਰ ਰਹੀਆਂ।
ਪਰਮਜੀਤ ਕੌਰ ਨੇ ਕਿਹਾ ਕਿ ਜਿਹੜੇ ਲੋਕਾਂ ਨੂੰ ਇਸ ਮਹਾਂਮਾਰੀ ਦੇ ਸਮੇਂ ਰਾਸ਼ਨ ਬੜੀ ਮੁਸ਼ਕਿਲ ਨਾਲ ਮਿਲਿਆ, ਉਹ ਲੋਕ ਪ੍ਰਾਈਵੇਟ ਫਾਈਨਾਂਸ ਕੰਪਨੀਆਂ ਦੀਆਂ ਕਿਸ਼ਤਾਂ ਕਿਸ ਤਰ੍ਹਾਂ ਮੋੜਨਗੇ।
ਇਹ ਵੀ ਪੜੋ: ਜੰਮੂ-ਕਸ਼ਮੀਰ: ਪੁਲਵਾਮਾ 'ਚ ਸੁਰੱਖਿਆ ਬਲਾਂ ਨੇ 3 ਦਹਿਸ਼ਤਗਰਦ ਕੀਤੇ ਢੇਰ
ਇਨ੍ਹਾਂ ਦੀ ਮੰਗ ਹੈ ਕਿ ਜੇਕਰ ਕੇਂਦਰ ਸਰਕਾਰ ਵੱਡੇ ਕਾਰੋਬਾਰੀਆਂ ਦੇ ਲੋਨ ਮੁਆਫ ਕਰ ਸਕਦੀ ਹੈ ਤੇ ਰਾਹਤ ਪੈਕੇਜ ਦੇ ਸਕਦੀ ਹੈ ਤਾਂ ਗਰੀਬ ਦਲਿਤ ਮਜ਼ਦੂਰ ਪਰਿਵਾਰਾਂ ਦੀਆਂ ਲੋਨ ਦੀ ਕਿਸ਼ਤਾਂ ਕਿਉਂ ਨਹੀਂ ਮੁਆਫ਼ ਕਰ ਸਕਦੀ।
