ਮੋਹਾਲੀ : ਮੇਨਕਾ ਗਾਂਧੀ ਫਾਊਂਡੇਸ਼ਨ ਨਵੀਂ ਦਿੱਲੀ ਤੋਂ ਮੈਂਬਰਾਂ ਦੀ ਟੀਮ ਅਤੇ ਜੰਗਲੀ ਜੀਵ ਸੁਰੱਖਿਆ ਵਿਭਾਗ ਮੋਹਾਲੀ ਵੱਲੋਂ ਪੁਲਿਸ ਟੀਮ ਦੇ ਸਹਿਯੋਗ ਨਾਲ ਖਰੜ ਬੱਸ ਸਟੈਂਡ ਦੇ ਨੇੜਿਓਂ ਜ਼ਹਿਰੀਲੇ ਸੱਪਾਂ ਦੀ ਵਿਕਰੀ ਕਰਨ ਵਾਲੇ ਇੱਕ ਪਰਵਾਸੀ ਨੂੰ ਕਾਬੂ ਕੀਤਾ ਹੈ। ਪੁਲਿਸ ਨੇ ਇਸ ਕੋਲੋਂ 7 ਜ਼ਹਿਰੀਲੇ ਸੱਪਾਂ ਨੂੰ ਵੀ ਬਰਾਮਦ ਕੀਤਾ ਹੈ। ਪੁਲਿਸ ਵੱਲੋਂ ਕਾਬੂ ਕੀਤੇ ਇਸ ਵਿਅਕਤੀ ਦਾ ਨਾਮ ਸਿਕੰਦਰ ਪੁੱਤਰ ਸੰਤੋਖ ਨਾਥ ਹੈ, ਜੋ ਕਿ ਲੁਧਿਆਣਾ ਦਾ ਰਹਿਣ ਵਾਲਾ ਦੱਸਿਆ ਜਾ ਰਿਹਾ ਹੈ। ਮਾਮਲੇ ਸਬੰਧੀ ਜਾਣਕਾਰੀ ਦਿੰਦਿਆਂ ਫਾਊਂਡੇਸ਼ਨ ਮੈਂਬਰਾਂ ਨੇ ਦੱਸਿਆ ਕਿ ਦਿੱਲੀ ਦੇ ਕੁਝ ਯੂਟਿਊਬਰਾਂ ਉੱਤੇ ਸੱਪਾਂ ਦੀ ਖਰੀਦ ਫਰੋਖਤ ਅਤੇ ਉਨ੍ਹਾਂ ਦੇ ਜ਼ਹਿਰ ਕੱਢਣ ਸਬੰਧੀ ਮਾਮਲੇ ਦਰਜ ਹੋਣ ਤੋਂ ਬਾਅਦ ਪੁਲਿਸ ਨਾਲ ਮਿਲ ਕੇ ਕਾਰਵਾਈ ਕੀਤੀ ਗਈ। ਜਾਂਚ ਦੌਰਾਨ ਪਤਾ ਲੱਗਾ ਕਿ ਇਸ ਮਾਮਲੇ ਦੇ ਤਾਰ ਮੋਹਾਲੀ ਨਾਲ ਜੁੜੇ ਹੋਏ ਹਨ। ਇਸ ਤਹਿਤ ਪਲਾਨਿੰਗ ਕਰਦਿਆਂ ਸੱਪ ਖਰੀਦਣ ਲਈ ਇਸ ਵਿਅਕਤੀ (ਸਿਕੰਦਰ) ਨਾਲ ਸੰਪਰਕ ਕੀਤਾ ਗਿਆ। ਜਿਸ ਨੇ ਦੱਸਿਆ ਕਿ ਇਹ ਸੱਪ ਦਿੱਲੀ ਦੇ ਇੱਕ ਨੌਜਵਾਨ ਹਾਰਦਿਕ ਦੇ ਹਨ ਜਿਸ ਨੇ ਪੁਲਿਸ ਕਾਰਵਾਈ ਦੇ ਡਰ ਤੋਂ ਇਹ ਸੱਪ ਇਸ ਕੋਲ ਰੱਖੇ ਸਨ।
4 ਕੋਬਰਾ ਸਮੇਤ ਕੁੱਲ 7 ਸੱਪ ਫੜੇ ਗਏ: ਦੱਸਣਯੋਗ ਹੈ ਕਿ ਸੱਪਾਂ ਦੇ ਮਾਮਲੇ 'ਚ ਪਹਿਲਾਂ ਬਿੱਗ ਬੌਸ OTT-2 ਦੇ ਜੇਤੂ ਅਤੇ ਗੁਰੂਗ੍ਰਾਮ ਹਰਿਆਣਾ ਦੇ ਯੂਟਿਊਬਰ ਐਲਵੀਸ਼ ਯਾਦਵ ਅਤੇ ਬਾਲੀਵੁੱਡ ਗਾਇਕ ਫਾਜ਼ਿਲਪੁਰੀਆ ਦੇ ਗੀਤਾਂ ਵਿੱਚ ਵਰਤੇ ਗਏ ਸੱਪ ਮੋਹਾਲੀ, ਪੰਜਾਬ ਵਿੱਚ ਫੜੇ ਗਏ ਹਨ। ਖਰੜ ਦੇ ਬੱਸ ਸਟੈਂਡ ਨੇੜੇ ਇਨ੍ਹਾਂ ਸੱਪਾਂ ਸਮੇਤ ਇੱਕ ਤਸਕਰ ਫੜਿਆ ਗਿਆ ਹੈ। 4 ਕੋਬਰਾ ਸਮੇਤ ਕੁੱਲ 7 ਸੱਪ ਫੜੇ ਗਏ ਹਨ। ਮੁਲਜ਼ਮ ਇਹ ਸੱਪ ਦਿੱਲੀ ਤੋਂ ਲਿਆਏ ਸਨ। 4 ਕੋਬਰਾ ਦਾ ਜ਼ਹਿਰ ਵੀ ਬਾਹਰ ਸੀ।
ਰੇਵ ਪਾਰਟੀਆਂ 'ਚ ਨਸ਼ਾ ਕਰਨ ਲਈ ਤਸਕਰ ਸੱਪ ਦਾ ਜ਼ਹਿਰ ਦਿੰਦੇ ਹਨ। ਸੰਸਦ ਮੈਂਬਰ ਮੇਨਕਾ ਗਾਂਧੀ ਦੀ ਸੰਸਥਾ ਪੀਪਲ ਫਾਰ ਐਨੀਮਲਜ਼ (ਪੀਐਫਏ) ਨੇ ਦਿੱਲੀ ਤੋਂ ਇਸ ਦੇ ਪਿੱਛੇ ਜਾਲ ਵਿਛਾਇਆ ਸੀ। ਮੁਲਜ਼ਮ ਦੀ ਪਛਾਣ ਸਿਕੰਦਰ (34) ਵਾਸੀ ਲੁਧਿਆਣਾ ਵਜੋਂ ਹੋਈ ਹੈ। ਪੁਲਿਸ ਪੁੱਛਗਿੱਛ ਦੌਰਾਨ ਮੁਲਜ਼ਮਾਂ ਨੇ ਮੰਨਿਆ ਕਿ ਇਨ੍ਹਾਂ ਸੱਪਾਂ ਦੀ ਵਰਤੋਂ ਬਾਲੀਵੁੱਡ ਗਾਇਕ ਫਾਜ਼ਿਲਪੁਰੀਆ ਅਤੇ ਬਿੱਗ ਬੌਸ 2 ਦੇ ਜੇਤੂ ਐਲਵਿਸ਼ ਯਾਦਵ ਦੇ ਗੀਤਾਂ ਵਿੱਚ ਕੀਤੀ ਗਈ ਸੀ। ਇਸ ਸੱਪ ਨੂੰ ਹਾਰਦਿਕ ਆਨੰਦ ਨਾਂ ਦਾ ਵਿਅਕਤੀ ਦਿੱਲੀ ਤੋਂ ਲਿਆ ਰਿਹਾ ਸੀ।
- ਸ਼ਰਾਬੀ ਹਾਲਤ 'ਚ ਪੁਲਿਸ ਵਾਲੇ ਨੇ ਕੀਤਾ ਸੀ ਕਾਰਾ, ਵਿਭਾਗ ਨੇ ਕਰ ਦਿੱਤੀ ਕਾਰਵਾਈ, ਜਾਣੋਂ ਮਾਮਲਾ
- ਲੁਟੇਰਿਆਂ ਦੇ ਹੌਂਸਲੇ ਬੁਲੰਦ,ਤਰਨਤਾਰਨ ਵਿਖੇ ਦਿਨ ਦਿਹਾੜੇ ਪੈਟਰੋਲ ਪੰਪ ਮਾਲਿਕ ਨੂੰ ਗੋਲੀ ਮਾਰ ਕੇ ਕੀਤੀ ਲੱਖਾਂ ਦੀ ਲੁੱਟ
- ਹੁਸ਼ਿਆਰਪੁਰ 'ਚ ਦਿਨ ਦਿਹਾੜੇ ਮੌਜੂਦਾ ਸਰਪੰਚ ਦਾ ਗੋਲੀਆਂ ਮਾਰ ਕੇ ਕਤਲ, ਪਰਿਵਾਰ ਨੇ ਪ੍ਰਸ਼ਾਸਨ 'ਤੇ ਲਾਏ ਗੰਭੀਰ ਇਲਜ਼ਾਮ
20 ਸੱਪ ਵਰਤੇ ਗਏ ਸਨ : ਪੀਐਫਏ ਮੈਂਬਰ ਗੌਰਵ ਗੁਪਤਾ ਨੇ ਖਰੜ ਪੁਲੀਸ ਨੂੰ ਦੱਸਿਆ ਕਿ ਹਾਰਦਿਕ ਆਨੰਦ ਨੇ ਪਿਛਲੇ ਸਾਲ ਆਪਣੇ ਗੀਤ ਦੀ ਸ਼ੂਟਿੰਗ ਲਈ ਬਾਲੀਵੁੱਡ ਗਾਇਕਾਂ ਫਾਜ਼ਿਲਪੁਰੀਆ ਅਤੇ ਐਲਵੀਸ਼ ਯਾਦਵ ਨੂੰ 20 ਸੱਪ ਮੁਹੱਈਆ ਕਰਵਾਏ ਸਨ। ਜਿਨ੍ਹਾਂ ਵਿੱਚੋਂ 18 ਸੱਪ ਬਰਾਮਦ ਹੋਏ ਹਨ। ਇਸ ਵਿੱਚ 11 ਕੋਬਰਾ ਸੱਪ ਹਨ। ਹਾਰਦਿਕ ਆਨੰਦ ਨੇ ਛਾਪੇ ਦੇ ਡਰੋਂ 10 ਪਾਬੰਦੀਸ਼ੁਦਾ ਸੱਪ ਸਿਕੰਦਰ ਨੂੰ ਸੌਂਪੇ ਸਨ। ਇੱਕ ਗਾਹਕ ਦੇ ਰੂਪ ਵਿੱਚ, ਅਸੀਂ ਸਿਕੰਦਰ ਨੂੰ ਬੁਲਾਇਆ ਅਤੇ ਹਾਰਦਿਕ ਦਾ ਹਵਾਲਾ ਦਿੰਦੇ ਹੋਏ ਉਸਨੂੰ ਸੱਪਾਂ ਦੀ ਜ਼ਰੂਰਤ ਬਾਰੇ ਦੱਸਿਆ, ਅਤੇ ਉਸਨੇ ਸਾਨੂੰ 7 ਸੱਪ ਦੇਣ ਲਈ ਸਹਿਮਤੀ ਦਿੱਤੀ। ਦੋਸ਼ੀ ਸਿਕੰਦਰ ਅਤੇ ਦਿੱਲੀ ਨਿਵਾਸੀ ਹਾਰਦਿਕ ਆਨੰਦ ਦੇ ਖਿਲਾਫ ਜੰਗਲੀ ਜੀਵ ਸੁਰੱਖਿਆ ਐਕਟ ਦੀ ਧਾਰਾ 9,39, 50, 51 ਅਤੇ ਪ੍ਰੀਵੈਨਸ਼ਨ ਆਫ ਕਰੂਏਲਟੀ ਟੂ ਐਨੀਮਲਜ਼ ਐਕਟ 1960 ਦੀ ਧਾਰਾ 11 ਦੇ ਤਹਿਤ ਮਾਮਲਾ ਦਰਜ ਕੀਤਾ ਗਿਆ ਹੈ।
