ਪਟਿਆਲਾ : ਅੱਜ ਕੱਲ੍ਹ ਸੋਸ਼ਲ ਮੀਡੀਆ ਦਾ ਰੁਝਾਨ ਇੰਨਾਂ ਵਧ ਗਿਆ ਹੈ ਕਿ ਹਰੇਕ ਇਨਸਾਨ ਆਪਣੀ ਫ਼ੋਟੋ ਖਿੱਚ ਕੇ ਫੇਸਬੁੱਕ ਉਪਰ ਪਾਉਣਾ ਚਾਹੁੰਦਾ ਹੈ। ਇਹ ਟ੍ਰੈਂਡ ਵੀ ਖ਼ੂਬ ਚੱਲ ਰਿਹਾ ਹੈ, ਪ੍ਰੰਤੂ ਕਈ ਵਾਰ ਇਸ ਤਰ੍ਹਾਂ ਫ਼ੋਟੋ ਪਾਉਣਾ ਬਹੁਤ ਮਹਿੰਗਾ ਪੈ ਜਾਂਦਾ ਹੈ। ਤੁਹਾਡੀ ਫੋਟੋ ਤੋਂ ਖੁਸ਼ ਹੋ ਕੇ ਲੋਕ ਕਈ ਵਾਰੀ ਲਾਇਕ ਅਤੇ ਕਈ ਵਾਰੀ ਭੈੜੇ-ਭੈੜੇ ਕੁਮੈਂਟ ਕਰਦੇ ਹਨ ਜਿਸ ਤੋਂ ਬਾਅਦ ਪ੍ਰੇਸ਼ਾਨੀ ਖੜ੍ਹੀ ਹੋ ਜਾਂਦੀ ਹੈ।
ਅਜਿਹਾ ਹੀ ਇੱਕ ਮਾਮਲਾ ਸਾਹਮਣੇ ਆਇਆ ਪਟਿਆਲਾ ਤੋਂ ਗੁਰਬਖ਼ਸ਼ ਕਾਲੋਨੀ ਦੀ ਗਲੀ ਨੰ.1 ਦਾ, ਜਦੋਂ ਫ਼ੇਸਬੁੱਕ ਉੱਤੇ ਇੱਕ ਔਰਤ ਵੱਲੋਂ ਦੂਸਰੀ ਔਰਤ ਦੀਆਂ ਫ਼ੋਟੋਆਂ ਉੱਤੇ ਕੁਮੈਂਟ ਕਰਨ ਨੂੰ ਲੈ ਕੇ ਖਿੱਚਾ ਤਾਣੀ, ਗਾਲੀ-ਗਲੋਚ ਤੱਕ ਗੱਲ ਪਹੁੰਚ ਗਈ।
ਪੀੜਤ ਨੇ ਈਟੀਵੀ ਭਾਰਤ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਉਸ ਦੀ ਫ਼ੇਸਬੁੱਕ ਉੱਤੇ ਇੱਕ ਔਰਤ ਵੱਲੋਂ ਭੈੜੇ-ਭੈੜੇ ਕੁਮੈਂਟ ਕੀਤੇ ਜਾ ਰਹੇ ਹਨ। ਜਦ ਉਸ ਨੇ ਉਸੇ ਉੱਕਤ ਔਰਤ ਦੀ ਨਕਲੀ ਫ਼ੇਸਬੁੱਕ ਆਈਡੀ ਬਣਾਈ ਤਾਂ ਮਾਮਲਾ ਕਾਫ਼ੀ ਵੱਧ ਗਿਆ।
ਇਹ ਵੀ ਪੜ੍ਹੋ : ਸਿਖਲਾਈ ਜਹਾਜ਼ ਹਾਦਸਾਗ੍ਰਸਤ: ਵਿੰਗ ਕਮਾਂਡਰ ਚੀਮਾ ਦੀ ਮੌਤ 'ਤੇ ਕੈਪਟਨ ਨੇ ਜਤਾਇਆ ਦੁੱਖ
ਪੀੜਤ ਨੇ ਦੱਸਿਆ ਕਿ ਉਸ ਔਰਤ ਦੇ ਫ਼ਿਰ 10-12 ਵਿਅਕਤੀਆਂ ਨਾਲ ਰੱਲ ਕੇ ਉਸ ਨਾਲ ਕੁੱਟਮਾਰ ਕੀਤੀ, ਜਿਸ ਵਿੱਚ ਉਹ ਕਾਫ਼ੀ ਜ਼ਖ਼ਮੀ ਹੋ ਗਈ ਅਤੇ ਉਸ ਦਾ ਮੋਬਾਈਲ ਫ਼ੋਨ ਵੀ ਨਾਲ ਲੈ ਗਏ।
ਪੀੜਤ ਲੜਕੀ ਨੇ ਦੱਸਿਆ ਕਿ ਉਹ ਤਾਂ ਕਿਸੇ ਨੂੰ ਜਾਣਦੀ ਵੀ ਨਹੀਂ ਹੈ ਅਤੇ ਉਹ ਮੁੰਬਈ ਤੋਂ ਇੱਥੇ ਕੰਮ ਕਰਨ ਆਈ ਹੈ।
ਇਸ ਮਾਮਲੇ ਨੂੰ ਲੈ ਕੇ ਥਾਣਾ ਡਵਿਜ਼ਨ ਨੰਬਰ 4 ਦੇ ਇੰਚਾਰਜ ਪ੍ਰੀਤ ਇੰਦਰ ਸਿੰਘ ਨੇ ਦੱਸਿਆ ਕਿ ਉਨ੍ਹਾਂ ਨੇ ਮਾਮਲਾ ਦਰਜ ਕੇ ਛਾਣਬੀਣ ਕਰਨੀ ਸ਼ੁਰੂ ਕਰ ਦਿੱਤੀ ਹੈ ਅਤੇ ਜੋ ਵੀ ਦੋਸ਼ੀ ਹੋਵੇਗਾ ਉਸ ਵਿਰੁੱਧ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇਗੀ।
