ਮੌਸਮ ਨੇ ਫੇਰਿਆ 300 ਕਰੋੜ ਦੇ ਉਦਘਾਟਨ 'ਤੇ ਪਾਣੀ

ਪਟਿਆਲਾ: ਰਾਜਪੁਰਾ ਨੇੜੇ ਪੰਜਾਬ ਸਰਕਾਰ ਦੁਆਰਾ 300 ਕਰੋੜ ਰੁਪਏ ਦੀ ਲਾਗਤ ਨਾਲ ਇੰਡਸਟਰੀ ਹੱਬ ਦਾ ਨਿਰਮਾਣ ਕੀਤਾ ਜਾਣਾ ਹੈ। ਇਸ ਦਾ ਉਦਘਾਟਨ ਮੁੱਖ ਮੰਤਰੀ ਨੇ ਕਰਨਾ ਸੀ ਪਰ ਮੁੱਖ ਮੰਤਰੀ ਦੀ ਗ਼ੈਰ-ਮੌਜੂਦਗੀ ਵਿੱਚ ਇਹ ਜਿੰਮੇਵਾਰੀ ਲੋਕ ਨਿਰਮਾਣ ਮੰਤਰੀ ਵਿਜੇ ਇੰਦਰ ਸਿੰਗਲਾ ਨੇ ਨਿਭਾਉਣੀ ਸੀ ਪਰ ਕੁਦਰਤ ਨੂੰ ਇਹ ਮੰਨਜੂਰ ਨਹੀਂ ਸੀ। ਮੀਂਹ ਕਾਰਨ ਜਿੱਥੇ ਇਸ ਸਮਾਗਮ ਦੀ ਥਾਂ ਵਿੱਚ ਹੇਰ-ਫੇਰ ਕੀਤਾ ਗਿਆ, ਉੱਥੇ ਹੀ ਸਥਾਪਨ ਹੋਣ ਵਾਲੀ ਇੰਡਸਟਰੀ ਹੱਬ 'ਤੇ ਕਈ ਸਵਾਲ ਵੀ ਖੜੇ ਹੋ ਗਏ ਹਨ।

ਦਰਅਸਲ, ਮੀਂਹ ਨੇ ਇਸ ਉਦਘਾਟਨ ਸਮਾਗਮ ਉੱਪਰ ਪਾਣੀ ਫੇਰ ਦਿੱਤਾ ਕਿਉਂਕਿ ਮੌਸਮ ਵਿਭਾਗ ਵੱਲੋਂ ਵਾਰ ਵਾਰ ਚੇਤਵਾਨੀਆਂ ਦੇ ਬਾਵਜੂਦ ਪ੍ਰਸ਼ਾਸਨ ਵੱਲੋਂ ਇਸ ਮੀਂਹ ਤੋਂ ਨਿਪਟਣ ਲਈ ਕੋਈ ਇੰਤਜਾਮ ਨਹੀਂ ਕੀਤਾ ਗਿਆ।

ਇਸ 'ਤੇ ਸਵਾਲ ਖੜ੍ਹੇ ਹੋ ਰਹੇ ਹਨ ਕਿ ਜਿੱਥੇ 300 ਕਰੋੜ ਰੁਪਏ ਦੀ ਲਾਗਤ ਨਾਲ ਇੰਡਸਟਰੀ ਹੱਬ ਸਥਾਪਤ ਹੋਣਾ ਹੋਵੇ ਉੱਥੇ ਤਕਨੀਕੀ ਮਾਹਿਰ ਨਾ ਮੌਜੂਦ ਹੋਣਗੇ ਤਾਂ ਭੱਵਿਖ ਵਿੱਚ ਇਸ ਤਰ੍ਹਾਂ ਦੀਆਂ ਆਉਣ ਵਾਲੀਆਂ ਮੁਸ਼ਕਲਾਂ 'ਤੇ ਕਾਬੂ ਕਿਵੇਂ ਕੀਤਾ ਜਾ ਸਕੇਗਾ।