ਮੋਗਾ: ਸ਼ਹਿਰ ਵਿੱਚ ਦਿਨੋਂ ਦਿਨ ਅਵਾਰਾ ਪਸ਼ੂਆਂ ਤੇ ਕੁੱਤਿਆਂ ਦੀ ਗਿਣਤੀ ਵੱਧਦੀ ਜਾ ਰਹੀ ਹੈ, ਪਰ ਪ੍ਰਸ਼ਾਸਨ ਕੁੰਭਕਰਨੀ ਨੀਂਦ ਸੁੱਤਾ ਹੋਇਆ ਹੈ। ਇਨ੍ਹਾਂ ਆਵਾਰਾ ਪਸ਼ੂਆਂ ਕਾਰਨ ਨਿੱਤ ਸੜਕ ਹਾਦਸੇ ਵਾਪਰਦੇ ਹਨ। ਕਈ ਜਾਨਾਂ ਵੀ ਗਈਆਂ ਹਨ, ਪਰ ਪ੍ਰਸ਼ਾਸਨ ਇਸ ਗੱਲ ਤੋਂ ਬੇਖਬਰ ਹੈ। ਸਥਾਨਕ ਵਾਸੀ ਇਸ ਸਮੱਸਿਆ ਤੋਂ ਬੇਹਦ ਪ੍ਰੇਸ਼ਾਨ ਹੋ ਚੁੱਕੇ ਹਨ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਲੋਕਾਂ ਵੱਲੋਂ ਗਊ ਸੈੱਸ ਦੇਣ ਦੇ ਬਾਵਜੂਦ ਵੀ ਲੋਕਾਂ ਨੂੰ ਇਨ੍ਹਾਂ ਸਮੱਸਿਆਵਾਂ ਤੋਂ ਛੁਟਕਾਰਾ ਨਹੀਂ ਮਿਲ ਰਿਹਾ।
ਸੜਕਾਂ ਉੱਤੇ ਅਵਾਰਾਂ ਪਸ਼ੂਆਂ ਦੀ ਲੜਾਈ, ਰਾਹਗੀਰਾਂ ਨੂੰ ਪ੍ਰੇਸ਼ਾਨੀ : ਸੋਮਵਾਰ ਨੂੰ ਮੋਗਾ ਦੇ ਵੱਖ ਵੱਖ ਥਾਵਾਂ ਵਿੱਚ, ਜਿੱਥੇ ਅਵਾਰਾ ਪਸ਼ੂ ਘੁੰਮ ਰਹੇ ਸਨ ਅਤੇ ਮੋਗਾ ਦੇ ਗਾਂਧੀ ਰੋਡ ਉੱਤੇ ਦੋ ਪਸ਼ੂ ਆਪਸ ਵਿੱਚ ਲੜ ਰਹੇ ਸਨ। ਕਈ ਰਾਹਗੀਰ ਉਨ੍ਹਾਂ ਦੀ ਲੜਾਈ ਦਾ ਸ਼ਿਕਾਰ ਹੋਣ ਤੋਂ ਵਾਲ-ਵਾਲ ਬਚੇ ਹਨ। ਪਰ, ਉਨ੍ਹਾਂ ਪਸ਼ੂਆਂ ਕਾਰਨ ਕੋਈ ਵੱਡਾ ਹਾਦਸਾ ਵੀ ਵਾਪਰ ਸਕਦਾ ਸੀ। ਭਾਵੇਂ ਮੋਗਾ ਵਿੱਚ ਬਹੁਤ ਸਾਰਿਆ ਗਊਸ਼ਾਲਾ ਵੀ ਹਨ, ਜਿਨ੍ਹਾਂ ਵਿੱਚੋਂ ਕੁਝ ਸਰਕਾਰੀ ਅਤੇ ਬਾਕੀ ਪ੍ਰਾਈਵੇਟ ਹਨ। ਪਰ, ਫਿਰ ਵੀ ਮੋਗਾ 'ਚ ਅਵਾਰਾ ਪਸ਼ੂ ਸੜਕਾਂ 'ਤੇ ਘੁੰਮਦੇ ਰਹਿੰਦੇ ਹਨ। ਜਦਕਿ ਗੀਤਾ ਭਵਨ ਚੌਂਕ, ਗਾਂਧੀ ਰੋਡ, ਜੀ.ਟੀ.ਰੋਡ ਦੀ ਹਾਲਤ ਵੇਖੀ ਜਾਵੇ ਤਾਂ, ਕਈ ਪਸ਼ੂ ਉੱਥੇ ਇਕੱਠੇ ਬੈਠੇ ਹੋਏ ਸੀ।
ਆਮ ਜਨਤਾ ਦਾ ਸੜਕਾਂ 'ਤੇ ਉਤਰਨਾ ਹੋਇਆ ਔਖਾ : ਇਸ ਮਾਮਲੇ ਨੂੰ ਲੈ ਕੇ ਮੋਗਾ ਦੇ ਆਮ ਲੋਕਾਂ ਦਾ ਕਹਿਣਾ ਹੈ ਕਿ ਸਰਕਾਰ ਹਰ ਚੀਜ਼ 'ਤੇ ਗਊ ਸੈੱਸ ਲੈਂਦੀ ਹੈ, ਪਰ ਇਸ ਦਾ ਕੋਈ ਹੱਲ ਨਹੀਂ ਹੁੰਦਾ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਸ਼ਹਿਰ ਵਿੱਚ ਕਈ ਗਊਸ਼ਾਲਾ ਵੀ ਹਨ, ਪਰ ਫਿਰ ਵੀ ਪਸ਼ੂ ਸੜਕਾਂ 'ਤੇ ਅਵਾਰਾ ਘੁੰਮਦੇ ਹਨ ਅਤੇ ਹਰ ਰੋਜ਼ ਹਾਦਸਿਆਂ ਨੂੰ ਸੱਦਾ ਦਿੰਦੇ ਹਨ। ਇਸ ਕਾਰਨ ਕੁਝ ਦਿਨ ਪਹਿਲਾਂ ਇੱਕ ਜੀਪ ਇੱਕ ਅਵਾਰਾ ਪਸ਼ੂ ਨਾਲ ਟਕਰਾ ਗਈ ਅਤੇ ਬੇਕਾਬੂ ਹੋ ਕੇ ਸੁੱਤੇ ਪਏ ਲੋਕਾਂ ਦੇ ਉੱਪਰ ਜਾ ਚੜੀ ਸੀ, ਜਿਸ ਕਾਰਨ ਇੱਕ ਦੀ ਮੌਤ ਹੋ ਗਈ ਅਤੇ ਕਈ ਜਖਮੀ ਵੀ ਹੋਏ ਸਨ। ਅਜਿਹੇ ਹਾਦਸਿਆਂ ਵਿੱਚ ਬਹੁਤ ਸਾਰੇ ਲੋਕ ਆਪਣੀ ਜਾਨ ਗੁਆ ਦਿੰਦੇ ਹਨ। ਨਿਗਮ ਨੂੰ ਇਨ੍ਹਾਂ ਦਾ ਕੋਈ ਹੱਲ ਕੱਢਣਾ ਚਾਹੀਦਾ ਹੈ। ਉਨਾਂ ਕਿਹਾ ਕਿ ਇਨ੍ਹਾਂ ਅਵਾਰਾ ਪਸ਼ੂਆਂ ਦਾ ਹੱਲ ਕੀਤਾ ਜਾਵੇ, ਤਾਂ ਜੋ ਆਮ ਲੋਕਾਂ ਦਾ ਸੜਕਾਂ ਤੋਂ ਗੁਜ਼ਰਨਾ ਸੌਖਾ ਹੋਵੇ।
ਇਹ ਵੀ ਪੜ੍ਹੋ: Sukhbir Badal on CM Mann : "ਮੁੱਖ ਮੰਤਰੀ ਦਾ ਨਾਂ ਭਗਵੰਤ ਮਾਨ ਨਹੀਂ, ਭਗਵੰਤ ਬੇਈਮਾਨ ਹੋਣਾ ਚਾਹੀਦੈ"
