ਮਾਨਸਾ: ਕਿਸਾਨੀ ਮੰਗਾਂ ਨੂੰ ਲਾਗੂ ਕਰਵਾਉਣ ਦੇ ਲਈ ਪੰਪੰਜਾਬ ਦੇ ਛੇ ਜ਼ਿਲ੍ਹਿਆਂ ਵਿੱਚ ਗੈਰ ਸਿਆਸੀ ਸੰਜੁਕਤ ਕਿਸਾਨ ਮੋਰਚੇ ਵੱਲੋਂ ਰੋਡ ਜਾਮ ਕੀਤੇ ਜਾਣ ਦੇ ਚਲਦਿਆਂ ਜਿਥੇ ਕਿਸਾਨਾਂ ਵੱਲੋਂ ਸਰਕਾਰ ਦੇ ਖਿਲਾਫ਼ ਸੰਘਰਸ਼ ਕੀਤਾ ਜਾ ਰਿਹਾ ਹੈ, ਕਿਸਾਨਾਂ ਦਾ ਕਹਿਣਾ ਹੈ ਕਿ ਕਿਸਾਨੀ ਸੰਘਰਸ਼ ਵਿਚ ਸ਼ਾਮਿਲ ਹੋਣ ਦੇ ਲਈ ਕਿਸਾਨਾਂ ਦੇ ਲਈ ਹੀ ਬਣਨ ਵਾਲੇ ਲੰਗਰ ਤੇ ਹਰ ਰੋਜ ਦਾ 15 ਤੋਂ 20 ਹਜ਼ਾਰ ਰੁਪਏ ਖਰਚਾ ਆ ਰਿਹਾ ਹੈ।
ਲੰਗਰ ਤੇ 10 ਤੋ 15 ਹਜ਼ਾਰ ਰੁਪਏ ਹੋ ਜਾਂਦਾ ਖਰਚ: ਇਸੇ ਤਹਿਤ ਕਿਸਾਨਾਂ ਦੇ ਲਈ ਬਣਨ ਵਾਲੇ ਲੰਗਰ ਦੇ ਪ੍ਰਧਾਨ ਗੁਰਮੇਲ ਸਿੰਘ ਨੇ ਦੱਸਿਆ ਕਿ ਰੋਜ਼ਾਨਾ ਹੀ ਉਨ੍ਹਾਂ ਦਾ ਲੰਗਰ ਤੇ 10 ਤੋ 15 ਹਜ਼ਾਰ ਰੁਪਏ ਖਰਚ ਹੋ ਜਾਂਦਾ ਹੈ। ਉਨ੍ਹਾਂ ਕਿਹਾ ਕਿ ਪਹਿਲਾਂ ਖੰਡ ਅਤੇ ਆਟਾ ਕਿਸਾਨਾਂ ਵੱਲੋਂ ਪਿੰਡਾਂ ਵਿਚੋਂ ਲਿਆਂਦਾ ਗਿਆ ਸੀ ਪਰ ਅੱਜ ਉਹ ਵੀ ਖਤਮ ਹੋ ਚੁੱਕਾ ਹੈ। ਜਿਸ ਕਾਰਨ ਰੋਜ਼ਾਨਾ ਹੀ ਕਿਸਾਨਾਂ ਦਾ ਖਰਚਾ ਵਧ ਰਿਹਾ ਹੈ। ਉਨ੍ਹਾਂ ਕਿਹਾ ਕੇ ਨਿੱਤ ਦਿਨ 5 ਹਜ਼ਾਰ ਰੁਪਏ ਦੀ ਸਬਜ਼ੀ ਮੰਗਵਾਈ ਜਾਂਦੀ ਹੈ ਅਤੇ ਰੋਜ਼ਾਨਾ 2 ਹਜ਼ਾਰ ਤੋਂ ਉਪਰ ਕਿਸਾਨਾਂ ਦੇ ਲਈ ਖਾਣਾ ਤਿਆਰ ਕੀਤਾ ਜਾਂਦਾ ਹੈ।
ਸੰਘਰਸ਼ ਅਜੇ ਲੰਬਾ ਚੱਲਣ ਦੀ ਉਮੀਦ: ਇਸ ਤੋਂ ਅੱਗੇ ਉਨ੍ਹਾ ਦੱਸਿਆ ਕਿ ਹੁਣ ਤੱਕ 70 ਤੋ 80 ਹਜਾਰ ਲੰਗਰ ਤੇ ਖਰਚ ਹੋ ਚੁੱਕਾ ਹੈ ਤੇ ਸੰਘਰਸ਼ ਅਜੇ ਲੰਬਾ ਚੱਲਣ ਦੀ ਉਮੀਦ ਹੈ। ਉਧਰ ਲੰਗਰ ਬਣਾਉਣ ਵਾਲੀਆਂ ਔਰਤਾਂ ਸਰਬਜੀਤ ਕੌਰ ਦਾ ਕਹਿਣਾ ਹੈ ਕਿ ਉਹ ਨਿੱਤ ਦਿਨ ਕਿਸਾਨ ਸ਼ੰਘਰਸ਼ ਦੇ ਧਰਨੇ ਵਿੱਚ ਆਉਂਦੀਆਂ ਹਨ ਅਤੇ ਉਨ੍ਹਾਂ ਦੀ ਡਿਊਟੀ ਸਿਰਫ ਲੰਗਰ ਬਣਾਉਣ ਤੇ ਹੀ ਹੁੰਦੀ ਹੈ ਅਤੇ ਡੇਢ ਕੁਇੰਟਲ ਦੇ ਕਰੀਬ ਆਟਾ ਗੁੰਨ ਕੇ ਕਿਸਾਨਾਂ ਦੇ ਲਈ ਲੰਗਰ ਤਿਆਰ ਕੀਤਾ ਜਾਂਦਾ ਹੈ। ਚਾਹ ਬਣਾਉਣ ਵਾਲੇ ਬਲਵਿੰਦਰ ਸਿੰਘ ਅਤੇ ਸਬਜ਼ੀ ਬਣਾਉਣ ਵਾਲੇ ਕਰਨੈਲ ਸਿੰਘ ਦਾ ਵੀ ਇਹੀ ਤਰਕ ਹੈ ਕਿ ਉਨ੍ਹਾਂ ਦੀ ਡਿਊਟੀ ਕਿਸਾਨਾਂ ਦੇ ਲਈ ਚਾਹ ਅਤੇ ਸਬਜੀ ਬਣਾਉਣ ਤੇ ਹੁੰਦੇ ਹੈ ਰੋਜ਼ਾਨਾ ਇਹ ਦੱਸ ਦੇ ਕੇ ਚਾਹ ਦੇ ਬਣਾਏ ਜਾਂਦੇ ਹਨ।
ਇਹ ਵੀ ਪੜ੍ਹੋ: ਲੰਬੇ ਇੰਤਜ਼ਾਰ ਤੋਂ ਬਾਅਦ ਪੁਰਾਣੀ ਪੈਨਸ਼ਨ ਸਕੀਮ ਦਾ ਨੋਟੀਫਿਕੇਸ਼ਨ ਆਇਆ ਸਾਹਮਣੇ
