ਲੁਧਿਆਣਾ: ਨਸ਼ੇ ਵਿਰੁੱਧ ਅੱਜ ਆਮ ਆਦਮੀ ਪਾਰਟੀ (Aam Aadmi Party) ਵੱਲੋਂ ਲੁਧਿਆਣਾ ਦੇ ਹਲਕਾ ਆਤਮ ਨਗਰ ਦੇ ਵਿੱਚ ਇੱਕ ਵੱਡੀ ਰੈਲੀ ਦਾ ਪ੍ਰਬੰਧ ਕੀਤਾ ਗਿਆ, ਜਿਸ ਵਿੱਚ ਨੌਜਵਾਨਾਂ ਵੱਲੋਂ ਟ੍ਰੈਫਿਕ ਨਿਯਮਾਂ ਦੀਆਂ ਧੱਜੀਆਂ ਉਡਾਈਆਂ ਗਈਆਂ। ਇਸ ਮੋਟਰਸਾਈਕਲ ਰੈਲੀ (Motorcycle rally) ਦੇ ਵਿੱਚ ਵੱਡੀ ਗਿਣਤੀ ਅੰਦਰ ਅਜਿਹੇ ਨੌਜਵਾਨ ਸਨ ਜੋ ਤਿੰਨ-ਤਿੰਨ ਦੀ ਗਿਣਤੀ ਵਿੱਚ ਮੋਟਰ ਸਾਈਕਲ ਉੱਤੇ ਸਵਾਰ ਸਨ। ਇੱਥੋਂ ਤੱਕ ਕਿ ਕਈਆਂ ਨੇ ਹੈਲਮੇਟ ਪਾਉਣਾ ਵੀ ਜ਼ਰੂਰੀ ਨਹੀਂ ਸਮਝਿਆ।
ਟ੍ਰੈਫਿਕ ਨਿਯਮਾਂ ਨੂੰ ਪੁਲਿਸ ਦੀ ਹਾਜ਼ਰੀ 'ਚ ਛਿੱਕੇ ਟੰਗਿਆ: ਇਹ ਵੀ ਦੱਸਣਯੋਗ ਹੈ ਕਿ ਇਸ ਰੈਲੀ ਵਿੱਚ ਪੁਲਿਸ ਕਮਿਸ਼ਨਰ ਮਨਦੀਪ ਸਿੱਧੂ (Police Commissioner Mandeep Sidhu) ਵੀ ਸ਼ਾਮਿਲ ਸਨ ਪਰ ਕਾਨੂੰਨ ਦੇ ਰਾਖੇ ਨਿਯਮਾਂ ਨੂੰ ਲਾਗੂ ਕਰਵਾਉਣ ਵਿੱਚ ਫੇਲ੍ਹ ਸਾਬਤ ਹੁੰਦੇ ਵਿਖਾਈ ਦਿੱਤੇ। ਅਕਸਰ ਹੀ ਲੋਕਾਂ ਦਾ ਚਲਾਨ ਕੱਟਣ ਵਾਲੀ ਅਤੇ ਲੁਧਿਆਣਾ ਵਾਸੀਆਂ ਤੋਂ ਟਰੈਫਿਕ ਨਿਯਮਾਂ ਦੀ ਪਾਲਣਾ ਕਰਵਾਉਣ ਵਾਲੀ ਪੁਲਿਸ ਵੀ ਰੈਲੀ ਵਿੱਚ ਨਿਯਮਾਂ ਨੂੰ ਛਿੱਕੇ ਟੰਗਣ ਵਾਲਿਆਂ ਅੱਗੇ ਬੇਬਸ ਨਜ਼ਰ ਆਈ। ਹਾਲਾਂਕਿ ਇਸ ਰੈਲੀ ਦਾ ਮੁੱਖ ਮਕਸਦ ਲੋਕਾਂ ਨੂੰ ਖਾਸ ਕਰਕੇ ਨੌਜਵਾਨ ਨੂੰ ਨਸ਼ੇ ਦੇ ਖਿਲਾਫ ਸੇਧ ਦੇਣਾ ਸੀ ਪਰ ਨਸ਼ੇ ਦੇ ਖਿਲਾਫ ਇਸ ਰੈਲੀ ਵਿੱਚ ਸ਼ਾਮਿਲ ਹੋਏ ਨੌਜਵਾਨ ਮੋਟਰਸਾਈਕਲਂ ਦੀਆਂ ਰੇਸਾਂ ਦਿੰਦੇ ਅਤੇ ਨਿਯਮਾਂ ਦੀ ਉਲੰਘਣਾ ਕਰਦੇ ਵਿਖਾਈ ਦਿੱਤੇ।
- Punjab Cabinet Meeting Updates : ਪੰਜਾਬ ਕੈਬਨਿਟ ਮੀਟਿੰਗ 'ਚ ਵੱਡੇ ਫੈਸਲੇ, ਵਪਾਰੀਆਂ ਤੇ ਬਜ਼ੁਰਗਾਂ ਨੂੰ ਦਿੱਤਾ ਦੀਵਾਲੀ ਦਾ ਤੋਹਫ਼ਾ, ਸ਼ਹੀਦਾਂ ਦੀਆਂ ਵਿਧਵਾਵਾਂ ਦੀ ਪੈਨਸ਼ਨ ਕੀਤੀ ਦੁੱਗਣੀ
- Woman Murdered In Ludhiana: ਲੁਧਿਆਣਾ 'ਚ 26 ਸਾਲ ਦੀ ਮਹਿਲਾ ਦਾ ਘਰ ਦੇ ਅੰਦਰ ਕਤਲ, ਪੁਲਿਸ ਕਰ ਰਹੀ ਅਣਪਛਾਤੇ ਮੁਲਜ਼ਮ ਦੀ ਭਾਲ
- 3 Minor Died in Satluj: ਸਤਲੁਜ ਦਰਿਆ 'ਚ ਨਹਾਉਣ ਦੌਰਾਨ ਡੁੱਬੇ 3 ਬੱਚਿਆਂ ਦੀ ਹੋਈ ਮੌਤ, ਤਿੰਨੇ ਬੱਚਿਆਂ ਦੀਆਂ ਮਿਲੀਆਂ ਲਾਸ਼ਾਂ, ਘਰਾਂ ਚ ਮਾਤਮ
ਵਿਧਾਇਕ ਨੇ ਕੀਤੀ ਅਪੀਲ: ਇਹ ਰੈਲੀ ਲੁਧਿਆਣਾ ਅਰੋੜਾ ਪੈਲੇਸ ਦਾਣਾ ਮੰਡੀ ਤੋਂ ਸ਼ੁਰੂ ਕੀਤੀ ਗਈ ਸੀ। ਸੈਂਕੜੇ ਦੀ ਤਾਦਾਦ ਵਿੱਚ ਪੁੱਜੇ ਨੌਜਵਾਨ ਇਸ ਰੈਲੀ ਵਿੱਚ ਹੁਲੜਬਾਜ਼ੀ ਕਰਦੇ ਵਿਖਾਈ ਦਿੱਤੇ। ਇੱਥੋਂ ਤੱਕ ਕਿ ਪੁਲਿਸ ਦੇ ਸੀਨੀਅਰ ਅਫ਼ਸਰ ਵੀ ਮੌਕੇ ਉੱਤੇ ਮੌਜੂਦ ਰਹੇ ਪਰ ਨੌਜਵਾਨਾਂ ਨੂੰ ਸਮਝਾਉਣ ਅਤੇ ਰੋਕਣ ਵਿੱਚ ਅਸਮਰਥ ਵਿਖਾਈ ਦਿੱਤੇ। ਹਾਲਾਂਕਿ ਮੀਡੀਆ ਵੱਲੋਂ ਵੀਡੀਓ ਬਣਾਏ ਜਾਣ ਉੱਤੇ ਕੁੱਝ ਪੁਲਿਸ ਮੁਲਜ਼ਮਾਂ ਜ਼ਰੂਰ ਟਰੈਫਿਕ ਨੂੰ ਸਾਂਭਦੇ ਵਿਖਾਈ ਦਿੱਤੇ। ਇਸ ਦੌਰਾਨ ਵਿਧਾਇਕ ਨੇ ਨੌਜਵਾਨਾਂ ਨੂੰ ਇੱਕ ਮੋਟਰਸਾਇਕਲ ਉੱਤੇ 2 ਤੋਂ ਵੱਧ ਗਿਣਤੀ ਵਿੱਚ ਨਾ ਬੈਠਣ ਦੀ ਅਪੀਲ ਕੀਤੀ ਪਰ ਕਿਸੇ ਨੇ ਵੀ ਵਿਧਾਇਕ ਦੀ ਗੱਲ ਵੱਲ ਧਿਆਨ ਨਹੀਂ ਦਿੱਤਾ। (Violation of traffic rules during the rally)
