ਲੁਧਿਆਣਾ: ਖੰਨਾ ਦੇ ਪਿੰਡ ਬਾਹੋਮਾਜਰਾ ਵਿਖੇ ਬੀਤੀ ਰਾਤ ਬਾਹਰੀ ਜ਼ਿਲ੍ਹੇ ਦੀ ਪੁਲਿਸ ਨੇ ਗੁੱਜਰ ਭਾਈਚਾਰੇ ਦੇ ਇੱਕ ਡੇਰੇ ਵਿੱਚ ਵੱਡੀ ਰੇਡ ਕੀਤੀ। 15 ਤੋਂ 20 ਗੱਡੀਆਂ ਵਿੱਚ ਮੁਲਾਜ਼ਮ ਡੇਰੇ ਅੰਦਰ ਆਏ। ਕਰੀਬ ਇੱਕ ਘੰਟਾ ਤਲਾਸ਼ੀ ਲਈ ਗਈ। ਇੱਕ ਨੌਜਵਾਨ ਨੂੰ ਹਿਰਾਸਤ ਵਿੱਚ ਲਿਆ ਗਿਆ। ਦੂਜੇ ਪਾਸੇ ਇਸ ਡੇਰੇ ਦੀਆਂ ਔਰਤਾਂ ਨੇ ਪੁਲਿਸ ਉਪਰ ਕੁੱਟਮਾਰ ਕਰਨ ਦੇ ਦੇ ਇਲਜ਼ਾਮ ਲਾਏ।
ਪਰਿਵਾਰ ਦਾ ਇਲਜ਼ਾਮ: ਡੇਰੇ ਵਿੱਚ ਰਹਿੰਦੀ ਜੈਤੂਨ ਨਾਮ ਦੀ ਔਰਤ ਨੇ ਦੱਸਿਆ ਕਿ ਰਾਤ ਸਮੇਂ ਉਹ ਡੇਰੇ ਵਿੱਚ ਮੌਜੂਦ ਸਨ ਤਾਂ ਕੋਈ ਪਤਾ ਨਹੀਂ ਲੱਗਿਆ ਕਿ ਗੱਡੀਆਂ ਨੇ ਆ ਕੇ ਘੇਰਾ ਪਾ ਲਿਆ। ਆਉਂਦੇ ਸਾਰ ਹੀ ਪੁਲਿਸ ਮੁਲਾਜ਼ਮਾਂ ਨੇ ਕੁੱਟਮਾਰ ਕਰਨੀ ਸ਼ੁਰੂ ਕਰ ਦਿੱਤੀ। ਛੋਟੇ-ਛੋਟੇ ਬੱਚਿਆਂ ਦੇ ਸਾਹਮਣੇ ਔਰਤਾਂ ਨੂੰ ਕੁੱਟਿਆ ਗਿਆ। ਸਾਰੇ ਡੇਰੇ ਦੀ ਤਲਾਸ਼ੀ ਲਈ ਗਈ। ਜਾਂਦੇ ਸਮੇਂ ਉਹਨਾਂ ਦੇ 22 ਸਾਲਾਂ ਦੇ ਇੱਕ ਮੁੰਡੇ ਨੂੰ ਨਾਲ ਲੈ ਗਏ। ਉਹਨਾਂ ਨੂੰ ਦੱਸਿਆ ਤੱਕ ਨਹੀਂ ਗਿਆ ਕਿ ਕਿਹੜੇ ਜਿਲ੍ਹੇ ਦੀ ਪੁਲਿਸ ਹੈ ਅਤੇ ਕੀ ਕਰਨ ਆਈ ਹੈ। ਮੁੰਡੇ ਨੂੰ ਕਿਉਂ ਲੈਕੇ ਗਏ ਇਹ ਵੀ ਨਹੀਂ ਦੱਸਿਆ। ਉਹਨਾਂ ਕਿਹਾ ਕਿ ਜਿਸ ਮੁੰਡੇ ਨੂੰ ਪੁਲਿਸ ਚੁੱਕ ਕੇ ਲੈਕੇ ਗਈ ਹੈ ਉਹ ਪਾਇਲ ਵਿਖੇ ਡਰਾਈਵਰੀ ਕਰਦਾ ਹੈ। ਉਸ ਦੇ ਮਾਲਕਾਂ ਨਾਲ ਵੀ ਪੁਲਿਸ ਨੇ ਕੋਈ ਗੱਲ ਨਹੀਂ ਕੀਤੀ। ਬੱਸ ਆਉਂਦੇ ਸਾਰ ਇਸ ਤਰ੍ਹਾਂ ਧਾਵਾ ਬੋਲ ਦਿੱਤਾ ਗਿਆ ਕਿ ਜਿਵੇਂ ਉਹ ਕੋਈ ਵੱਡੇ ਅਪਰਾਧੀ ਹੋਣ।
- ਬਰਨਾਲਾ ਵਿੱਚ ਪੁਲਿਸ ਤੇ ਗੈਂਗਸਟਰ ਗਰੁੱਪ 'ਚ ਮੁੱਠਭੇੜ, ਫ਼ਾਇਰਿੰਗ 'ਚ ਇੱਕ ਗੈਂਗਸਟਰ ਜ਼ਖ਼ਮੀ, ਚਾਰ ਕਾਬੂ
- Punjab Bandh: ਪੰਜਾਬ ਬੰਦ ਦੌਰਾਨ ਮੋਗਾ 'ਚ ਵਿਗੜੇ ਹਾਲਾਤ, ਦੁਕਾਨ ਬੰਦ ਕਰਵਾਉਣ ਗਏ ਨਿਹੰਗ ਦੇ ਮਾਰੀ ਗੋਲੀ
- ਬਰਨਾਲਾ ਦੇ ਪਿੰਡ ਹਮੀਦੀ ਦੀ ਮਨਪ੍ਰੀਤ ਕੌਰ ਦੀ ਕੈਨੇਡਾ 'ਚ ਮੌਤ, ਮਹਿਜ਼ 20 ਦਿਨ ਪਹਿਲਾਂ ਗਈ ਸੀ ਕੈਨੇਡਾ
ਪੁਲਿਸ ਨੇ ਦਿੱਤੀ ਸਫਾਈ: ਡੇਰੇ ਦੀਆਂ ਦੋ ਹੋਰ ਔਰਤਾਂ ਨੇ ਇਲਜ਼ਾਮ ਲਾਇਆ ਕਿ ਜਦੋਂ ਉਹ ਪੁਲਿਸ ਵਾਲਿਆਂ ਨੂੰ ਕਾਰਣ ਪੁੱਛਣ ਲੱਗੀਆਂ ਤਾਂ ਉਹਨਾਂ ਨੂੰ ਡੰਡਿਆਂ ਨਾਲ ਕੁੱਟਿਆ ਗਿਆ। ਵਾਲ ਫੜਕੇ ਥੱਪੜ ਮਾਰੇ ਗਏ। ਧੱਕੇ ਨਾਲ ਗੱਡੀ ਵਿੱਚ ਬਿਠਾਇਆ ਗਿਆ। ਜਾਂਦੇ ਸਮੇਂ ਉਹਨਾਂ ਨੂੰ ਧਮਕੀਆਂ ਦਿੰਦੇ ਛੱਡ ਕੇ ਭੱਜ ਗਏ। ਉਹਨਾਂ ਕਿਹਾ ਕਿ ਪੁਲਿਸ ਦਾ ਰੇਡ ਕਰਨ ਦਾ ਤਰੀਕਾ ਗ਼ਲਤ ਹੈ। ਜੇਕਰ ਉਹਨਾਂ ਦੇ ਮੁੰਡੇ ਦਾ ਕੋਈ ਕਸੂਰ ਵੀ ਹੈ ਤਾਂ ਉਹਨਾਂ ਨੂੰ ਦੱਸਿਆ ਜਾਂਦਾ। ਇਲਾਕੇ ਦਾ ਕੋਈ ਪੰਚ, ਸਰਪੰਚ ਨਾਲ ਲਿਆਂਦਾ ਜਾਂਦਾ। ਉੱਥੇ ਹੀ ਇਸ ਰੇਡ ਸੰਬੰਧੀ ਐੱਸਐੱਸਪੀ ਖੰਨਾ ਅਮਨੀਤ ਕੌਂਡਲ ਨੇ ਕਿਹਾ ਕਿ ਮਾਮਲਾ ਉਹਨਾਂ ਦੇ ਧਿਆਨ ਵਿੱਚ ਹੈ। ਜਲੰਧਰ ਦਿਹਾਤੀ ਦੀ ਪੁਲਿਸ ਸੀ। ਕਿਸੇ ਕੇਸ ਵਿੱਚ ਰੇਡ ਕੀਤੀ ਗਈ ਹੈ। ਪੂਰੇ ਮਾਮਲੇ ਨੂੰ ਲੈਕੇ ਉਹਨਾਂ ਦਾ ਸੰਪਰਕ ਜਾਰੀ ਹੈ। ਇਸ ਬਾਰੇ ਜ਼ਿਆਦਾ ਜਾਣਕਾਰੀ ਜਲੰਧਰ ਪੁਲਿਸ ਹੀ ਦੇ ਸਕਦੀ ਹੈ।