ਲੁਧਿਆਣਾ: ਵਰਧਮਾਨ ਇਨਕਲੇਵ ਭਾਮੀਆਂ ਖੁਰਦ ਵਿਖੇ ਹਾਈ ਵੋਲਟੇਜ ਤਾਰਾਂ ਵਿੱਚ ਸਪਾਰਕ ਹੋਣ ਕਰਕੇ ਵੱਡਾ ਬਲਾਸਟ (Explosions caused by high voltage wires in Ludhiana) ਹੋ ਗਿਆ। ਜਿਸ ਕਰਕੇ ਕਈ ਘਰਾਂ ਦੇ ਅੰਦਰ ਬਿਜਲੀ ਨਾਲ ਚੱਲਣ ਵਾਲਾ ਸਮਾਨ ਖਰਾਬ ਹੋ ਗਿਆ ਹੈ। ਕਈਆਂ ਦੇ ਮੋਬਾਈਲ ਸੜ ਗਏ ਕਈਆਂ ਦੇ ਮੀਟਰ ਸੜ ਗਏ। ਇਥੋਂ ਤੱਕ ਕੇ ਕਈ ਘਰਾਂ ਦੇ ਵਿਚ ਪਟਾਕੇ ਪੈਣ ਕਰਕੇ ਬਿਜਲੀ ਦੇ ਸਵਿਚ ਤਾਰਾ ਅਤੇ ਹੋਰ ਬਿਜਲੀ ਦਾ ਸਾਮਾਨ ਸੜ ਕੇ ਸੁਆਹ ਹੋ ਗਿਆ।
ਕਾਫੀ ਬਿਜਲੀ ਦਾ ਸਮਾਨ ਸੜ ਗਿਆ: ਘਰਾਂ ਦੀਆਂ ਕੰਧਾਂ ਦੇ ਵਿਚ ਤਰੇੜਾਂ ਆ ਗਈਆਂ ਸਥਾਨਕ ਲੋਕਾਂ ਨੇ ਇਕੱਠੇ ਹੋ ਕੇ ਬਿਜਲੀ ਵਿਭਾਗ ਦੇ ਖਿਲਾਫ਼ ਪ੍ਰਦਰਸ਼ਨ ਕੀਤਾ। ਉਨ੍ਹਾਂ ਦੇ ਹੋਏ ਨੁਕਸਾਨ ਦਾ ਮੁਆਵਜ਼ਾ ਦੇਣ ਦੀ ਮੰਗ ਕੀਤੀ। ਇਸ ਮੌਕੇ 'ਤੇ ਬਿਜਲੀ ਵਿਭਾਗ ਦੇ ਜੂਨੀਅਰ ਇੰਜੀਨੀਅਰ ਤਾਂ ਪਹੁੰਚੇ ਪਰ ਉਨ੍ਹਾਂ ਕੋਲ ਕੋਈ ਤਸੱਲੀਬਖ਼ਸ਼ ਜਵਾਬ ਨਹੀਂ ਸੀ। 220 ਕੇ ਵਾਟ ਦੀਆਂ ਤਾਰਾਂ ਉਪਰੋ ਲੰਘਦੀਆਂ ਹਨ। ਲੋਕਾਂ ਦੇ ਘਰਾਂ ਦੇ ਬੈਟਰੀਆਂ, ਇਨਵੇਟਰ ਸੜ ਚੁੱਕੇ ਹਨ।
ਹਾਈ ਵੋਲਟੇਜ ਤਾਰਾਂ ਕਾਰਨ ਵੱਡੇ ਬਲਾਸਟ : ਇਲਾਕਾ ਵਾਸੀਆਂ ਨੇ ਕਿਹਾ ਕਿ ਇਹ ਕੋਈ ਪਹਿਲਾ ਮਾਮਲਾ ਨਹੀਂ ਹੈ ਇਸ ਤੋਂ ਪਹਿਲਾਂ ਵੀ ਹਾਈ ਵੋਲਟੇਜ ਤਾਰਾਂ ਦੇ ਅੰਦਰ ਸਪਾਰਕ ਹੋਣ ਕਰਕੇ ਸਾਡੇ ਘਰਾਂ ਦੇ ਵਿੱਚ ਪਏ ਬਿਜਲੀ ਦੇ ਸਮਾਨ ਸੜ ਚੁੱਕੇ ਹਨ। ਉਨ੍ਹਾਂ ਨੇ ਕਿਹਾ ਕਿ ਸਾਡਾ ਇਥੇ ਰਹਿਣਾ ਮੁਸ਼ਕਿਲ ਹੋ ਚੁੱਕਾ ਹੈ। ਇਸ ਦਾ ਕਾਰਨ ਵੱਡਾ ਟਾਵਰ ਹੈ। ਜਿੱਥੇ ਹਾਈ ਵੋਲਟੇਜ ਤਾਰਾਂ ਲੰਘਦੀਆਂ ਹਨ। ਅਕਸਰ ਹੀ ਇਹ ਤਾਰਾਂ ਆਪਸ ਦੇ ਵਿੱਚ ਜੁੜਨ ਕਰ ਕੇ ਵੱਡੇ ਬਲਾਸਟ ਹੁੰਦੇ ਹਨ। ਲੋਕਾਂ ਨੇ ਕਿਹਾ ਘਰਾਂ ਦਾ ਸਾਮਾਨ ਸੜ ਜਾਂਦਾ ਹੈ ਅਤੇ ਘਰਾਂ ਦਾ ਨੁਕਸਾਨ ਹੋ ਰਿਹਾ ਹੈ ਇਥੋਂ ਤੱਕ ਕੇ ਕਈ ਘਰਾਂ ਦੇ ਵਿੱਚ ਤਾਂ ਕੰਦਾਂ ਵੀ ਟੁੱਟ ਗਈਆਂ ਹਨ।
ਸਥਾਨਕ ਵਾਸੀਆਂ ਦੇ ਬਿਜਲੀ ਵਿਭਾਗ ਉਤੇ ਇਲਜਾਮ: ਇਲਾਕਾ ਵਾਸੀਆਂ ਨੇ ਕਿਹਾ ਕਿ ਇਹ ਬਿਜਲੀ ਵਿਭਾਗ ਦੀ ਗਲਤੀ ਹੈ ਅਸੀਂ ਉਨ੍ਹਾਂ ਨੂੰ ਕਈ ਵਾਰ ਲਿਖਤੀ ਦੇ ਵਿੱਚ ਸ਼ਿਕਾਇਤ ਦੇ ਚੁੱਕੇ ਹਾਂ ਪਰ ਅੱਜ ਤੱਕ ਕਿਸੇ ਤਰ੍ਹਾਂ ਦੀ ਕੋਈ ਕਾਰਵਾਈ ਨਹੀਂ ਕੀਤੀ ਗਈ। ਅੱਜ ਸਵੇਰੇ ਹੀ ਉਸੇ ਤਰ੍ਹਾਂ ਦਾ ਕੰਮ ਹੋਇਆ ਹੈ ਜਿਨ੍ਹਾਂ ਨੇ ਮੋਬਾਈਲ ਚਾਰਜ ਤੇ ਲਾਏ ਹੋਏ ਸਨ ਉਨ੍ਹਾਂ ਦੇ ਮੋਬਾਈਲ ਸੜ ਗਏ। ਕਿਸੇ ਦੇ ਘਰ ਦਾ ਟੀਵੀ ਸੜ ਗਿਆ ਕਿਸੇ ਦੇ ਘਰ ਦੀ ਪ੍ਰੈਸ ਸੜ ਗਈ। ਸਥਾਨਕ ਲੋਕਾਂ ਨੇ ਕਿਹਾ ਕਿ ਸਾਡਾ ਲੱਖਾਂ ਦਾ ਨੁਕਸਾਨ ਹੋ ਗਿਆ ਹੈ।
ਬਿਜਲੀ ਵਿਭਾਗ ਦੇ ਅਧਿਕਾਰੀ ਨੇ ਕਿਹਾ: ਉਥੇ ਦੂਜੇ ਪਾਸੇ ਮੌਕੇ ਉਤੇ ਬਿਜਲੀ ਵਿਭਾਗ ਦੇ ਜੂਨੀਅਰ ਇੰਜੀਨੀਅਰ ਗੁਰਪ੍ਰੀਤ ਸਿੰਘ ਪਹੁੰਚੇ ਉਨ੍ਹਾਂ ਕਿਹਾ ਕਿ ਅਸੀਂ ਸਵੇਰੇ ਹੀ ਦਫਤਰ ਤੋਂ ਨਿਕਲ ਗਏ ਸੀ। ਉਹਨਾਂ ਕਿਹਾ ਕਿ ਇਲਾਕੇ ਦੇ ਵਿੱਚ ਫੈਕਟਰੀਆਂ ਹਨ ਜਿੰਨ੍ਹਾਂ ਦਾ ਕਾਰਬਨ ਧਾਰਾ ਤੇ ਜੰਮ ਜਾਂਦਾ ਹੈ ਇੰਨਾ ਹੀ ਨਹੀਂ ਧੁੰਦ ਕਰਕੇ ਇਨ੍ਹਾਂ ਦੇ ਵਿੱਚ ਸਪਾਰਕ ਹੋ ਜਾਂਦਾ ਹੈ ਜਿਸ ਕਰਕੇ ਹੀ ਨੁਕਸਾਨ ਹੋਇਆ ਹੈ। ਉਨ੍ਹਾਂ ਕਿਹਾ ਕਿ ਸਾਡੇ ਸੀਨੀਅਰ ਅਫ਼ਸਰਾਂ ਵੱਲੋਂ ਦਿੱਤੇ ਨਿਰਦੇਸ਼ਾਂ ਤੋਂ ਬਾਅਦ ਅਸੀਂ ਟਾਵਰ ਤੋਂ ਇਨ੍ਹਾਂ ਤਾਰਾਂ ਦਾ ਹੱਲ ਕਰਾਂਗੇ ਉਨ੍ਹਾਂ ਦੱਸਿਆ ਕਿ ਇਹ ਹਾਈ ਵੋਲਟੇਜ ਦੀਆਂ ਹਨ।
ਇਹ ਵੀ ਪੜ੍ਹੋ:- ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਮਾਂ ਹੀਰਾਬਾ ਬੀਮਾਰ, ਇਲਾਜ ਲਈ ਹਸਪਤਾਲ 'ਚ ਭਰਤੀ
