ਲੁਧਿਆਣਾ: ਜਗਰਾਓਂ 'ਚ ਲੱਗਣ ਵਾਲੇ ਪਸ਼ੂ ਮੇਲੇ ਪੀਡੀਐਫਏ ਵਿੱਚ ਪੰਜਾਬ ਹੀ ਨਹੀਂ ਸਗੋਂ ਦੇਸ਼ ਦੀਆਂ ਵੱਖ-ਵੱਖ ਥਾਵਾਂ ਤੋਂ ਲੋਕ ਪਾਲਤੂ ਜਾਨਵਰ ਲਿਆਉਂਦੇ ਹਨ। ਇਸ ਮੇਲੇ ਵਿੱਚ ਸਰਸਵਤੀ ਨਾਂਅ ਦੀ ਮੱਝ ਨੇ ਇੱਕ ਸਮੇਂ 'ਚ 32 ਕਿੱਲੋ ਤੋਂ ਵੱਧ ਦੁੱਧ ਦੇ ਕੇ ਵਿਸ਼ਵ ਰਿਕਾਰਡ ਆਪਣੇ ਨਾਂਅ ਕੀਤਾ। ਕੈਬਿਨੇਟ ਮੰਤਰੀ ਬਲਬੀਰ ਸਿੱਧੂ ਖ਼ਾਸ ਤੌਰ 'ਤੇ ਇਸ ਮੇਲੇ ਵਿੱਚ ਪਹੁੰਚੇ। ਦੱਸ ਦਈਏ ਕਿ ਪਿਛਲਾ ਵਿਸ਼ਵ ਰਿਕਾਰਡ ਪਾਕਿਸਤਾਨ ਦੀ ਮੱਝ ਦੇ ਨਾਂਅ ਸੀ ਪਰ ਹੁਣ ਉਹ ਰਿਕਾਰਡ ਹਰਿਆਣਾ ਦੇ ਹਿਸਾਰ ਦੀ ਸਰਸਵਤੀ ਨਾਂਅ ਦੀ ਮੱਝ ਨੇ ਆਪਣੇ ਨਾਂਅ ਕਰ ਲਿਆ।
ਦੂਜੇ ਪਾਸੇ ਪੀਡੀਐਫਏ ਮੇਲੇ ਵਿੱਚ ਮੋਦੀ ਨਾਂਅ ਦਾ ਝੋਟਾ ਵੀ ਸਾਰਿਆਂ ਦੀ ਖਿੱਚ ਦਾ ਕੇਂਦਰ ਰਿਹਾ ਜਿਸ ਨੂੰ ਦੇਖਣ ਲਈ ਲੋਕ ਦੂਰ-ਦੂਰ ਤੋਂ ਆਏ। ਝੋਟੇ ਮੋਦੀ ਬਾਰੇ ਸੁਣ ਕੇ ਕੈਬਨਿਟ ਮੰਤਰੀ ਬਲਬੀਰ ਸਿੱਧੂ ਵੀ ਨਾ ਰਹਿ ਸਕੇ ਅਤੇ ਉਹਨਾਂ ਨੇ ਵੀ ਮੋਦੀ ਨਾਲ ਵਿਸ਼ੇਸ਼ ਤੌਰ 'ਤੇ ਫੋਟੋ ਖਿਚਵਾਈ।
ਇਹ ਵੀ ਪੜ੍ਹੋ: ਆਮ ਆਦਮੀ ਪਾਰਟੀ ਨੇ ਪਿਆਜ਼ ਦੀਆਂ ਵੱਧੀਆਂ ਕੀਮਤਾਂ ਨੂੰ ਲੈ ਕੇ ਕੀਤਾ ਪ੍ਰਦਰਸ਼ਨ
ਮੋਦੀ ਨਾਂਅ ਦਾ ਝੋਟਾ ਪਾਲਣ ਵਾਲੇ ਉਸ ਦੇ ਮਾਲਕ ਨੇ ਦੱਸਿਆ ਕਿ ਮੋਦੀ ਦਾ ਨਾਂਅ ਉਨ੍ਹਾਂ ਨੇ ਝੋਟੇ ਦੀ ਸਿਹਤ ਕਰਕੇ ਰੱਖਿਆ ਹੈ ਅਤੇ ਲੋਕ ਦੂਰ-ਦੂਰ ਤੋਂ ਲੋਕ ਇਸ ਨੂੰ ਦੇਖਣ ਲਈ ਪਹੁੰਚ ਰਹੇ ਹਨ। ਦੂਜੇ ਪਾਸੇ ਸਰਸਵਤੀ ਮੱਝ ਦੇ ਮਾਲਕ ਨੇ ਦੱਸਿਆ ਕਿ ਉਨ੍ਹਾਂ ਦੀ ਮੱਝ ਨੇ ਇਸ ਵਾਰ 32 ਕਿੱਲੋ ਅਤੇ 66 ਗ੍ਰਾਮ ਦੁੱਧ ਦੇ ਕੇ ਵਿਸ਼ਵ ਰਿਕਾਰਡ ਆਪਣੇ ਨਾਂਅ ਕੀਤਾ।