ਲੁਧਿਆਣਾ:ਖੰਨਾ ਵਿਚ ਪੈਟਰੋਲ ਪੰਪ (Petrol Pump)ਉਤੇ ਤੇਜ਼ਧਾਰ ਹਥਿਆਰਾਂ ਨਾਲ ਕਰਿੰਦਿਆਂ ਕੋਲੋਂ ਕੈਸ਼ ਲੁਟਿਆ ਗਿਆ। ਪੰਪ ਉੱਪਰ ਸੌਂ ਰਹੇ ਕਰਿੰਦਿਆਂ ਨੂੰ ਡਰਾ ਧਮਕਾ ਕੇ ਲੁਟੇਰੇ ਵਾਰਦਾਤ ਕਰਕੇ ਫਰਾਰ ਹੋ ਗਏ।ਇਹ ਸਾਰੀ ਘਟਨਾ ਸੀਸੀਟੀਵੀ (CCTV) ਵਿਚ ਕੈਦ ਹੋ ਗਈ।
ਪੈਟਰੋਲ ਪੰਪ 'ਤੇ ਹਥਿਆਰਾਂ ਦੇ ਬਲ 'ਤੇ ਕਰਿੰਦਿਆਂ ਕੋਲੋਂ ਲੁਟਿਆ ਕੈਸ਼
ਇਸ ਬਾਰੇ ਪਰਮਜੀਤ ਸਿੰਘ ਨੇ ਦੱਸਿਆ ਕਿ ਜਦੋਂ ਉਹ ਸ਼ੇਡ ਥੱਲੇ ਸੁੱਤੇ ਪਏ ਸੀ ਤਾਂ ਰਾਤ ਨੂੰ ਸਵਾ 2 ਵਜੇ ਸਵਿਫਟ ਕਾਰ ਵਿਚ ਤਿੰਨ ਜਾਣੇ ਆਏ। ਇੱਕ ਕਾਰ ਵਿਚ ਹੀ ਬੈਠਾ ਰਿਹਾ। ਕਾਰ ਸਟਾਰਟ ਰੱਖੀ ਹੋਈ ਸੀ। ਦੋ ਵਿਅਕਤੀ ਕਿਰਪਾਨਾਂ ਲੈ ਕੇ ਬਾਹਰ ਨਿਕਲੇ ਅਤੇ ਜਾਨੋ ਮਾਰਨ ਦੀ ਧਮਕੀ ਦਿੱਤੀ ਗਈ।
ਲੁਟੇਰੇ ਪੰਪ ਤੋਂ 30 ਹਜ਼ਾਰ ਰੁਪਏ, ਐਲ ਈ ਡੀ ਅਤੇ ਹੋਰ ਸਮਾਨ ਲੈ ਕੇ ਫਰਾਰ ਹੋ ਗਏ। ਪੰਪ ਮਾਲਕ ਸੰਜੇ ਕੁਮਾਰ ਨੇ ਪੁਲਿਸ ਕੋਲੋਂ ਮੰਗ ਕੀਤੀ ਕਿ ਲੁਟੇਰਿਆਂ ਨੂੰ ਜਲਦ ਫੜਿਆ ਜਾਵੇ ਤਾਂ ਜੋ ਕਿਸੇ ਹੋਰ ਪੰਪ ਤੇ ਅਜਿਹੀ ਵਾਰਦਾਤ ਨਾ ਹੋਵੇ।
ਇਹ ਵੀ ਪੜੋ:ਪਿਤਾ ਦੀ ਮੌਤ ਤੋਂ ਬਾਅਦ 9 ਸਾਲ ਦੇ ਪੁੱਤ ਨੇ ਚੁੱਕੀ ਪੂਰੇ ਘਰ ਦੀ ਜ਼ਿੰਮੇਵਾਰੀ
