ਲੁਧਿਆਣਾ: ਪ੍ਰਣਵ ਚੌਹਾਨ ਭਾਵੇਂ ਉਮਰ ਤੋਂ ਮਹਿਜ਼ ਪੰਜ ਸਾਲ ਦਾ ਹੈ, ਪਰ ਆਪਣੀ ਉਪਲੱਬਧੀ ਤੇ ਟੈਲੰਟ ਨਾਲ ਉਸ ਨੇ ਚੰਗੇ ਚੰਗਿਆਂ ਨੂੰ ਮਾਤ ਪਾ ਦਿੱਤੀ ਹੈ। ਪ੍ਰਣਵ ਨੇ ਨੇਪਾਲ ਵਿੱਚ ਨਾ ਸਿਰਫ ਕੌਮਾਂਤਰੀ ਪੱਧਰ ਦਾ ਮੁਕਾਬਲਾ ਜਿੱਤਿਆ, ਸਗੋਂ 29 ਮਿੰਟ ਵਿੱਚ ਮਹਿਜ਼ 9 ਇੰਚ ਉੱਚੀ ਰੱਸੀ ਹੇਠਾਂ 61 ਵਾਰ ਲੰਘ ਕੇ ਇੱਕ ਨਵਾਂ ਕੀਰਤੀਮਾਨ ਰੱਚਿਆ ਹੈ।
ਪ੍ਰਣਵ ਹੁਣ ਅੱਖਾਂ 'ਤੇ ਪੱਟੀ ਬੰਨ੍ਹ ਕੇ ਸਕੇਟਿੰਗ ਦਾ ਵਿਸ਼ਵ ਰਿਕਾਰਡ ਬਣਾਉਣਾ ਚਾਹੁੰਦਾ ਹੈ। ਇਸ ਦੀ ਤਿਆਰੀ ਪ੍ਰਣਵ ਦੇ ਕੋਚ ਤੇ ਪਿਤਾ ਵਲੋਂ ਜੀ ਜਾਨ ਨਾਲ ਕਰਵਾਈ ਜਾ ਰਹੀ ਹੈ। ਪ੍ਰਣਵ ਦੇ ਪਿਤਾ ਨੇ ਦੱਸਿਆ ਕਿ ਉਸ ਨੂੰ ਸਕੇਟਿੰਗ ਵਿੱਚ 3.5 ਸਾਲ ਦੀ ਉਮਰ ਵਿੱਚ ਹੀ ਲਗਾ ਦਿੱਤਾ ਸੀ ਅਤੇ ਉਹ ਕਈ ਸੂਬਾ ਪੱਧਰੀ ਮੁਕਾਬਲੇ ਵੀ ਆਪਣੇ ਨਾਂਅ ਕਰ ਚੁੱਕਾ ਹੈ। ਪ੍ਰਣਵ ਦੇ ਪਿਤਾ ਨੇ ਦੱਸਿਆ ਕਿ ਉਹ ਉਸ ਦੀ ਪਰਫਾਰਮੈਂਸ ਤੋਂ ਕਾਫ਼ੀ ਖੁਸ਼ ਹਨ ਅਤੇ ਹੁਣ ਚਾਹੁੰਦੇ ਹਨ ਕਿ ਅੱਖਾਂ 'ਤੇ ਪੱਟੀ ਬੰਨ੍ਹ ਕੇ ਸਕੇਟਿੰਗ ਵਿੱਚ ਉਹ ਵਿਸ਼ਵ ਰਿਕਾਰਡ ਬਣਾਏ।
ਦੂਜੇ ਪਾਸੇ, ਪ੍ਰਣਵ ਦੇ ਕੋਚ ਨੇ ਦੱਸਿਆ ਕਿ ਅੱਠ ਮਹੀਨੇ ਪਹਿਲਾਂ ਉਸ ਨੂੰ ਉਹ ਲੁਧਿਆਣਾ ਦੇ ਹੀ ਸਕੇਟਿੰਗ ਟਰੈਕ 'ਤੇ ਮਿਲਿਆ ਸੀ ਅਤੇ ਬੱਚੇ ਦੀ ਕਲਾ ਤੋਂ ਹੀ ਲੱਗਿਆ ਕਿ ਇਹ ਕਾਫੀ ਅੱਗੇ ਤੱਕ ਜਾ ਸਕਦਾ ਹੈ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਪ੍ਰਣਵ 'ਤੇ ਕੰਮ ਕਰਨਾ ਸ਼ੁਰੂ ਕੀਤਾ ਤੇ ਹੁਣ ਪ੍ਰਣਵ ਨੇ ਇਕ ਨਵਾਂ ਕੀਰਤੀਮਾਨ ਸਥਾਪਿਤ ਕਰਕੇ ਪੰਜਾਬ ਦਾ ਨਾਂਅ ਉੱਚਾ ਕੀਤਾ।
ਇਹ ਵੀ ਪੜ੍ਹੋ: CDS ਦੀ ਨਿਯੁਕਤੀ ਦਾ ਸਵਾਗਤ, ਪਰ ਭਰੋਸਾ ਨਹੀਂ ਕਿ ਰਾਵਤ ਇੱਕ ਚੰਗਾ ਜਨਰਲ: ਪੀ ਚਿਦੰਬਰਮ
