ਜਲੰਧਰ: ਜ਼ਿਲ੍ਹੇ ਦੇ ਰੇਲਵੇ ਸਟੇਸ਼ਨ ਉੱਤੇ ਉਸ ਸਮੇਂ ਭਿਆਨਕ ਹਾਦਸਾ ਤੋਂ ਬਚਾਅ ਹੋ ਗਿਆ ਜਦੋਂ ਇੱਕ ਵਿਅਕਤੀ ਦਾ ਟ੍ਰੇਨ ਵਿੱਚ ਚੜਦੇ ਸਮੇਂ ਫਿਸਲ ਗਿਆ ਜਿਸ ਨੂੰ ਆਰਪੀਐਫ ਦੀ ਟੀਮ ਵੱਲੋਂ ਬਚਾਇਆ ਗਿਆ। ਇਸ ਸਬੰਧੀ ਸੀਸੀਟੀਵੀ ਫੁਟੇਜ ਵੀ ਸਾਹਮਣੇ ਆਈ ਹੈ, ਜਿਸ ਵਿੱਚ ਆਰਪੀਐਫ ਦੇ ਜਵਾਨ ਵੱਲੋਂ ਬਹੁਤ ਹੀ ਬਹਾਦਰੀ ਨਾਲ ਵਿਅਕਤੀ ਨੂੰ ਬਚਾਇਆ ਗਿਆ।
ਟ੍ਰੇਨ ਚੜਦੇ ਵਿਅਕਤੀ ਦਾ ਫਿਸਲਿਆ ਪੈਰ
ਸੀਸੀਟੀਵੀ ਫੁਟੇਜ ਵਿੱਚ ਦੇਖਿਆ ਜਾ ਸਕਦਾ ਹੈ ਕਿ ਇੱਕ ਵਿਅਕਤੀ ਟ੍ਰੇਨ ਵਿੱਚ ਚੜ ਰਿਹਾ ਹੈ ਪਰ ਜਿਵੇਂ ਹੀ ਉਸ ਨੇ ਟ੍ਰੇਨ ਵਿੱਚ ਪੈਰ ਧਰਿਆ ਤਾਂ ਉਸਦਾ ਪੈਰ ਫਿਸਲ ਗਿਆ ਅਤੇ ਡਿੱਗ ਗਿਆ। ਉਸ ਸਮੇਂ ਤੱਕ ਟ੍ਰੇਨ ਚਲਣ ਵੀ ਲੱਗੀ ਸੀ। ਪਰ ਜਿਵੇਂ ਹੀ ਵਿਅਕਤੀ ਉੱਤੇ ਆਰਪੀਐਫ ਦੇ ਜਵਾਨ ਦੀ ਨਜ਼ਰ ਪਈ ਤਾਂ ਉਸਨੇ ਵਿਅਕਤੀ ਨੂੰ ਬਚਾ ਲਿਆ।
