ਜਲੰਧਰ: ਬੀਤੇ ਦਿਨੀਂ ਪਤੀ ਪਤਨੀ ਦੇ ਆਪਸੀ ਝਗੜੇ 'ਤੇ ਅਣਜਾਣ ਵਿਅਕਤੀ ਵੱਲੋਂ ਗੋਲੀ ਚਲਾਉਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਜਿਸ 'ਚ ਉਸ ਅਣਜਾਣ ਵਿਅਕਤੀ ਨੇ ਔਰਤ ਦੇ ਪਤੀ ਪ੍ਰਲਾਦ ਦੀ ਲੱਤ 'ਤੇ ਗੋਲੀ ਚਲਾਈ। ਇਸ ਨਾਲ ਪ੍ਰਲਾਦ ਜ਼ਖਮੀ ਹੋ ਗਿਆ। ਇਲਾਜ ਲਈ ਪ੍ਰਲਾਦ ਨੂੰ ਸਿਵਲ ਹਸਪਤਾਲ 'ਚ ਭਰਤੀ ਕਰਵਾਇਆ ਗਿਆ।
ਇਸ 'ਤੇ ਪੀੜਤ ਪ੍ਰਲਾਦ ਨੇ ਦੱਸਿਆ ਕਿ ਉਸ ਦੀ ਪਤਨੀ ਸਹੁਰੇ ਪਰਿਵਾਰ ਨੂੰ ਛੱਡ ਕੇ ਆਪਣੇ ਭਰਾ ਦੇ ਘਰ ਜਾਣਾ ਚਾਹੁੰਦੀ ਸੀ ਪਰ ਪ੍ਰਲਾਦ ਉਸ ਨੂੰ ਭੇਜਣਾ ਨਹੀਂ ਸੀ ਚਾਹੁੰਦਾ। ਜਿਸ ਕਰਕੇ ਉਨ੍ਹਾਂ ਵਿਚਾਲੇ ਝਗੜਾ ਹੋ ਰਿਹਾ ਸੀ। ਜਿਸ ਨੂੰ ਦੇਖ ਕੇ ਰਾਹ ਜਾਂਦੇ ਵਿਅਕਤੀ ਨੇ ਪੀੜਤ ਦੀ ਪਤਨੀ ਨੂੰ ਝਗੜੇ ਦਾ ਕਾਰਨ ਪੁੱਛਿਆ ਤੇ ਕਿਹਾ ਕਿ ਉਹ ਉਸ ਦੇ ਨਾਲ ਹੈ। ਇਸ ਦੌਰਾਨ ਗੁਰਦੀਪ ਸਿੰਘ ਦੀ ਪੀੜਤ ਨਾਲ ਝੱੜਪ ਹੋ ਗਈ ਇਸ ਤੋਂ ਬਾਅਦ ਗੁਰਦੀਪ ਸਿੰਘ ਨੇ ਅਸਲਾ ਕੱਢ ਕੇ ਪ੍ਰਲਾਦ 'ਤੇ ਗੋਲੀ ਚਲਾ ਦਿੱਤੀ।
ਡੀ.ਸੀ.ਪੀ. ਬਲਬੀਰ ਸਿੰਘ ਨੇ ਕਿਹਾ ਕਿ ਥਾਣਾ 2 ਨੂੰ ਸੁਚਨਾ ਮਿਲੀ ਸੀ ਕਿ ਗੋਪਾਲ ਨਗਰ 'ਚ ਗੋਲੀ ਚੱਲੀ ਹੈ। ਜਿਸ ਤੋਂ ਬਾਅਦ ਪੁਲਿਸ ਨੇ ਮੌਕੇ 'ਤੇ ਪਹੁੰਚ ਕੇ ਘਟਨਾ ਦਾ ਪੁਰਾ ਜਾਇਜ਼ਾ ਲਿਆ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਮੌਕੇ 'ਤੇ ਹੀ ਗੁਰਦੀਪ ਸਿੰਘ ਨੂੰ ਹਿਰਾਸਤ 'ਚ ਲਿਆ। ਉਨ੍ਹਾਂ ਨੇ ਕਿਹਾ ਕਿ ਗੁਰਦੀਪ ਸਿੰਘ ਕੋਲ ਪੁਆਇੰਟ 22 ਅਸਲਾ ਸੀ। ਜਿਸ ਨਾਲ ਪ੍ਰਲਾਦ ਸਿੰਘ ਦੀ ਲੱਤ ਗੋਲੀ ਚਲਾਈ ਸੀ। ਉਨ੍ਹਾਂ ਨੇ ਦੱਸਿਆ ਕਿ ਗੁਰਦੀਪ ਸਿੰਘ ਗੋਪਾਲ ਨਗਰ ਦਾ ਵਸਨੀਕ ਹੈ।
ਇਹ ਵੀ ਪੜ੍ਹੋ: 12 ਘੰਟਿਆਂ 'ਚ 2 ਮਾਲਗੱਡੀਆਂ ਪਟੜੀ ਤੋਂ ਹੇਠਾਂ ਉਤਰੀਆਂ, ਟਲਿਆ ਵੱਡਾ ਹਾਦਸਾ
ਡੀ.ਸੀ.ਪੀ ਨੇ ਦੱਸਿਆ ਪੁਲਿਸ ਇਸ ਮਾਮਲੇ ਦੀ ਜਾਂਚ ਕਰ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
