ਹੁਸ਼ਿਆਰਪੁਰ: ਪਿੰਡ ਮੋਰਾਂਵਾਲੀ ਦੇ ਹਰਭਜਨ ਸਿੰਘ ਦੀ ਕੋਰੋਨਾ ਵਾਇਰਸ ਕਾਰਨ ਮੌਤ ਹੋ ਗਈ ਸੀ ਜਿਸ ਤੋਂ ਉਨ੍ਹਾਂ ਦੀ ਪਤਨੀ ਪਰਮਜੀਤ ਕੌਰ ਦਾ ਕੋਰੋਨਾ ਵਾਇਰਸ ਟੈਸਟ ਪੌਜ਼ੀਟਿਵ ਆਇਆ ਸੀ। ਉਸ ਤੋਂ ਬਾਅਦ ਉਹ ਹਸਪਤਾਲ ਵਿੱਚ ਇਲਾਜ ਅਧੀਨ ਰਹੇ। ਇੰਨੇ ਦਿਨਾਂ ਬਾਅਦ ਹੁਣ ਕੋਰੋਨਾ 'ਤੇ ਜਿੱਤ ਹਾਸਲ ਕਰਦੇ ਹੋਏ ਹੁਸ਼ਿਆਰਪੁਰ ਦੇ ਸਿਵਲ ਹਸਲਪਤਾਲ ਤੋ ਪਰਮਜੀਤ ਨੂੰ ਛੁੱਟੀ ਮਿਲ ਗਈ ਹੈ।
ਬਿਮਾਰੀ ਤੋ ਮੁੱਕਤ ਹੋਣ ਦੀ ਖੁਸ਼ੀ ਤਾਂ ਸੀ, ਉੱਥੇ ਹੀ ਪਤੀ ਨੂੰ ਗਵਾਉਣ 'ਤੇ ਆਖਰੀ ਪਲਾਂ ਵਿੱਚ ਉਸ ਨੂੰ ਵੇਖ ਨਾ ਸਕਣ ਦਾ ਗਮ ਵੀ ਜਿਸ ਕਾਰਨ ਉਸ ਦੀਆਂ ਅੱਖਾਂ ਭਰ ਆਈਆਂ। ਪਰਮਜੀਤ ਕੌਰ ਨੇ ਸਿਹਤ ਮਹਿਕਮੇ ਦੇ ਕਰਮਚਾਰੀਆਂ ਤੇ ਅਧਿਆਕਾਰੀਆਂ ਦਾ ਧੰਨਵਾਦ ਵੀ ਕੀਤਾ ਕਿ ਉਹ ਸਿਹਤ ਮਹਿਕਮੇ ਦੀ ਦੇਖ ਭਾਲ ਅਤੇ ਇਲਾਜ ਨਾਲ ਠੀਕ ਹੋਈ ਹੈ। ਉਸ ਦੇ ਪੁੱਤਰ ਗੁਰਪ੍ਰੀਤ ਸਿੰਘ ਨੂੰ ਵੀ ਕੋਵਿਡ -19 ਦੀ ਨਾਮਰਾਦ ਬਿਮਾਰੀ ਤੋ ਛੁਟਕਾਰਾ ਮਿਲ ਚੁੱਕਾ ਹੈ।
ਇਸ ਮੌਕੇ ਸੀਨੀਅਰ ਮੈਡੀਕਲ ਅਫ਼ਸਰ ਜਸਵਿੰਦਰ ਸਿੰਘ ਨੇ ਦੱਸਿਆ ਕਿ ਪਰਮਜੀਤ ਕੌਰ ਉਨ੍ਹਾਂ ਕੋਲ ਕੋਰੋਨਾ ਵਾਇਰਸ ਦਾ ਪੌਜ਼ੀਟਿਵ ਮਾਮਲਾ ਆਇਆ ਸੀ ਤੇ ਨੈਗਟਿਵ ਟੈਸਟ ਆਉਣ 'ਤੇ ਪਰਮਜੀਤ ਨੂੰ ਛੁੱਟੀ ਦੇ ਦਿੱਤੀ ਗਈ ਹੈ। ਸੀਨੀਅਰ ਮੈਡੀਕਲ ਅਫ਼ਸਰ ਨੇ ਕਿਹਾ ਕਿ ਇਨ੍ਹਾਂ ਦੇ ਪਰਿਵਾਰ ਦੇ ਸਾਡੇ ਕੋਲ ਹੋਰ ਦੋ ਮੈਂਬਰ ਹਨ ਇਕ ਇਨ੍ਹਾਂ ਦੀ ਨੂੰਹ ਅਤੇ ਦੂਜੀ ਪਰਮਜੀਤ ਦੀ ਭਰਜਾਈ ਹੈ। ਉਨ੍ਹਾਂ ਦੇ ਟੈਸਟ ਲੈਬ ਨੂੰ ਭੇਜੇ ਹੋਏ ਹਨ ਨੈਗਟਿਵ ਆਉਣ 'ਤੇ ਜਲਦੀ ਹੀ ਉਨ੍ਹਾਂ ਨੂੰ ਵੀ ਡਿਸਚਾਰਜ ਕਰ ਦਿੱਤਾ ਜਾਵੇਗਾ।
ਸਿਵਲ ਸਰਜਨ ਡਾ. ਜਸਬੀਰ ਸਿੰਘ ਨੇ ਦੱਸਿਆ ਕਿ ਹੁਸ਼ਿਆਰਪੁਰ ਸਿਵਲ ਹਸਪਤਾਲ ਤੋਂ 2 ਪੌਜ਼ੀਟਿਵ ਮਰੀਜ਼ ਹੁਣ ਠੀਕ ਹੋ ਚੁੱਕੇ ਹਨ, ਗੁਰਪ੍ਰੀਤ ਸਿੰਘ ਤੇ ਪਰਮਜੀਤ ਕੌਰ ਮੋਰਾਂਵਾਲੀ ਤੇ ਅੰਮ੍ਰਿਤਸਰ ਤੋਂ ਠੀਕ ਹੋਣ ਵਾਲਾ ਮਰੀਜ਼ ਗੁਰਦੀਪ ਸਿੰਘ ਖਨੂਰ ਸਣੇ ਹੁਣ ਤੱਕ 3 ਮਰੀਜ਼ ਕੋਰੋਨਾ ਵਾਇਰਸ ਮੁੱਕਤ ਹੋ ਚੁੱਕੇ ਹਨ।
ਤਾਜ਼ਾ ਰਿਪੋਰਟ ਬਾਰੇ ਦੱਸਦਿਆ ਉਨ੍ਹਾਂ ਕਿਹਾ ਕਿ ਹੁਣ ਤੱਕ ਸ਼ੱਕੀ ਮਰੀਜਾਂ ਦੇ ਕੁੱਲ 315 ਸੈਂਪਲ ਲਏ ਸਨ, ਜਿਨਾਂ ਵਿੱਚੋ 301 ਸੈਪਲਾਂ ਦਾ ਨਤੀਜਾ ਆ ਚੁੱਕਾ ਹੈ। 295 ਨੈਗਟਿਵ ਆ ਚੁੱਕੇ ਹਨ, ਪੌਜ਼ੀਟਿਵ 6 ਅਤੇ 1 ਅੰਮ੍ਰਿਤਸਰ ਵਾਲਾ ਮਰੀਜ਼ ਹੈ ਤੇ 14 ਦੇ ਨਤੀਜਿਆਂ ਦੀ ਉਡੀਕ ਹੈ।
ਇਹ ਵੀ ਪੜ੍ਹੋ: ਮੀਡੀਆ ਬੁਲੇਟਿਨ: ਪੰਜਾਬ 'ਚ ਕੋਰੋਨਾ ਮਰੀਜ਼ਾਂ ਦੀ ਗਿਣਤੀ 211 ਹੋਈ, 15 ਮੌਤਾਂ
