ਹੁਸ਼ਿਆਰਪੁਰ ਦੀ ਸਬਜ਼ੀ ਮੰਡੀ ’ਚ ਕੋਰੋਨਾ ਨਿਯਮਾਂ ਦੀਆਂ ਉੱਡੀਆਂ ਧੱਜੀਆਂ

ਹੁਸ਼ਿਆਰਪੁਰ ਦੀ ਸਬਜ਼ੀ ਮੰਡੀ ਦਾ ਦੌਰਾ ਕੀਤਾ ਗਿਆ ਤਾਂ ਦੇਖਣ ਨੂੰ ਮਿਲਿਆ ਕਿ ਕਾਫੀ ਲੋਕ ਬਿਨਾਂ ਮਾਸ ਤੋਂ ਘੁੰਮ ਰਹੇ ਨੇ ਅਤੇ ਰੇਹੜੀਆਂ ਵਾਲੇ ਵੀ ਬਿਨਾਂ ਮਾਸਕ ਤੋਂ ਦੇਖੇ ਗਏ।

ਹੁਸ਼ਿਆਰਪੁਰ: ਜਿੱਥੇ ਪੰਜਾਬ ’ਚ ਲਗਾਤਾਰ ਕੋਰੋਨਾ ਦੇ ਕੇਸ ਵੱਧਦੇ ਨਜ਼ਰ ਆ ਰਹੇ ਹਨ, ਜਿਸ ਦੇ ਚੱਲਦਿਆਂ ਪੰਜਾਬ ਸਰਕਾਰ ਵੱਲੋਂ ਵੀਕੈਂਡ ਲੌਕਡਾਊਨ ਕੀਤਾ ਗਿਆ ਹੈ ਪਰ ਜਦੋਂ ਸਵੇਰੇ ਹੁਸ਼ਿਆਰਪੁਰ ਦੀ ਸਬਜ਼ੀ ਮੰਡੀ ਦਾ ਦੌਰਾ ਕੀਤਾ ਗਿਆ ਤਾਂ ਦੇਖਣ ਨੂੰ ਮਿਲਿਆ ਕਿ ਕਾਫੀ ਲੋਕ ਬਿਨਾਂ ਮਾਸ ਤੋਂ ਘੁੰਮ ਰਹੇ ਨੇ ਅਤੇ ਰੇਹੜੀਆਂ ਵਾਲੇ ਵੀ ਬਿਨਾਂ ਮਾਸਕ ਤੋਂ ਦੇਖੇ ਗਏ। ਇੰਜ਼ ਜਾਪਦਾ ਹੈ ਕਿ ਲੋਕਾਂ ਵਿੱਚ ਕੋਰੋਨਾ ਦਾ ਭੈਅ ਖ਼ਤਮ ਹੁੰਦਾ ਨਜ਼ਰ ਆ ਰਿਹਾ ਹੈ ਜਦਕਿ ਲਗਾਤਾਰ ਕੋਰੋਨਾ ਦੇ ਕੇਸ ਹੁਸ਼ਿਆਰਪੁਰ ਵਿੱਚ ਵਧਦੇ ਨਜ਼ਰ ਆ ਰਹੇ ਹਨ।

ਹਲਾਤ ਇਹ ਸਨ ਕਿ ਮੌਕੇ ’ਤੇ ਨਾ ਤਾਂ ਮੰਡੀ ਵਿੱਚ ਕੋਈ ਪੁਲਿਸ ਮੁਲਾਜ਼ਮ ਨਜ਼ਰ ਆਇਆ, ਨਾ ਹੀ ਪ੍ਰਸ਼ਾਸਨ ਦਾ ਕੋਈ ਅਧਿਕਾਰੀ ਦਿਖਿਆ ਤੇ ਨਾ ਹੀ ਮੰਡੀ ਦੇ ਅਧਿਕਾਰੀ ਨਜ਼ਰ ਆਏ, ਜੋ ਕਿ ਲੋਕਾਂ ਨੂੰ ਹਦਾਇਤਾਂ ਦੇ ਸਕਣ। ਤਸਵੀਰਾਂ ਤੋਂ ਤਾਂ ਇੱਜ਼ ਜਾਪ ਰਿਹਾ ਹੈ ਜਿਵੇਂ ਜ਼ਿਲ੍ਹਾ ਪ੍ਰਸ਼ਾਸਨ ਕਿਸੇ ਵੱਡੀ ਘਟਨਾ ਦਾ ਇਤਜ਼ਾਰ ਕਰ ਰਿਹਾ ਹੈ।