ਫਿਰੋਜ਼ਪੁਰ: ਜਿਲ੍ਹਾ ਫਿਰੋਜਪੁਰ ਦੇ ਹਲਕਾ ਜ਼ੀਰਾ ਦੇ ਥਾਣਾ ਮੱਖੂ ਦੇ ਪਿੰਡ ਡਿਬ ਵਾਲੇ ਦੇ ਇੱਕ ਐਨ.ਆਰ.ਆਈ ਹਰਜੋਤ ਸਿੰਘ ਦੀ ਵਿਧਵਾ ਮਾਂ ਵਲੋ ਆਪਣੀ ਜਮੀਨ ਬਚਾਉਣ ਲਈ ਦਰ ਦਰ ਦੀਆਂ ਠੋਕਰਾਂ ਖਾਣ ਲਈ ਮਜ਼ਬੂਰ ਹੈ। ਇਸੇ ਤਹਿਤ ਉਨ੍ਹਾਂ ਨੇ ਪ੍ਰੈਸ ਕਲੱਬ ਫਿਰੋਜ਼ਪੁਰ ਵਿੱਚ ਪ੍ਰੈਸ ਕਾਨਫਰੰਸ ਦੌਰਾਨ ਦੱਸਿਆ ਕਿ ਉਸ ਦਾ ਬੇਟਾ ਹਰਜੋਤ ਸਿੰਘ ਪਿਛਲੇ ਕਰੀਬ 6 ਸਾਲ ਤੋਂ ਵਿਦੇਸ਼ ਵਿੱਚ ਰਹਿ ਰਿਹਾ ਹੈ।
ਮਹਿਲਾ ਨੇ ਦੱਸਿਆ ਕਿ ਇਸ ਵਕਤ ਓਹ ਪਿੰਡ ਵਿੱਚ ਆਪਣੀ ਬਿਰਧ ਸੱਸ ਨਾਲ ਰਹਿ ਰਹੀ ਹੈ। ਉਨਾਂ ਦੋਸ਼ ਲਾਇਆ ਕੇ ਪਿੰਡ ਦੇ ਹੀ ਰਹਿਣ ਵਾਲੇ ਕੁਝ ਵਿਅਕਤੀਆਂ ਵੱਲੋਂ ਉਸ ਦੀ ਜਮੀਨ ਤੇ ਕਬਜਾ ਕਰਨ ਦੀ ਨੀਅਤ ਨਾਲ ਉਸ ਦੀ ਜਮੀਨ ਵਾਹ ਦਿੱਤੀ ਹੈ। ਮਹਿਲਾ ਨੇ ਦਸਿਆ ਕਿ ਉਕਤ ਵਿਅਕਤੀਆਂ ਵੱਲੋਂ ਪਹਿਲਾ ਵੀ ਉਸ ਦੀ ਜਮੀਨ ਤੇ ਕਬਜਾ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ ਸੀ।
ਜਿਸ ਖਿਲਾਫ ਉਸ ਵੱਲੋਂ ਪਹਿਲਾ ਵੀ ਥਾਣਾ ਮੱਖੂ ਵਿੱਚ ਪਰਚੇ ਦਰਜ ਹੋ ਚੁੱਕੇ ਹਨ ਪਰ ਪੁਲਿਸ ਦੀ ਢਿੱਲੀ ਕਾਗੁਜ਼ਾਰੀ ਦੇ ਚਲਦਿਆਂ ਮੁਲਜ਼ਮਾਂ ਵੱਲੋ ਫਿਰ ਉਸ ਦੀ ਜਮੀਨ ਵਾਹ ਦਿੱਤੀ ਗਈ। ਮਹਿਲਾ ਨੇ ਕਿਹਾ ਕਿ ਮੁਲਜ਼ਮ ਸਿਆਸੀ ਸ਼ਹਿ ਕਾਰਨ ਬਿਨ੍ਹਾਂ ਕਿਸੇ ਡਰ ਤੋਂ ਪਿੰਡ ਵਿੱਚ ਸ਼ਰੇਆਮ ਘੁੰਮ ਰਹੇ ਹਨ ਤੇ ਜਾਣੋ ਮਾਰਨ ਦੀਆਂ ਧਮਕੀਆਂ ਦੇ ਰਹੇ ਹਨ।
