ਫ਼ਰੀਦਕੋਟ: ਬਹਿਬਲਬਲਾਂ ਕਲਾਂ ਗੋਲੀਕਾਂਡ ਤੇ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦੀ ਬੇਅਦਬੀ ਵਿੱਚ ਇਨਸਾਫ਼ ਨਾ ਮਿਲਣ ਨੂੰ ਲੈ ਕੇ ਸਿੱਖ ਆਗੂਆਂ ਨੇ ਬਰਗਾੜੀ ਇਨਸਾਫ਼ ਮੋਰਚਾ ਮੁੜ ਸ਼ੁਰੂ ਕਰ ਦਿੱਤਾ ਹੈ। ਇਸ ਦੇ ਚੱਲਦੇ ਫ਼ਰੀਦਕੋਟ ਵਿੱਚ ਖ਼ਾਲਸਾਈ ਮਾਰਚ ਕੱਢਿਆ ਗਿਆ।
ਇਨਸਾਫ਼ ਮੋਰਚੇ ਦੇ ਅਗਲੇ ਪੜ੍ਹਾਅ ਦਾ ਵਿਸ਼ਾਲ ਖ਼ਾਲਸਾਈ ਮਾਰਚ ਨਾਲ ਹੋਇਆ ਆਗਾਜ਼ ਖਾਲਸਾਈ ਮਾਰਚ ਵਿੱਚ ਜਿੱਥੇ SGPC ਵਲੋਂ ਬਰਖ਼ਾਸਤ ਕੀਤੇ ਹੋਏ 5 ਪਿਆਰਿਆਂ ਨੇ ਹਿੱਸਾ ਲਿਆ, ਉੱਥੇ ਹੀ ਬਰਗਾੜੀ ਇਨਸਾਫ਼ ਮੋਰਚਾ ਲਗਾਉਣ ਵਾਲੇ ਜਥੇਦਾਰ ਬਲਜੀਤ ਸਿੰਘ ਦਾਦੂਵਾਲ ਅਤੇ ਉਨ੍ਹਾਂ ਦੇ ਸਮਰਥਕ ਦੂਰ ਰਹੇ। ਹਾਲਾਂਕਿ ਪਹਿਲਾ ਜਥੇਦਾਰ ਧਿਆਨ ਸਿੰਘ ਮੰਡ ਵੀ ਨਹੀਂ ਵਿਖਾਈ ਦਿੱਤੇ ਪਰ ਬਾਅਦ ਵਿੱਚ ਉਹ ਇਸ ਖਾਲਸਾਈ ਮਾਰਚ ਵਿੱਚ ਸ਼ਾਮਲ ਹੋ ਗਏ।ਆਪਣੀਆਂ ਸਜਾਵਾਂ ਪੂਰੀਆਂ ਕਰ ਚੁੱਕੇ ਸਿੰਘਾਂ ਦੀ ਰਿਹਾਈ, ਨਕੋਦਰ ਅਤੇ ਬਰਗਾੜੀ ਬੇਅਦਬੀ ਕਾਂਡ ਤੇ ਕੋਟਕਪੂਰਾ ਅਤੇ ਬਹਿਬਲ ਕਲਾਂ ਗੋਲੀਕਾਂਡ ਦੇ ਦੋਸ਼ੀਆਂ ਨੂੰ ਸਜਾ ਦਵਾਉਣ ਲਈ ਸਿੱਖ ਆਗੂਆਂ ਵਲੋਂ ਅੱਜ ਤੋਂ ਇਨਸਾਫ ਮੋਰਚੇ ਦਾ ਆਗਾਜ਼ ਕਰ ਦਿੱਤਾ ਗਿਆ ਹੈ। ਇਹ ਮਾਰਚ ਬੁਰਜ ਜਵਾਹਰ ਸਿੰਘ ਵਾਲਾ ਤੋਂ ਬਹਿਬਲਕਲਾਂ ਤੱਕ ਵਿਸ਼ਾਲ ਖ਼ਾਲਸਾਈ ਮਾਰਚ 21 ਮੈਂਬਰੀ ਕਮੇਟੀ ਦੀ ਅਗਵਾਈ ਵਿਚ ਕੱਢਿਆ ਗਿਆ ਹੈ।
