ਚੰਡੀਗੜ੍ਹ: ਐਤਵਾਰ ਨੂੰ ਪੰਜਾਬ ਵਿੱਚ ਕੋਰੋਨਾ ਵਾਇਰਸ ਦੇ 1689 ਨਵੇਂ ਮਾਮਲਿਆਂ ਦੀ ਪੁਸ਼ਟੀ ਹੋਈ ਹੈ ਅਤੇ 56 ਮਰੀਜ਼ਾਂ ਦੀ ਮੌਤ ਹੋਈ ਹੈ। ਜਿਸ ਨਾਲ ਸੂਬੇ ਵਿੱਚ ਕੋਰੋਨਾ ਮਰੀਜ਼ਾਂ ਦੀ ਗਿਣਤੀ 52526 ਹੋ ਗਈ ਹੈ। ਸੂਬੇ ਵਿੱਚ ਕੋਰੋਨਾ ਦੇ 15375 ਐਕਟਿਵ ਮਾਮਲੇ ਹਨ ਅਤੇ ਹੁਣ ਤੱਕ 586 ਲੋਕਾਂ ਦੀ ਮੌਤ ਹੋਈ ਹੈ।
ਐਤਵਾਰ ਨੂੰ ਜੋ ਨਵੇਂ 1689 ਮਾਮਲੇ ਆਏ ਹਨ, ਉਨ੍ਹਾਂ ਵਿੱਚ 276 ਲੁਧਿਆਣਾ, 150 ਜਲੰਧਰ, 111 ਅੰਮ੍ਰਿਤਸਰ, 188 ਪਟਿਆਲਾ, 58 ਸੰਗਰੂਰ, 148 ਮੋਹਾਲੀ, 60 ਬਠਿੰਡਾ, 136 ਗੁਰਦਾਸਪੁਰ, 57 ਫ਼ਿਰੋਜ਼ਪੁਰ, 38 ਮੋਗਾ, 44 ਹੁਸ਼ਿਆਰਪੁਰ, 55 ਪਠਾਨਕੋਟ, 34 ਬਰਨਾਲਾ, 10 ਫ਼ਤਿਹਗੜ੍ਹ ਸਾਹਿਬ, 65 ਕਪੂਰਥਲਾ, 74 ਫ਼ਰੀਦਕੋਟ, 6 ਤਰਨਤਾਰਨ, 33 ਰੋਪੜ, 68 ਫ਼ਾਜ਼ਿਲਕਾ, 10 ਨਵਾਂਸ਼ਹਿਰ, 56 ਮੁਕਤਸਰ ਸਾਹਿਬ, 15 ਮਾਨਸਾ ਸ਼ਾਮਲ ਹਨ।
ਜੇਕਰ ਰਾਹਤ ਦੀ ਗੱਲ ਕਰੀਏ ਤਾਂ ਇਨ੍ਹਾਂ 52526 ਮਰੀਜ਼ਾਂ ਵਿੱਚੋਂ 35747 ਮਰੀਜ਼ਾਂ ਨੇ ਕੋਰੋਨਾ ਨੂੰ ਮਾਤ ਦਿੱਤੀ ਹੈ ਅਤੇ ਸੂਬੇ ਵਿੱਚ ਕੋਵਿਡ-19 ਦੇ 15375 ਐਕਟਿਵ ਮਾਮਲੇ ਹਨ। ਪੰਜਾਬ ਦੇ ਸਿਹਤ ਵਿਭਾਗ ਵੱਲੋਂ ਐਤਵਾਰ ਨੂੰ ਜਾਰੀ ਕੀਤੇ ਮੀਡੀਆ ਬੁਲੇਟਿਨ ਮੁਤਾਬਕ, ਸੂਬੇ ਵਿੱਚ ਹੁਣ ਤੱਕ ਸ਼ੱਕੀ ਮਾਮਲਿਆਂ ਦੀ ਗਿਣਤੀ 10,46,132 ਹੈ, ਜਿਨ੍ਹਾਂ ਦੇ ਨਮੂਨੇ ਜਾਂਚ ਲਈ ਭੇਜੇ ਗਏ ਹਨ।
