ਇਸ 'ਤੇ ਐੱਸਆਈਟੀ ਨੇ ਕਿਹਾ ਕਿ ਜੇਕਰ ਐੱਸਐੱਸਪੀ ਦੀ ਜਿਪਸੀ 'ਤੇ ਰਾਇਫਲ ਨਾਲ ਫਾਈਰਿੰਗ ਹੋਈ ਸੀ ਤਾਂ ਪੁਲਿਸ ਉਹ ਰਾਇਫਲ ਬਰਾਮਦ ਕਿਉਂ ਨਹੀਂ ਕਰ ਪਾਈ। ਦੂਜੇ ਪਾਸੇ ਐੱਸਐੱਸਪੀ ਨੇ ਡਰਾਇਵਰ ਨੇ ਐੱਸਆਈਟੀ ਨੂੰ ਜੋ ਬਿਆਨ ਦਿੱਤੇ ਹਨ ਉਸ ਵਿੱਚ ਜਿਪਸੀ 'ਤੇ ਫਾਈਰਿੰਗ ਹੋਣ ਦਾ ਕੋਈ ਜ਼ਿਕਰ ਨਹੀਂ ਸੀ।
ਇਸ ਤੋਂ ਬਾਅਦ ਐੱਸਆਈਟੀ ਨੇ 12 ਬੋਰ ਦੀ ਰਾਇਫਲ ਬਾਰੇ ਪੁੱਛਗਿੱਛ ਕਰਨ ਲਈ ਐੱਸਐੱਸਪੀ ਦੇ ਪੰਜ ਦਿਨਾਂ ਦੀ ਰਿਮਾਂਡ ਦੀ ਮੰਗ ਕੀਤੀ। ਇਸ 'ਤੇ ਐੱਸਐੱਸਪੀ ਦੇ ਵਕੀਲਾਂ ਨੇ ਕਿਹਾ ਕਿ ਉਹ ਪਹਿਲਾਂ ਹੀ 8 ਦਿਨਾਂ ਤੋਂ ਐੱਸਆਈਟੀ ਦੀ ਹਿਰਾਸਤ 'ਚ ਹੈ ਅਤੇ ਉਸ ਕੋਲੋਂ ਕਾਫ਼ੀ ਪੁੱਛਗਿੱਛ ਹੋ ਗਈ ਹੈ। ਦਿਲ ਦੀ ਬਿਮਾਰੀ ਨਾਲ ਪੀੜਤ ਹੋਣ ਕਰਕੇ ਉਨ੍ਹਾਂ ਨੂੰ ਕੁੱਝ ਰਾਹਤ ਦਿੱਤੀ ਜਾਣੀ ਚਾਹੀਦੀ ਹੈ।
ਇਸ 'ਤੇ ਸਰਕਾਰੀ ਪੱਖ ਦੇ ਵਕੀਲਾਂ ਨੇ ਦਾਅਵਾ ਕੀਤਾ ਕਿ ਪੁਲਿਸ ਦੁਆਰਾ ਚਰਨਜੀਤ ਸ਼ਰਮਾ ਦਾ ਚੈੱਕਅਪ ਕਰਵਾਇਆ ਜਾ ਰਿਹਾ ਹੈ। ਦੋਹਾਂ ਪੱਖਾਂ ਦੀਆਂ ਦਲੀਲਾਂ ਸੁਨਣ ਤੋਂ ਬਾਅਦ ਅਦਾਲਤ ਨੇ ਹੋਰ ਤਿੰਨ ਦਿਨ ਲਈ ਚਰਨਜੀਤ ਸ਼ਰਮਾ ਦਾ ਰਿਮਾਂਡ ਵਧਾ ਦਿੱਤਾ।
