ਫਿਰੋਜ਼ਪੁਰ 'ਚ 14 ਕਿਲੋ 600 ਗ੍ਰਾਮ ਹੈਰੋਇਨ ਸਣੇ ਸਮਗਲਰ ਕਾਬੂ

ਫ਼ਿਰੋਜ਼ਪੁਰ ਰੇਂਜ ਦੇ ਨਾਰਕੋਟਿਕਸ ਸੈੱਲ ਨੇ 14 ਕਿਲੋ 600 ਗ੍ਰਾਮ ਹੌਰੋਇਨ ਸਣੇ ਨਾਮੀ ਤਸਕਰ ਕੀਤਾ ਕਾਬੂ। ਮੁਸਜ਼ਮ ਦੇ ਪਾਕਿਸਤਾਨੀ ਨਸ਼ਾ ਤਸਕਰਾਂ ਨਾਲ ਵੀ ਸਬੰਧ ਦੱਸੇ ਜਾ ਰਹੇ ਹਨ।

ਫ਼ਿਰੋਜ਼ਪੁਰ: ਸਥਾਨਕ ਪੁਲਿਸ ਨੇ ਵੱਡੀ ਸਫ਼ਲਤਾ ਹਾਸਲ ਕਰਦਿਆਂ ਭਾਰੀ ਮਾਤਰਾ ਵਿੱਚ ਹੈਰੋਇਨ ਸਣੇ ਇੱਕ ਨਾਮੀ ਤਸਕਰ ਨੂੰ ਗ੍ਰਿਫ਼ਤਾਰ ਕੀਤਾ ਹੈ।
ਇਸ ਬਾਰੇ ਜਾਣਕਾਰੀ ਦਿੰਦਿਆਂ ਫ਼ਿਰੋਜ਼ਪੁਰ ਰੇਂਜ ਦੇ ਆਈਜੀ ਮੁਖਵਿੰਦਰ ਸਿੰਘ ਛੀਨਾ ਨੇ ਦੱਸਿਆ ਕਿ ਨਾਰਕੋਟਿਕਸ ਸੈੱਲ ਨੇ 14 ਕਿਲੋ 600 ਗ੍ਰਾਮ ਹੌਰੋਇਨ ਸਣੇ ਇੱਕ ਸਾਰਜ ਸਿੰਘ ਨਾਂਅ ਦੇ ਤਸਕਰ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਉਨ੍ਹਾਂ ਦੱਸਿਆ ਕਿ ਜਦੋਂ ਚੈਕਿੰਗ ਦੌਰਾਨ ਤਸਕਰ ਦੀ ਕਾਰ ਨੂੰ ਰੋਕਿਆ ਗਿਆ ਤਾਂ ਉਸ ਵਿੱਚੋਂ 1 ਕਿਲੋ 600 ਗ੍ਰਾਮ ਹੈਰੋਇਨ ਬਰਾਮਦ ਕੀਤੀ ਗਈ।

ਪੁੱਛਗਿੱਛ ਦੌਰਾਨ ਉਸ ਨੇ ਖੁਲਾਸਾ ਕੀਤਾ ਕਿ ਬਾਰਡਰ ਦੇ ਨੇੜੇ ਕੰਡਿਆਲੀ ਤਾਰ ਦੇ ਅੰਦਰ ਹੋਰ ਹੈਰੋਇਨ ਲੁਕੋ ਕੇ ਰੱਖੀ ਗਈ ਹੈ ਜਿਸ ਨੂੰ ਬੀਐਸਐਫ਼ ਦੀ 118 ਬਟਾਲੀਅਨ ਦੀ ਮਦਦ ਨਾਲ ਬਰਾਮਦ ਕੀਤਾ ਗਿਆ।ਇਸ ਤੋਂ ਇਲਾਵਾ ਆਈਜੀ ਛੀਨਾ ਨੇ ਦੱਸਿਆ ਕਿ ਸਾਰਜ ਸਿੰਘ ਇੱਕ ਨਾਮੀ ਤਸਕਰ ਹੈ ਜੋ ਜ਼ਿਲ੍ਹਾ ਤਰਨਤਾਰਨ ਦੇ ਪਿੰਡ ਖਾਲੜ ਦਾ ਰਹਿਣ ਵਾਲਾ ਹੈ। ਉਨ੍ਹਾਂ ਦੱਸਿਆ ਕਿ ਮੁਸਜ਼ਮ ਨਸ਼ਾ ਤਸਕਰੀ ਦੇ ਕਈ ਮਾਮਲਿਆਂ ਵਿੱਚ ਲੋੜੀਂਦਾ ਹੈ ਤੇ ਉਸ ਦੇ ਪਾਕਿਸਤਨੀ ਨਸ਼ਾ ਤਸਕਰ ਅਯੂਬ ਨਾਲ ਵੀ ਸਬੰਧ ਹਨ।