ਆਖ਼ਰ ਕਰਵਾ ਹੀ ਦਿੱਤਾ ਬਰਨਾਲਾ ਦੇ ਵਿਧਾਇਕ ਨੇ ਇਹ ਕੰਮ

ਬਰਨਾਲਾ ਦੇ ਵਿਧਾਇਕ ਗੁਰਮੀਤ ਸਿੰਘ ਮੀਤ ਹੇਅਰ ਨੇ 125 ਗੱਜ ਤੱਕ ਦੇ ਮਕਾਨਾਂ ਉੱਤੇ ਲੱਗੇ ਸੀਵਰੇਜ ਅਤੇ ਪਾਣੀ ਦੇ ਬਿੱਲ ਮੁਆਫ਼ ਕਰਵਾ ਲਏ ਹਨ। ਦਰਅਸਲ ਮਕਾਨਾਂ 'ਤੇ ਕਾਂਗਰਸ ਸਰਕਾਰ ਵਲੋਂ ਪਹਿਲਾਂ ਹੀ ਮੁਆਫ਼ ਸਨ, ਪਰ ਨਗਰ ਕੌਂਸਲਰਾਂ ਨੇ ਮਤਾ ਪਾਸ ਕਰਕੇ ਬਿਲ ਲਗਾਉਣੇ ਸ਼ੁਰੂ ਕਰ ਦਿੱਤੇ ਸਨ। ਵਿਧਾਇਕ ਗੁਰਮੀਤ ਸਿੰਘ ਮੀਤ ਹੇਅਰ ਨੇ ਇਸ ਮਸਲੇ ਦਾ ਹੱਲ ਕਰ ਬਿੱਲ ਮੁਆਫ਼ ਕਰਵਾ ਲਏ।

ਬਰਨਾਲਾ: ਸ਼ਹਿਰ 'ਚ 125 ਗੱਜ ਤੱਕ ਦੇ ਮਕਾਨਾਂ ਉੱਤੇ ਲੱਗੇ ਸੀਵਰੇਜ ਅਤੇ ਪਾਣੀ ਦੇ ਬਿੱਲ ਮੁਆਫ਼ ਕਰਨ ਸਬੰਧੀ ਮਸਲਾ ਹੁਣ ਹੱਲ ਹੋ ਚੁਕਿਆ ਹੈ। ਜੀ ਹਾਂ,ਦੱਸਣਯੋਗ ਹੈ ਕਿ ਕਾਂਗਰਸ ਸਰਕਾਰ ਵਲੋਂ ਬਹੁਤ ਸਮਾਂ ਪਹਿਲਾਂ ਹੀ 125 ਗੱਜ ਤੱਕ ਦੇ ਮਕਾਨਾਂ ਉੱਤੇ ਪਾਣੀ ਦਾ ਬਿੱਲ ਮੁਆਫ਼ ਕਰ ਦਿੱਤਾ ਗਿਆ ਸੀ। ਪਰ ਸਥਾਨਕ ਨਗਰ ਕੌਂਸਲਰਾਂ ਨੇ ਮਤਾ ਪਾਸ ਕਰਕੇ ਬਿੱਲ ਲਗਾਉਣਾ ਸ਼ੁਰੂ ਕਰ ਦਿੱਤਾ।

ਇਹ ਬਿੱਲ ਬਰਨਾਲਾ ਵਾਸੀਆਂ ਲਈ ਮੁਸੀਬਤ ਬਣੇ ਹੋਏ ਸੀ। ਵਿਧਾਇਕ ਗੁਰਮੀਤ ਸਿੰਘ ਮੀਤ ਹੇਅਰ ਨੇ ਸਾਡੀ ਟੀਮ ਦੇ ਨਾਲ ਗੱਲਬਾਤ ਦੌਰਾਨ ਦੱਸਿਆ ਕਿ ਕਈ ਘਰ ਤਾਂ ਅਜਿਹੇ ਸਨ ਜਿੱਥੇ ਇਕ ਵਿਅਕਤੀ ਘਰ ਰਹਿੰਦਾ ਸੀ 'ਤੇ ਪਾਣੀ ਦਾ ਬਿੱਲ 20,000 ਤੱਕ ਆਉਂਦਾ ਸੀ। ਇਹ ਮਾਮਲਾ ਮੀਤ ਹੇਅਰ ਨੇ ਲੰਘੇ ਵਿਧਾਨ ਸਭਾ ਇਜਲਾਸ 'ਚ ਚੁਕਿਆ ਸੀ ,ਪੰਜਾਬ ਦੇ ਸਥਾਨਕ ਸਰਕਾਰਾਂ ਦੇ ਮੰਤਰੀ ਨਵਜੋਤ ਸਿੰਘ ਸਿੱਧੂ ਨੇ ਜਵਾਬ ਦਿੰਦੇ ਹੋਏ ਉਸ ਦੌਰਾਨ ਕਿਹਾ ਸੀ ਕਿ 125 ਗਜ ਤੱਕ ਦੇ ਮਕਾਨਾਂ 'ਤੇ ਸਰਕਾਰ ਵੱਲੋਂ ਬਿੱਲ ਮੁਆਫ਼ ਹਨ। ਨਗਰ ਕੌਂਸਲਰਾਂ ਜੇਕਰ ਚਾਹੁੰਦੀਆਂ ਨੇ ਬਿੱਲ ਮੁਆਫ਼ ਹੋਵੇ ਤਾਂ ਫ਼ਿਰ ਤੋਂ ਮਤਾ ਪਾਸ ਕਰਕੇ ਫੈਸਲਾ ਬਦਲ ਸਕਦੀਆਂ ਹਨ। ਇਸ ਗੱਲ ਨੂੰ ਮੀਤ ਹੇਅਰ ਨੇ ਲਿਖਤੀ ਰੂਪ 'ਚ ਲਿਆ ਅਤੇ ਬਿੱਲ ਮੁਆਫ਼ ਕਰਵਾ ਲਏ।