ਅੰਮ੍ਰਿਤਸਰ: ਅੰਮ੍ਰਿਤਸਰ ਦੇ ਹਾਲ ਬਜਾਰ ਦੇ ਕਾਂਗਰਸ ਭਵਨ ਤੋਂ ਕਾਂਗਰਸ ਪਾਰਟੀ ਦੀ ਆਗੂ ਜਤਿੰਦਰ ਸੋਨੀਆ ਵੱਲੋਂ ਵੱਧ ਰਹੀ ਮਹਿੰਗਾਈ ਨੂੰ ਲੈ ਕੇ ਮੋਦੀ ਸਰਕਾਰ ਦੇ ਖ਼ਿਲਾਫ਼ ਰੋਸ਼ ਪ੍ਰਦਰਸ਼ਨ ਕੀਤਾ ਗਿਆ।
ਮੋਦੀ ਸਰਕਾਰ ਵੱਲੋਂ ਚੋਣਾਂ ਦੌਰਾਨ ਅੱਛੇ ਦਿਨ ਆਉਣ ਦੇ ਵਾਅਦੇ ਕੀਤੇ ਗਏ ਸਨ। ਪਰ ਅੱਛੇ ਦਿਨ ਤਾਂ ਨਹੀ ਆਏ, ਲੋਕ ਭੁੱਖਮਰੀ ਨਾਲ ਜਰੂਰ ਮਰ ਰਹੇ ਹਨ। ਦਿਨ ਪਰ ਦਿਨ ਮਹਿੰਗਾਈ ਵੱਧ ਰਹੀ ਹੈ, ਕਾਰੋਬਾਰ ਬੰਦ ਪਏ ਹੋਏ ਹਨ, ਕੋਰੋਨਾਂ ਮਹਾਂਮਾਰੀ ਕਾਰਨ ਲੋਕ ਘਰੋਂ ਬੇਘਰ ਹੋਏ ਪਏ ਹਨ। ਪੈਟਰੋਲ ਡੀਜਲ ਦੇ ਰੇਟ ਵੱਧਣ ਨਾਲ ਮਹਿੰਗਾਈ ਅਸਮਾਨ ਨੂੰ ਛੂ ਰਹੀ ਹੈ।
ਇਸ ਰੈਲੀ 'ਚ ਕਾਂਗਰਸੀ ਵਿਧਾਇਕ ਜਾਂ ਸਾਂਸਦ ਤੇ ਹੋਰ ਕੋਈ ਵੀ ਕਾਂਗਰਸੀ ਆਗੂ ਹਾਜ਼ਰ ਨਹੀਂ ਸੀ, ਜਤਿੰਦਰ ਸੋਨੀਆ ਨੂੰ ਜਦੋ ਇਸ ਬਾਰੇ ਪੁੱਛਿਆ, ਉਨ੍ਹਾਂ ਸਵਾਲ ਦਾ ਜਵਾਬ ਦੇਣਾ ਚੰਗਾ ਨਾ ਸਮਝਿਆ, ਮੋਦੀ ਸਰਕਾਰ ਵੱਲੋਂ ਮਹਿੰਗਾਈ ਦੀ ਮਾਰ ਨਾਲ ਬੇਹਾਲ ਕੀਤਾ ਹੈ, ਦੇਸ਼ ਵਿੱਚ ਹਰ ਚੀਜ ਦੇ ਦੁਗਣੇ ਰੇਟ ਤੇ ਮਿਲ ਰਹੀ ਹੈ। ਜਿਸਦੇ ਚੱਲਦੇ ਜਨਤਾ ਹੁਣ ਮੋਦੀ ਰਾਜ ਵਿੱਚ ਪ੍ਰੇਸ਼ਾਨ ਹੋ ਚੁੱਕੀ ਹੈ। ਜੇਕਰ ਕੋਰੋਨਾ ਕਾਲ ਦੀ ਗੱਲ ਕੀਤੀ ਜਾਵੇ, ਤਾਂ ਕੇਂਦਰ ਸਰਕਾਰ ਵੱਲੋਂ ਜਨਤਾ ਨੂੰ ਰਾਹਤ ਦੇਣ ਦੀ ਬਜਾਏ ਹੋਰ ਮਹਿੰਗਾਈ ਕੀਤੀ ਗਈ ਹੈ। ਜਿਸ ਕਰਕੇ ਕੇਂਦਰ ਸਰਕਾਰ ਖਿਲਾਫ ਸਾਈਕਲ ਯਾਤਰਾ ਕੱਢੀ ਗਈ ਹੈ।
ਇਹ ਵੀ ਪੜ੍ਹੋ:- ਪੰਜਾਬ ਦੀ ਸਿਆਸਤ 'ਤੇ ਦਿੱਲੀ 'ਚ ਵੱਡੀ ਬੈਠਕ
