ਅੰਮ੍ਰਿਤਸਰ:ਬੀਤੇ ਦਿਨੀਂ ਵੀ ਇਕ ਡੇਅਰੀ ਵਾਲੀ ਦੁਕਾਨ ਤੇ ਲੁੱਟ ਦੀ ਵਾਰਦਾਤ ਨੂੰ ਅੰਜਾਮ ਦਿੱਤਾ ਗਿਆ ਸੀ ਅਤੇ ਹੁਣ ਇੱਕ ਵਾਰ ਫਿਰ ਤੋਂ ਅੰਮ੍ਰਿਤਸਰ ਦੇ ਬਾਈਪਾਸ ਦਬੁਰਜੀ ਲਾਗੇ ਇਕ ਦੁਕਾਨ ਉੱਤੇ ਕੁਝ ਹਥਿਆਰਬੰਦ ਲੁਟੇਰਿਆਂ ਵੱਲੋਂ ਇਕ ਲੁੱਟ ਦੀ ਵਾਰਦਾਤ ਨੂੰ ਅੰਜਾਮ ਦਿੱਤਾ ਗਿਆ ਹੈ।ਇਹ ਸਾਰੀ ਘਟਨਾ ਸੀਸੀਟੀਵੀ (CCTV) ਵਿਚ ਕੈਦ ਹੋ ਗਈ ਹੈ।
ਤੁਸੀਂ ਸੀਸੀਟੀਵੀ ਵਿੱਚ ਸਾਫ਼ ਦੇਖ ਸਕਦੇ ਹੋ ਕਿ ਕਿਸ ਤਰ੍ਹਾਂ 5 ਤੋਂ 6 ਲੁਟੇਰੇ ਹੱਥ ਵਿਚ ਪਿਸਤੌਲ ਫੜ ਇਸ ਲੁੱਟ ਦੀ ਵਾਰਦਾਤ ਨੂੰ ਅੰਜਾਮ ਦੇ ਰਹੇ ਹਨ ਅਤੇ ਉਨ੍ਹਾਂ ਵੱਲੋਂ ਧੜੱਲੇ ਦੇ ਨਾਲ ਦੁਕਾਨ ਵਿਚ ਵੜ ਕੇ ਸਾਰਾ ਸਾਮਾਨ ਲੁੱਟਿਆ ਗਿਆ।ਉੱਥੇ ਹੀ ਇਕ ਨੌਜਵਾਨ ਜੋ ਕਿ ਬਾਹਰ ਖੜ੍ਹਾ ਸੀ। ਉਸ ਨੂੰ ਵੀ ਪਿਸਤੌਲ ਦੀ ਨੋਕ ਤੇ ਉਨ੍ਹਾਂ ਵੱਲੋਂ ਦੁਕਾਨ ਦੇ ਅੰਦਰ ਦਾਖ਼ਲ ਕੀਤਾ ਗਿਆ ।
ਪੁਲਿਸ ਨੇ ਦੁਕਾਨਦਾਰ ਦੇ ਕਹਿਣ ਉਤੇ ਮਾਮਲਾ ਦਰਜ ਕਰ ਲਿਆ ਹੈ।ਪੁਲਿਸ ਵੱਲੋਂ ਸੀਸੀਟੀਵੀ ਕੈਮਰੇ ਚੈੱਕ ਕੀਤੇ ਜਾ ਰਹੇ ਹਨ।ਜ਼ਿਕਰਯੋਗ ਹੈ ਕਿ ਇਸ ਗੈਂਗ ਵੱਲੋਂ ਲਗਾਤਾਰ ਚੋਰੀਆਂ ਕੀਤੀਆ ਜਾ ਰਹੀਆ ਹਨ।ਤੁਸੀ ਸੀਸੀਟੀਵੀ ਕੈਮਰੇ ਵਿਚ ਵੇਖ ਸਕਦੇ ਹੋ ਕਿ ਕਿਵੇ ਲੁਟੇਰੇ ਦੁਕਾਨ ਵਿਚ ਐਂਟਰ ਹੁੰਦੇ ਹਨ ਫਿਰ ਉਹ ਹਥਿਆਰਾਂ ਦੇ ਜ਼ੋਰ ਉਤੇ ਦੁਕਾਨ ਵਿਚੋ ਰੁਪਏ ਅਤੇ ਹੋਰ ਕੀਮਤੀ ਸਮਾਨ ਲੁੱਟਦੇ ਵਿਖਾਈ ਦੇ ਰਹੇ ਹਨ।
ਇਹ ਵੀ ਪੜੋ:ਹਥਿਆਰਾਂ ਦੀ ਨੋਕ ‘ਤੇ ਲੁਟੇਰਿਆਂ ਨੇ ਕੀਤਾ ਵੱਡਾ ਵਾਕਾ, CCTV ਆਈ ਸਾਹਮਣੇ
