ਅੰਮ੍ਰਿਤਸਰ: ਦੀਵਾਲੀ ਦੇ ਤਿਉਹਾਰ ਦਾ ਨਾਮ ਜ਼ਹਿਨ ਵਿੱਚ ਆਉਂਦੇ ਹੀ, ਦੀਵਿਆਂ ਦੀਆਂ ਲਾਈਨਾਂ ਵਿੱਚ ਜੱਗਦੀ ਲੋਅ ਦੀ ਤਸਵੀਰ ਦਿਮਾਗ ਵਿੱਚ ਬਣਨੀ ਸ਼ੁਰੂ ਹੋ ਜਾਂਦੀ ਹੈ। ਪਰ, ਅਸਲ ਵਿੱਚ ਹੁਣ ਘਰਾਂ ਦੇ ਚੁਬਾਰਿਆਂ ਵਿੱਚ ਇਨ੍ਹਾਂ ਦੀਵਿਆਂ ਦੀ ਥਾਂ ਚਾਈਨੀਜ਼ ਲਾਈਟਾਂ ਨੇ ਲੈ ਲਈ ਹੈ। ਲੋਕਾਂ ਨੂੰ ਉਹ ਸਸਤੀਆਂ ਲੱਗਦੀਆਂ ਹਨ। ਅਜਿਹੇ ਵਿੱਚ ਦੀਵੇ ਬਣਾਉਣ ਵਾਲਿਆਂ ਦੇ ਮਿਹਨਤ ਨੂੰ ਮੁੱਲ ਵੀ ਨਹੀਂ ਪੈਂਦਾ, ਦੂਜਾ, ਅੱਜ ਲੋਕ ਆਪਣੀ ਇਸ ਦੀਵੇ ਜਗਾ ਕੇ ਘਰ ਰੁਸ਼ਨਾਉਣ ਦੀ ਪੁਰਾਤਨ ਰੀਤਿ ਤੋਂ ਵੀ (Diya On Diwali In Punjab) ਦੂਰ ਜਾ ਰਹੇ ਹਨ।
ਦੀਵੇ ਬਣਾਉਣ ਵਾਲੇ ਨਿਰਾਸ਼ : ਦੀਵੇ ਬਣਾਉਣ ਦਾ ਕੰਮ ਕਰਨ ਵਾਲੀ ਪਿੰਕੀ ਨੇ ਈਟੀਵੀ ਭਾਰਤ ਦੀ ਟੀਮ ਨਾਲ ਗੱਲਬਾਤ ਕਰਦਿਆ ਕਿਹਾ ਕਿ ਜਿੰਨੀ ਉਹ ਮਿਹਨਤ ਕਰਦੇ ਹਨ, ਉਨ੍ਹਾਂ ਮੁੱਲ ਵੀ ਨਹੀਂ ਪੈਂਦਾ। ਦੀਵਿਆਂ ਨੂੰ ਅਸੀਂ ਮਹਿਜ਼ 60 ਪੈਸੇ ਤੋਂ 2 ਰੁਪਏ ਤੱਕ ਵੇਚਦੇ ਹਾਂ, ਫਿਰ ਅੱਗੇ ਇਸ ਦੀ ਕੀਮਤ 10-15 ਰੁਪਏ ਹੋ ਜਾਂਦੀ ਹੈ। ਜਦਕਿ, ਸਾਨੂੰ ਉੰਨੀਂ ਮਿਹਨਤ ਵੀ ਨਸੀਬ ਨਹੀਂ ਹੁੰਦੀ, ਨਾਲ ਹੀ ਲੋਕ (Deepmala On Diwali) ਦੀਵੇ ਲੈਂਦੇ ਵੀ ਨਹੀਂ ਹਨ। ਉਹ ਚਾਈਨੀਜ਼ ਲੜੀਆਂ ਵਰਤਦੇ ਹਨ ਜਿਸ ਕਾਰਨ ਦੀਵਿਆਂ ਦੀ ਸੇਲ ਘੱਟ ਹੋ ਜਾਂਦੀ ਹੈ।
ਸਰਕਾਰ ਤੋਂ ਨਰਾਜ਼ ਘੁਮਿਆਰ: ਈਟੀਵੀ ਭਾਰਤ ਦੀ ਟੀਮ ਨਾਲ ਗੱਲ ਕਰਦਿਆ ਦੀਵੇ ਬਣਾਉਣ ਵਾਲੇ ਨਰੇਸ਼ ਕੁਮਾਰ ਨੇ ਦੱਸਿਆ ਕਿ ਉਹ ਇਹ ਕੰਮ ਆਪਣੇ ਦਾਦੇ-ਪੜਦਾਦਿਆਂ ਤੋਂ ਕਰਦਾ ਆ ਰਿਹਾ ਹੈ। ਉਸ ਨੇ ਦੱਸਿਆ ਕਿ ਜਦੋਂ ਦੀ ਹੋਸ਼ ਸੰਭਾਲੀ ਹੈ, ਉਸ ਨੇ ਇਹੀ ਕੰਮ ਸਿੱਖਿਆ ਅਤੇ ਅੱਗੇ ਕੀਤਾ। ਅੱਜ ਉਸ ਦੀ ਉਮਰ 60 ਸਾਲ ਦੇ ਕਰੀਬ ਹੋ ਗਈ ਹੈ। ਜਦੋਂ ਉਹ ਆਪਣੇ ਸਮੇਂ ਵਿੱਚ ਦੀਵੇ ਵੇਚਣ ਜਾਂਦਾ ਸੀ, ਤਾਂ ਘਰ ਦੀਆਂ ਔਰਤਾਂ 500-500 ਦੀਵੇ ਲੈਦੀਆਂ ਸੀ, ਪਰ ਅੱਜ-ਕੱਲ੍ਹ ਸ਼ਗਨ ਹੀ ਕਰਨਾ ਹੈ, ਕਹਿ ਕੇ ਸਿਰਫ਼ 5-5 ਦੀਵੇ ਹੀ ਲੋਕ ਖ਼ਰੀਦਦੇ ਹਨ।
ਉਨ੍ਹਾਂ ਦੱਸਿਆ ਕਿ ਹੁਣ ਸਾਡੇ ਬੱਚੇ ਇਹ ਕੰਮ ਨਹੀਂ ਕਰਦੇ, ਕਿਉਂਕਿ ਅੱਜ ਦੇ ਸਮੇਂ ਵਿੱਚ ਇੰਨੀ ਘੱਟ ਕਮਾਈ ਵਿੱਚ ਪਰਿਵਾਰ ਦਾ ਪਾਲਣ ਪੋਸ਼ਣ ਕਰਨਾ ਔਖਾ ਹੈ। ਨਰੇਸ਼ ਨੇ ਦੱਸਿਆ ਕਿ ਸਰਕਾਰ ਵਲੋਂ ਵੀ ਉਨ੍ਹਾਂ ਨੂੰ ਕੋਈ ਸਹੂਲਤ ਨਹੀਂ ਦਿੱਤੀ ਜਾਂਦੀ। ਸਿਰਫ਼ ਇੱਕ ਮੋਟਰ ਚੱਲਦੀ ਹੈ ਜਿਸ ਉੱਤੇ ਕਮਰਸ਼ੀਅਲ ਮੀਟਰ ਲਾ ਦਿੱਤਾ (Diwali 2023) ਗਿਆ। ਇਸ ਨਾਲ ਉਨ੍ਹਾਂ ਨੂੰ ਹੁਣ ਬਿਜਲੀ, ਪਾਣੀ ਤੇ ਮਿੱਟੀ ਵੀ ਮਹਿੰਗੀ ਪੈਂਦੀ ਹੈ। ਉਨ੍ਹਾਂ ਮੰਗ ਕੀਤੀ ਕਿ ਸਰਕਾਰ ਨੂੰ ਸਾਡੇ ਵੱਲ ਵੀ ਧਿਆਨ ਦੇਣਾ ਚਾਹੀਦਾ ਹੈ।
