ਅੰਮ੍ਰਿਤਸਰ: ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ 550 ਸਾਲਾ ਪ੍ਰਕਾਸ਼ ਪੁਰਬ ਨੂੰ ਸਾਂਝੇ ਤੌਰ 'ਤੇ ਮੁਨਾਉਣ ਲਈ ਅਕਾਲ ਤਖ਼ਤ ਸਾਹਿਬ 'ਤੇ ਪੰਜ ਸਿੱਖ ਸਾਹਿਬਾਨਾ ਦੀ ਮੀਟਿੰਗ ਹੋਈ। ਇਸ ਮੀਟਿੰਗ ਵਿੱਚ ਫੈਸਲਾ ਲਿਆ ਗਿਆ ਕਿ ਸੁਲਤਾਨਪੁਰ ਲੋਧੀ ਵਿੱਚ ਜੇਕਰ ਕੋਈ ਸਟੇਜ ਲੱਗਦੀ ਹੈਚ ਤਾਂ ਉਸ ਸਟੇਜ ਤੋਂ ਕੇਵਲ ਗੁਰੂ ਨਾਨਕ ਦੇਵ ਜੀ ਦਾ ਫਲਸਫਾ ਹੀ ਦਿੱਤਾ ਜਾਵੇ। ਉਸ ਸਟੇਜ 'ਤੇ ਧਾਰਮਿਕ ਉਪਦੇਸ਼ ਹੀ ਦਿੱਤਾ ਜਾਵੇ ਅਤੇ ਇਸ ਦਿਹਾੜੇ ਨੂੰ ਰਾਜਨੀਤਕ ਨਾ ਬਣਾਇਆ ਜਾਵੇ।
ਸਿੱਖ ਬੁੱਧੀਜੀਵੀਆਂ ਨਾਲ ਹੋਈ ਮੀਟਿੰਗ ਤੋਂ ਬਾਅਦ ਜਥੇਦਾਰ ਗਿਆਨੀ ਹਰਪ੍ਰੀਤ ਸਿੰਘ ਨੇ ਕਿਹਾ ਕਿ 1 ਤੋਂ 12 ਨਵੰਬਰ ਤੱਕ ਸੁਲਤਾਨਪੁਰ ਲੋਧੀ ਵਿੱਚ ਸਮਾਗਮ ਚੱਲਣਗੇ 'ਤੇ ਇਹ ਸਾਰੇ ਸਮਾਗਮ ਅਕਾਲ ਤਖ਼ਤ ਸਾਹਿਬ ਦੀ ਰਹਿਨੁਮਾਈ ਹੇਠ ਹੋਣਗੇ ਅਤੇ ਸਟੇਜ ਗੁਰੂਦਵਾਰਾ ਬੇਰ ਸਾਹਿਬ ਦੀ ਹੋਵੇਗੀ ਜਿਸ ਦਾ ਪ੍ਰਬੰਧ ਐਸ.ਜੀ.ਪੀ.ਸੀ. ਦੇਖੇਗੀ।
ਅਕਾਲ ਤਖ਼ਤ ਸਾਹਿਬ ਦੇ ਜੱਥੇਦਾਰ ਗਿਆਨੀ ਹਰਪ੍ਰੀਤ ਸਿੰਘ ਨੇ ਕਿਹਾ ਕਿ 12 ਤਰੀਕ ਨੂੰ ਹੋਣ ਵਾਲੇ ਮੁੱਖ ਸਮਾਗਮ ਵਿੱਚ ਜਿਹੜਾ ਵੀ ਵੱਡਾ ਲੀਡਰ ਸੁਲਤਾਨਪੁਰ ਲੋਧੀ ਆਵੇਗਾ,ਐਸ.ਜੀ.ਪੀ.ਸੀ. ਉਸ ਦਾ ਸਨਮਾਨ ਕਰੇਗੀ। ਜੱਥੇਦਾਰ ਨੇ ਕਿਹਾ ਕਿ ਜਿਹੜੀ ਵੀ ਪਾਰਟੀ ਸੁਲਤਨਪੁਰ ਲੋਧੀ ਸਟੇਜ ਲਗਾਵੇਗੀ, ਉਹ ਸਿਰਫ ਤੇ ਸਿਰਫ਼ ਨਾਨਕ ਸਾਹਿਬ ਦਾ ਫਲਸਫਾ ਅਤੇ ਉਨ੍ਹਾਂ ਦੇ ਉਪਦੇਸ਼ ਦੇਵਗੀ ਨਾ ਕਿ ਕੋਈ ਰਾਜਨੀਤਿਕ ਰੰਗਤ ਦੇਵੇਗੀ।
