ਅੰਮ੍ਰਿਤਸਰ: ਬਾਲੀਵੁੱਡ ਅਦਾਕਾਰਾ ਕੰਗਣਾ ਰਣੌਤ (Kangana Ranaut) ਅੱਜ ਆਪਣੇ ਪਰਿਵਾਰ ਸਮੇਤ ਸੱਚਖੰਡ ਸ੍ਰੀ ਹਰਿਮੰਦਰ ਸਾਹਿਬ (golden temple) ਵਿੱਚ ਨਤਮਸਤਕ ਹੋਈ। ਕੰਗਨਾ ਦਰਬਾਰ ਸਾਹਿਬ ਵਿੱਚ ਸਵੇਰੇ ਕਰੀਬ 7 ਵਜੇ ਨਤਮਸਤਕ ਹੋਈ। ਸਚਖੰਡ ਸਾਹਿਬ ਵਿੱਚ ਨਤਮਸਤਕ ਹੋਣ ਉੱਤੇ ਕੰਗਨਾ ਰਣੌਤ ਦੀ ਸਰੁੱਖਿਆ ਲਈ ਪੁਲਿਸ ਵੱਲੋਂ ਪੁਖਤਾ ਪ੍ਰਬੰਧ ਕੀਤੇ ਗਏ।
ਕੰਗਨਾ ਗੁਰੂ ਘਰ ਵਿੱਚ ਮੱਥਾ ਟੇਕਣ ਤੋਂ ਬਾਅਦ 11 ਵਜੇ ਰਾਜਾਸਾਂਸੀ ਹਵਾਈ ਅੱਡੇ ਤੋਂ ਮੁੰਬਈ ਲਈ ਰਵਾਨਾ ਹੋਵੇਗੀ। ਦਰਬਾਰ ਸਾਹਿਬ ਵਿੱਚ ਮੀਡੀਆ ਨੇ ਕੰਗਨਾ ਨਾਲ ਗੱਲ ਕਰਨ ਦੀ ਬੜੀ ਕੋਸ਼ਿਸ਼ ਕੀਤੀ ,ਪਰ ਪੁਲਿਸ ਨੇ ਮੀਡੀਆ ਨੂੰ ਅੱਗੇ ਨਹੀਂ ਆਉਣ ਦਿੱਤਾ।
ਇਹ ਵੀ ਪੜ੍ਹੋ:RAPE ALLEGATION:ਅਦਾਕਾਰਾ ਕੰਗਨਾ ਰਣੌਤ ਦਾ ਬਾਡੀਗਾਰਡ ਗ੍ਰਿਫਤਾਰ
ਜ਼ਿਕਰਯੋਗ ਹੈ ਕਿ ਕੰਗਨਾ ਅਕਸਰ ਹੀ ਆਪਣੇ ਟਵੀਟਾਂ ਰਾਹੀਂ ਸੁਰਖੀਆਂ ਵਿੱਚ ਬਣੀ ਰਹਿੰਦੀ ਹੈ। ਖੇਤੀ ਕਾਨੂੰਨਾਂ ਵਿੱਚ ਦਿੱਲੀ ਦੀਆਂ ਬਰੂਹਾਂ ਉੱਤੇ ਚੱਲ ਰਹੇ ਕਿਸਾਨ ਅੰਦੋਲਨ ਦੇ ਵਿਰੁੱਧ ਬੋਲਣ ਉੱਤੇ ਕੰਗਨਾ ਸੁਰਖੀਆਂ ਵਿੱਚ ਆਈ ਸੀ। ਹਾਲ ਹੀ ਵਿੱਚ ਟਵਿੱਟਰ ਨੇ ਕੰਗਨਾ ਦਾ ਅਕਾਂਉਟ ਬੰਦ ਕਰ ਦਿੱਤਾ ਹੈ।
