ਅੰਮ੍ਰਿਤਸਰ 'ਚ ਡੇਢ ਸਾਲ ਪਹਿਲਾਂ ਆਪਣੀ ਮਰਜ਼ੀ ਨਾਲ ਵਿਆਹ ਕਰਵਾਉਣ ਵਾਲੀ ਇਕ ਲੜਕੀ ਦਾ ਆਪਣੇ ਹੀ ਪੇਕਿਆਂ ਦੇ ਪਰਿਵਾਰ ਨਾਲ ਝਗੜਾ ਇੰਨਾ ਵੱਧ ਗਿਆ ਕਿ ਦੋਵੇਂ ਪਰਿਵਾਰਾਂ ਦੇ ਮੈਂਬਰ ਗੰਭੀਰ ਸੱਟਾਂ ਲੱਗੀਆਂ। ਲੜਕੀ ਨੇ ਮੀਡੀਆ ਨਾਲ ਗੱਲਬਾਤ ਕਰਦੇ ਹੋਏ ਦੱਸਿਆ ਕਿ ਮੈਂ ਆਪਣੇ ਮੁਹੱਲੇ 'ਚ ਰਹਿੰਦੇ ਆਸ਼ੀਸ਼ ਨੂੰ ਪਿਆਰ ਕਰਦਾ ਸੀ ਪਰ ਮੇਰਾ ਪਰਿਵਾਰ ਇਸ ਵਿਰੋਧ ਕਰਦਾ ਸੀ ਜਦੋਂ ਮੈਂ ਘਰੋਂ ਭੱਜ ਕੇ ਵਿਆਹ ਕਰਵਾ ਲਿਆ ਉਦੋਂ ਤੋਂ ਮੇਰਾ ਪੇਕਾ ਪਰਿਵਾਰ ਮੈਨੂੰ ਤੇ ਮੇਰੇ ਪਤੀ ਨੂੰ ਮਾਰਨ ਦੀ ਕੋਸ਼ਿਸ਼ ਕਰ ਰਿਹਾ ਹੈ। ਮੈਂ ਚਾਹੁੰਦੀ ਹਾਂ ਕਿ ਪੁਲਿਸ ਮੇਰੀ ਰੱਖਿਆ ਕਰੇ ਅਤੇ ਮੇਰੇ ਪਿਤਾ ਤੇ ਭਰਾਵਾਂ ਦੇ ਖਿਲਾਫ ਸਖਤ ਕਾਰਵਾਈ ਕਰੇ।
ਦੂਜੇ ਪਾਸੇ ਲੜਕੀ ਦੇ ਪਿਤਾ ਦਾ ਕਹਿਣਾ ਹੈ ਕਿ ਸਾਨੂੰ ਇਸ ਗੱਲ ਦਾ ਕੋਈ ਇਤਰਾਜ਼ ਨਹੀਂ ਹੈ ਕਿ ਮੇਰੀ ਲੜਕੀ ਘਰੋਂ ਭੱਜ ਗਈ। ਪਰ ਮੇਰੀ ਧੀ ਦਾ ਪਤੀ ਤੇ ਪੂਰਾ ਪਰਿਵਾਰ ਸਾਨੂੰ ਤਾਹਨੇ ਮਾਰਦੇ ਰਹਿੰਦੇ ਹਨ ਕਿ ਅਸੀਂ ਤੁਹਾਡੀ ਲੜਕੀ ਨਾਲ ਵਿਆਹ ਕਰਵਾ ਲਿਆ ਤੁਸੀਂ ਸਾਡੇ ਕੀ ਵਿਗਾੜ ਲਿਆ।ਇਸੇ ਕਰ ਕੇ ਮੇਰੇ ਬੇਟੇ ਜੋ 15 ਸਾਲ ਅਤੇ 18 ਸਾਲ ਹੈ, ਨੇ ਮੇਰੀ ਬੇਟੀ ਨੂੰ ਆਪਣੇ ਪਰਿਵਾਰ ਨੂੰ ਸਮਝਾਉਣ ਲਈ ਕਿਹਾ ਕਿ ਉਹ ਸਾਡੇ ਨਾਲ ਅਜਿਹੀ ਗੱਲਬਾਤ ਨਾ ਕਰਨ। ਜਿਸ ਨਾਲ ਦੋਵੇਂ ਭਰਾ-ਭੈਣ ਨੇ ਗਾਲਾਂ ਕੱਢਣੀਆਂ ਸ਼ੁਰੂ ਕਰ ਦਿੱਤੀਆਂ ਪਰ ਇਹ ਇਥੇ ਹੀ ਨਹੀਂ ਰੁਕਿਆ।
ਆਸ਼ੀਸ਼ ਨੇ ਰਸਤੇ ਵਿਚ ਮੇਰੇ ਦੋਹਾਂ ਪੁੱਤਰਾਂ ਨੂੰ ਕੁੱਟਿਆ ਜਿਸ ਤੋਂ ਬਾਅਦ ਮੈਂ ਵੀ ਆਪਣੀ ਧੀ ਦੇ ਸਹੁਰੇ ਘਰ ਗਿਆ ਉਨ੍ਹਾਂ ਦੀ ਕਾਰ ਨੂੰ ਤੋੜਿਆ, ਜਿਸ 'ਤੇ ਪੁਲਿਸ ਨੇ ਮੇਰੇ ਅਤੇ ਮੇਰੇ ਪਰਿਵਾਰ ਦੇ ਤਿੰਨ ਮੈਂਬਰਾਂ ਦੇ ਖਿਲਾਫ ਮਾਮਲਾ ਦਰਜ ਕਰ ਲਿਆ ਹੈ ਪਰ ਪੁਲਿਸ ਨੇ ਸਿਰਫ ਮੇਰੇ ਪਰਿਵਾਰ ਦੇ ਖਿਲਾਫ ਹੀ ਕੇਸ ਦਰਜ ਕਰ ਲਿਆ ਹੈ।ਮੇਰੀ ਧੀ ਦੇ ਸਹੁਰੇ ਪਰਿਵਾਰ' ਤੇ ਕੋਈ ਕੇਸ ਦਰਜ ਨਹੀਂ ਕੀਤਾ ਗਿਆ ਹੈ।
ਉਧਰ ਪੁਲਿਸ ਦਾ ਕਹਿਣਾ ਹੈ ਕਿ ਲੜਕੀ ਦੇ ਪੇਕੇ ਪਰਿਵਾਰ ਦੇ ਚਾਰ ਮੈਂਬਰਾਂ ਖ਼ਿਲਾਫ਼ ਕੇਸ ਦਰਜ ਕੀਤਾ ਗਿਆ ਹੈ। ਅਗਲੇਰੀ ਜਾਂਚ ਕੀਤੀ ਜਾ ਰਹੀ ਹੈ। ਜੇਕਰ ਕੋਈ ਹੋਰ ਦੋਸ਼ੀ ਹੈ ਤਾਂ ਉਸ ਵਿਰੁੱਧ ਕਾਰਵਾਈ ਕੀਤੀ ਜਾਵੇਗੀ।
