ਅੰਮ੍ਰਿਤਸਰ : ਸ਼ਹਿਰ ਦੇ ਲਾਰੰਸ ਰੋਡ ਨਾਵਲਟੀ ਚੌਂਕ ਵਿੱਚ ਪੁਲਿਸ ਨਾਕੇ ਲਾਗੇ ਇੱਕ ਈ-ਰਿਕਸ਼ਾ ਚਾਲਕ ਵੱਲੋ ਸਵਾਰੀਆਂ ਦੇ ਨਾਲ ਮਾੜਾ ਵਰਤਾਓ ਕਰਨ ਅਤੇ ਪੁਲਿਸ ਕਾਰਵਾਈ ਦੌਰਾਨ ਮੌਕੇ ਤੋਂ ਭੱਜਣ ਦਾ ਮਾਮਲਾ ਸਾਹਮਣਾ ਆਇਆ ਹੈ। ਇਹੀ ਨਹੀਂ ਇਸ ਚਾਲਕ ਵਲੋਂ ਈ-ਰਿਕਸ਼ੇ ਨਾਲ ਕਈ ਲੋਕਾਂ ਨੂੰ ਜ਼ਖਮੀ ਵੀ ਕੀਤਾ ਗਿਆ ਹੈ। ਫਿਲਹਾਲ ਚਾਲਕ ਫਰਾਰ ਹੈ ਤੇ ਇਸਦੀ ਭਾਲ ਕੀਤੀ ਜਾ ਰਹੀ ਹੈ।
ਕਈ ਲੋਕਾਂ ਨੂੰ ਮਾਰੀ ਟੱਕਰ: ਜਾਣਕਾਰੀ ਮੁਤਾਬਿਕ ਨਾਕੇ ਲਾਗੇ ਖੜ੍ਹੇ ਪੁਲਿਸ ਅਧਿਕਾਰੀ ਨੇ ਜਦੋਂ ਈ-ਰਿਕਸ਼ਾ ਚਾਲਕ ਨਾਲ ਬਜ਼ੁਕਦ ਜੋੜੇ ਦੀ ਸ਼ਿਕਾਇਤ ਉੱਤੇ ਗੱਲ ਕਰਨੀ ਚਾਹੀ ਤਾਂ ਉਹ ਪੁਲਿਸ ਅਧਿਕਾਰੀ ਨਾਲ ਵੀ ਖਹਿਬੜਨ ਲੱਗ ਪਿਆ ਅਤੇ ਆਪਣਾ ਈ-ਰਿਕਸ਼ਾ ਲੈ ਕੇ ਭੱਜਣ ਲੱਗਾ। ਪੁਲਿਸ ਅਧਿਕਾਰੀ ਨੇ ਉਸਨੂੰ ਫੜਨ ਦੀ ਕੋਸ਼ਿਸ਼ ਕੀਤੀ ਪਰ ਉਹ ਭੱਜ ਗਿਆ। ਉਥੇ ਹੀ ਪੁਲੀਸ ਅਧਿਕਾਰੀ ਨੇ ਮੀਡੀਆ ਦੀ ਸਹਾਇਤਾ ਨਾਲ ਈ-ਰਿਕਸ਼ਾ ਚਾਲਕ ਦਾ ਪਿੱਛਾ ਕੀਤਾ। ਈ-ਰਿਕਸ਼ਾ ਚਾਲਕ ਆਪਣੀ ਗੱਡੀ ਨੂੰ ਭਜਾਉਂਦਾ ਹੋਇਆ ਖ਼ਾਲਸਾ ਕਾਲਜ ਵੱਲ ਰਿਕਸ਼ਾ ਲੈ ਕੇ ਦੌੜਿਆ ਤੇ ਰਾਹ ਵਿੱਚ ਕਈ ਲੋਕਾਂ ਨੂੰ ਟੱਕਰ ਮਾਰੀ। ਅਖੀਰ ਇੱਕ ਗਲੀ ਵਿੱਚ ਜਾ ਕੇ ਉਸਦਾ ਈ-ਰਿਕਸ਼ਾ ਪਲਟ ਗਿਆ ਅਤੇ ਉਹ ਰੇਲਵੇ ਲਾਈਨਾਂ ਵੱਲ ਭੱਜ ਗਿਆ। ਪੁਲੀਸ ਅਧਿਕਾਰੀ ਵੱਲੋ ਉਸਦੀ ਈ-ਰਿਕਸ਼ਾ ਲਾਰੈਂਸ ਰੋਡ ਪੁਲਿਸ ਚੌਂਕੀ ਦੇ ਬਾਹਰ ਲਗਾ ਦਿੱਤਾ ਹੈ।
ਇਹ ਵੀ ਪੜ੍ਹੋ: Drunk Girl Drama in Bathinda: ਨਸ਼ੇ ਵਿੱਚ ਧੁੱਤ ਕੁੜੀ ਦਾ ਹਾਈ ਵੋਲਟੇਜ਼ ਡਰਾਮਾ, ਪੁਲਿਸ ਨੂੰ ਕੱਢੀਆਂ ਗਾਲ੍ਹਾਂ !
ਬਜ਼ੁਰਗ ਸਵਾਰੀਆਂ ਨਾਲ ਮਾੜਾ ਵਰਤਾਓ: ਈ ਰਿਕਸ਼ਾ ਵਿੱਚ ਬੈਠੀਆਂ ਬਜ਼ੁਰਗ ਸਵਾਰੀਆਂ ਨੇ ਦੱਸਿਆ ਕਿ ਉਨ੍ਹਾਂ ਨੇ ਰਾਮਾਨੰਦ ਬਾਗ ਤੋਂ ਗਰੀਨ ਐਵਿਨਿਊ ਜਾਣਾ ਸੀ ਤੇ ਇਹ ਰਿਕਸਾ ਚਾਲਕ ਉਨ੍ਹਾਂ ਨੂੰ ਲਾਰੈਂਸ ਰੋਡ ਮੰਡੀ ਚੌਂਕ ਵਿੱਚ ਲੈ ਗਿਆ। ਉਸਨੇ ਕਿਹਾ ਕਿ ਗਰੀਨ ਐਵਨਿਊ ਆ ਗਿਆ ਹੈ ਇੱਥੇ ਉਤਰ ਜਾਓ। ਜਦੋਂ ਇਸਦਾ ਵਿਰੋਧ ਕੀਤਾ ਤਾਂ ਉਸਨੇ ਬਦਤਮੀਜੀ ਕੀਤੀ। ਉਸਨੇ ਮਾਰਨ ਦੀ ਗੱਲ ਵੀ ਕਹੀ। ਉਨ੍ਹਾਂ ਕਿਹਾ ਕਿ ਉਸ ਆਟੋ ਵਾਲੇ ਨੇ ਨਸ਼ਾ ਕੀਤਾ ਹੋਇਆ ਸੀ ਤੇ ਜਦੋਂ ਪੁਲਿਸ ਵਾਲਿਆਂ ਨਾਲ ਗੱਲ ਕੀਤੀ ਤਾਂ ਉਸਨੇ ਉਨ੍ਹਾਂ ਨੂੰ ਵੀ ਮਾੜਾ ਚੰਗਾ ਬੋਲਿਆ। ਇਸ ਤੋਂ ਬਾਅਦ ਉਹ ਰਿਕਸ਼ਾ ਲੈ ਕੇ ਭੱਜ ਗਿਆ। ਦੂਜੇ ਪਾਸੇ ਪੁਲਿਸ ਮੁਲਾਜ਼ਮ ਨੇ ਕਿਹਾ ਕਿ ਇਸ ਰਿਕਸ਼ੇ ਵਾਲੇ ਦੇ ਖਿਲਾਫ ਮਾਮਲਾ ਦਰਜ ਕਰ ਲਿਆ ਗਿਆ ਹੈ, ਫਿਲਹਾਲ ਇਸਦੀ ਭਾਲ ਜਾਰੀ ਹੈ।
