ਅੰਮ੍ਰਿਤਸਰ: ਸਚਖੰਡ ਸ੍ਰੀ ਹਰਮੰਦਿਰ ਸਾਹਿਬ ਦੇ ਦਰਸ਼ਨਾਂ ਲਈ ਆਈ ਵੱਡੀ ਗਿਣਤੀ ਵਿੱਚ ਸੰਗਤ ਕਰਫ਼ਿਊ ਕਰਕੇ ਇਥੇ ਫਸੀ ਹੋਈ ਹੈ। ਲੌਕਡਾਊਨ ਦੌਰਾਨ ਫਸੀ ਹੋਈ ਸੰਗਤ ਨੂੰ ਘਰੋ-ਘਰੀਂ ਪਹੁੰਚਾਉਣ ਲਈ ਸ਼੍ਰੌਮਣੀ ਕਮੇਟੀ ਨੇ 5 ਬੱਸਾਂ ਵੱਖ-ਵੱਖ ਸਥਾਨਾਂ-ਸ਼ਹਿਰਾਂ ਲਈ ਰਵਾਨਾਂ ਕੀਤੀਆਂ ਹਨ।
ਸਾਰਾਗੜ੍ਹੀ ਗੁਰੂਘਰ ਕੋਲੋਂ ਸ਼੍ਰੌਮਣੀ ਗੁਰੂਦੁਆਰਾ ਪ੍ਰਬੰਧਕ ਕਮੇਟੀ ਦੇ ਮੁੱਖ ਸਕੱਤਰ ਡਾ.ਰੂਪ ਸਿੰਘ ਅਤੇ ਮੈਨੇਜਰ ਜਸਵਿੰਦਰ ਸਿੰਘ ਦੀਨਪੁਰੀ ਦੀ ਅਗਵਾਈ ਹੇਠ ਬੱਸਾਂ ਨੂੰ ਤੋਰਿਆ ਗਿਆ। ਮੁੱਖ ਸਕੱਤਰ ਡਾ.ਰੂਪ ਸਿੰਘ ਨੇ ਦੱਸਿਆ ਕਿ ਬਹੁਤ ਸਾਰੇ ਯਾਰਤੀ ਦਰਬਾਰ ਸਾਹਿਬ ਵਿਖੇ ਨਤਮਸਤਕ ਹੋਣ ਲਈ ਆਏ ਸਨ, ਜਿਨ੍ਹਾਂ ਨੂੰ ਉਨ੍ਹਾਂ ਦੇ ਘਰਾਂ ਤੱਕ ਪਹੁੰਚਾਉਣ ਲਈ ਬਠਿੰਡਾ, ਯੂਪੀ, ਦਿੱਲੀ, ਕਰਨਾਲ, ਕੁਰੂਕਸ਼ੇਤਰ ਆਦਿ ਥਾਵਾਂ 'ਤੇ 5 ਬੱਸਾਂ ਭੇਜੀਆਂ ਗਈਆਂ ਹਨ।
ਡਾ.ਰੂਪ ਸਿੰਘ ਨੇ ਕਿਹਾ ਕਿ ਪਹਿਲਾਂ ਤੋਂ ਹੀ ਸੰਗਤ ਦੇ ਲਈ ਸ਼੍ਰੌਮਣੀ ਕਮੇਟੀ ਨੇ ਲੰਗਰ, ਸਰਾਵਾਂ ਅਤੇ ਦਵਾਈਆਂ ਦਾ ਪ੍ਰਬੰਧ ਕੀਤਾ ਹੈ ਅਤੇ ਹੁਣ ਲੋਕਾਂ ਨੂੰ ਘਰੋਂ ਘਰੀ ਭੇਜਣ ਲਈ ਬੱਸਾਂ ਭੇਜੀਆਂ ਗਈਆਂ ਹਨ।
ਇਹ ਵੀ ਪੜ੍ਹੋ : ਕੋਰੋਨਾ ਵਾਇਰਸ : ਲੋੜਵੰਦਾਂ ਤੱਕ ਪ੍ਰਸ਼ਾਦੇ ਪਹੁੰਚਾ ਰਹੀਆਂ ਹਨ ਸਿੱਖ ਸੰਸਥਾਵਾਂ
