ਹੈਦਰਾਬਾਦ: ਭਾਰਤ ਦੀ ਅਨੁਭਵੀ ਮਹਿਲਾ ਜੈਵਲਿਨ ਥਰੋਅ ਅਥਲੀਟ ਅਨੂ ਰਾਣੀ 2022 ਵਿਸ਼ਵ ਅਥਲੈਟਿਕਸ ਚੈਂਪੀਅਨਸ਼ਿਪ ਵਿੱਚ ਤਮਗਾ ਜਿੱਤਣ ਤੋਂ ਖੁੰਝ ਗਈ। ਅਨੂ ਨੂੰ ਮਹਿਲਾ ਜੈਵਲਿਨ ਥਰੋਅ ਦੇ ਫਾਈਨਲ ਵਿੱਚ ਸੱਤਵੇਂ ਸਥਾਨ ਨਾਲ ਸਬਰ ਕਰਨਾ ਪਿਆ। ਉਸ ਨੇ ਦੂਜੀ ਕੋਸ਼ਿਸ਼ ਵਿੱਚ 61.12 ਮੀਟਰ ਜੈਵਲਿਨ ਸੁੱਟਿਆ, ਪਰ ਇਹ ਤਗ਼ਮਾ ਜਿੱਤਣ ਲਈ ਕਾਫ਼ੀ ਨਹੀਂ ਸੀ।
ਭਾਰਤ ਨੂੰ ਹੁਣ ਗੋਲਡਨ ਬੁਆਏ ਨੀਰਜ ਚੋਪੜਾ ਤੋਂ ਮੈਡਲ ਦੀ ਉਮੀਦ ਹੈ। ਨੀਰਜ ਐਤਵਾਰ (24 ਜੁਲਾਈ) ਨੂੰ ਫਾਈਨਲ ਵਿੱਚ ਆਪਣੀ ਕਿਸਮਤ ਅਜ਼ਮਾਉਣਗੇ। ਨੀਰਜ ਤੋਂ ਇਲਾਵਾ ਰੋਹਿਤ ਯਾਦਵ ਵੀ 12 ਐਥਲੀਟਾਂ ਦੇ ਫਾਈਨਲ 'ਚ ਆਪਣੀ ਪ੍ਰਤਿਭਾ ਦਿਖਾਉਂਦੇ ਨਜ਼ਰ ਆਉਣਗੇ।
ਦੱਸ ਦਈਏ ਕਿ ਅਨੂ ਰਾਣੀ ਲਗਾਤਾਰ ਦੂਜੀ ਵਾਰ ਵਿਸ਼ਵ ਚੈਂਪੀਅਨਸ਼ਿਪ ਦੇ ਫਾਈਨਲ 'ਚ ਪਹੁੰਚੀ ਸੀ। ਉਸ ਨੇ ਫਾਈਨਲ ਵਿੱਚ ਪਹਿਲਾ ਥਰੋਅ 56.18 ਮੀਟਰ ਕੀਤਾ, ਜਦਕਿ ਦੂਜਾ ਥਰੋਅ 61.12 ਮੀਟਰ ਸੀ ਜੋ ਦਿਨ ਦਾ ਸਭ ਤੋਂ ਵਧੀਆ ਥਰੋਅ ਸੀ। ਤੀਜੇ ਥਰੋਅ ਵਿੱਚ ਅਨੂ ਦਾ ਬਰਛਾ 59.27 ਮੀਟਰ ਦੂਰ ਡਿੱਗਿਆ, ਜਦਕਿ ਚੌਥਾ ਥਰੋਅ 58.14 ਮੀਟਰ ਰਿਹਾ। ਪੰਜਵੇਂ ਥਰੋਅ ਵਿੱਚ ਅਨੂ ਨੇ 59.98 ਮੀਟਰ ਜੈਵਲਿਨ ਸੁੱਟਿਆ ਜਦਕਿ ਛੇਵੇਂ ਥਰੋਅ ਵਿੱਚ ਜੈਵਲਿਨ ਨੇ 58.70 ਮੀਟਰ ਦੀ ਦੂਰੀ ਤੈਅ ਕੀਤੀ।
ਨੀਰਜ ਚੋਪੜਾ ਨੂੰ ਗਰੁੱਪ ਏ ਵਿੱਚ ਰੱਖਿਆ ਗਿਆ ਸੀ ਅਤੇ ਉਹ ਇਸ ਸਾਲ ਦੇ ਮੁਕਾਬਲੇ ਵਿੱਚ ਫਾਈਨਲ ਲਈ ਕੁਆਲੀਫਾਈ ਕਰਨ ਵਾਲਾ ਪਹਿਲਾ ਅਥਲੀਟ ਬਣ ਗਿਆ ਹੈ। ਚੋਪੜਾ ਨੇ ਪਹਿਲੀ ਵਾਰ 88.39 ਮੀਟਰ ਥਰੋਅ ਕੀਤਾ। ਫਾਈਨਲ ਵਿਚ ਪ੍ਰਵੇਸ਼ ਕਰਨ ਲਈ ਘੱਟੋ-ਘੱਟ 83.50 ਮੀਟਰ ਜੈਵਲਿਨ ਸੁੱਟਣਾ ਜ਼ਰੂਰੀ ਸੀ, ਜਿਸ ਨੂੰ ਉਸ ਨੇ ਪਾਰ ਕੀਤਾ। ਹੁਣ ਉਹ ਫਾਈਨਲ 'ਚ ਤਗਮੇ ਲਈ ਕਿਸੇ ਹੋਰ ਐਥਲੀਟ ਨਾਲ ਮੁਕਾਬਲਾ ਕਰਦਾ ਨਜ਼ਰ ਆਵੇਗਾ।
ਚੋਪੜਾ ਭਾਰਤੀ ਸਮੇਂ ਅਨੁਸਾਰ ਸਵੇਰੇ 7.05 ਵਜੇ ਫਾਈਨਲ ਵਿੱਚ ਮੈਦਾਨ ਵਿੱਚ ਉਤਰਨਗੇ ਅਤੇ ਪੂਰਾ ਦੇਸ਼ ਉਸ ਤੋਂ ਭਾਰਤ ਲਈ ਸੋਨ ਤਗ਼ਮਾ ਲਿਆਉਣ ਦੀ ਉਮੀਦ ਕਰੇਗਾ। ਇਹ ਪਹਿਲੀ ਵਾਰ ਹੈ ਜਦੋਂ ਨੀਰਜ ਚੋਪੜਾ ਨੇ ਵਿਸ਼ਵ ਅਥਲੈਟਿਕਸ ਚੈਂਪੀਅਨਸ਼ਿਪ ਦੇ ਫਾਈਨਲ ਵਿੱਚ ਪ੍ਰਵੇਸ਼ ਕੀਤਾ ਹੈ। ਇਸ ਤੋਂ ਪਹਿਲਾਂ ਉਸ ਨੇ ਇਕ ਹੋਰ ਮੁਕਾਬਲੇ ਵਿਚ ਹਿੱਸਾ ਲਿਆ ਸੀ ਪਰ ਫਿਰ ਉਹ ਫਾਈਨਲ ਵਿਚ ਨਹੀਂ ਜਾ ਸਕਿਆ। ਇਸ ਤੋਂ ਬਾਅਦ ਕੂਹਣੀ ਦੀ ਸੱਟ ਕਾਰਨ ਉਹ ਆਖਰੀ ਮੁਕਾਬਲੇ 'ਚ ਹਿੱਸਾ ਨਹੀਂ ਲੈ ਸਕੇ।
ਇਹ ਵੀ ਪੜ੍ਹੋ:- World Athletics Championships 2022: ਜੈਵਲਿਨ ਥਰੋਅ ਵਿੱਚ ਅੰਨੂ ਰਾਣੀ ਨੇ ਫਾਈਨਲ ਲਈ ਕੀਤਾ ਕੁਆਲੀਫਾਈ
ਨੀਰਜ ਚੋਪੜਾ ਤੋਂ ਬਾਅਦ ਭਾਰਤ ਦੇ ਰੋਹਿਤ ਯਾਦਵ ਨੇ ਵੀ ਫਾਈਨਲ ਲਈ ਕੁਆਲੀਫਾਈ ਕਰ ਲਿਆ ਹੈ। ਹਾਲਾਂਕਿ ਰੋਹਿਤ ਯਾਦਵ ਸਿਰਫ 77.32 ਮੀਟਰ ਹੀ ਸੁੱਟ ਸਕਿਆ ਪਰ ਬਾਕੀ ਅਥਲੀਟਾਂ ਨੇ ਇਸ ਤੋਂ ਵੀ ਘੱਟ ਥਰੋਅ ਕੀਤੀ, ਇਸ ਲਈ ਉਹ ਚੋਟੀ ਦੇ 12 'ਚ ਪ੍ਰਵੇਸ਼ ਕਰ ਗਿਆ। ਰੋਹਿਤ ਯਾਦਵ ਦਾ 11ਵਾਂ ਨੰਬਰ ਆ ਗਿਆ ਹੈ। ਨੀਰਜ ਚੋਪੜਾ ਨੂੰ ਗਰੁੱਪ ਏ ਵਿਚ, ਰੋਹਿਤ ਯਾਦਵ ਨੂੰ ਗਰੁੱਪ ਬੀ ਵਿਚ ਰੱਖਿਆ ਗਿਆ ਹੈ। ਹੁਣ ਐਤਵਾਰ ਨੂੰ ਭਾਰਤ ਦੇ ਸਿਰਫ਼ ਦੋ ਖਿਡਾਰੀ ਹੀ ਮੈਡਲ ਜਿੱਤਣ ਲਈ ਮੈਦਾਨ 'ਚ ਉਤਰਨਗੇ।
