ਨਵੀਂ ਦਿੱਲੀ: ਹਾਕੀ ਇੰਡੀਆ ਨੇ ਆਪਣੇ ਖਿਡਾਰੀਆਂ ਦੀ ਹਿੱਸੇਦਾਰ ਵਧਾਉਣ ਅਤੇ ਸੂਬਾ, ਕੇਂਦਰ ਸ਼ਾਸਿਤ ਸੂਬਿਆਂ, ਸੰਸਥਾ ਇਕਾਈਆਂ ਅਤੇ ਅਕਾਦਮੀਆਂ ਵਿੱਚ ਖੇਡ ਦੇ ਵਿਕਾਸ ਦੇ ਮਕਸਦ ਨਾਲ ਆਪਣੇ ਘਰੇਲੂ ਮੁਕਾਬਲਿਆਂ ਦੇ ਪੁਨਰ-ਗਠਨ ਦਾ ਫ਼ੈਸਲਾ ਕੀਤਾ।
ਹੁਣ ਰਾਸ਼ਟਰੀ ਚੈਂਪੀਅਨਸ਼ਿਪ ਅਗਲੇ ਸਾਲ ਤੋਂ ਨਵੇਂ ਰੂਪ ਵਿੱਚ ਦਿਖਾਈ ਦੇਵੇਗੀ। ਹਾਲ ਵਿੱਚ ਹਾਕੀ ਇੰਡੀਆ ਦੇ ਕਾਰਜਕਾਰੀ ਬੋਰਡ ਵੱਲੋਂ ਇਹ ਫ਼ੈਸਲਾ ਕੀਤਾ ਗਿਆ।
ਜਿਹੜੇ ਮੁਕਾਬਲਿਆਂ ਦਾ ਪੁਨਰ-ਗਠਨ ਕੀਤਾ ਜਾਵੇਗਾ, ਉਨ੍ਹਾਂ ਵਿੱਚ ਹਾਕੀ ਇੰਡੀਆ ਦੀ ਮਾਨਤਾ ਪ੍ਰਾਪਤ ਮੈਂਬਰ ਇਕਾਈਆਂ, ਜਨਤਕ ਖੇਤਰ ਦੀਆਂ ਇਕਾਈਆਂ/ਵਿਭਾਗੀ ਇਕਾਈਆਂ ਅਤੇ ਅਕਾਦਮੀ ਮੈਂਬਰ ਇਕਾਈਆਂ ਦੀ ਸਬ-ਜੂਨੀਅਰ, ਜੂਨੀਅਰ, ਸੀਨੀਅਰ ਰਾਸ਼ਟਰੀ ਚੈਂਪੀਅਨਸ਼ਿਪ (ਪੁਰਸ਼ ਅਤੇ ਔਰਤਾਂ ਦੇ ਵਰਗ) ਸ਼ਾਮਲ ਹਨ।
ਹਾਕੀ ਇੰਡੀਆ ਦੇ ਬਿਆਨ ਮੁਤਾਬਕ ਇੱਕ ਖਿਡਾਰੀ ਆਪਣੀ ਟੀਮ ਵੱਲੋਂ ਕੇਵਲ ਇੱਕ ਹੀ ਮੁਕਾਬਲੇ ਵਿੱਚ ਹਿੱਸਾ ਲੈਣ ਦੇ ਯੋਗ ਹੋਵੇਗਾ। ਇਸ ਦੇ ਮੁਤਾਬਕ, ਕੇਵਲ ਇੱਕ ਹੀ ਅਥਲੀਟ ਨੂੰ ਭਾਰਤ ਦੇ ਚੋਟੀ ਦੇ ਘਰੇਲੂ ਮੁਕਾਬਲਿਆਂ ਵਿੱਚ ਉਮਰ ਵਿੱਚ ਹਿੱਸਾ ਲੈਣ ਦੀ ਆਗਿਆ ਦਿੱਤੀ ਜਾਵੇਗੀ।
ਹਾਕੀ ਇੰਡੀਆ ਦੇ ਚੇਅਰਮੈਨ ਮੁਹੰਮਦ ਮੁਸ਼ਤਾਕ ਅਹਿਮਦ ਨੇ ਕਿਹਾ ਕਿ ਵੱਖ-ਵੱਖ ਗਰੁੱਪਾਂ ਦੇ ਲਈ ਏ ਅਤੇ ਬੀ ਡਵਿਜ਼ਨ ਵਿੱਚ ਰਾਸ਼ਟਰੀ ਚੈਂਪੀਅਨਸ਼ਿਪ ਦੀ ਮੇਜ਼ਬਾਨੀ ਕਰਨ ਵਾਲੀ ਪਿਛਲੀ ਪ੍ਰਣਾਲੀ ਹੁਣ ਨਹੀਂ ਅਪਣਾਈ ਜਾਵੇਗੀ।
ਉਨ੍ਹਾਂ ਨੇ ਕਿਹਾ ਹੁਣ ਸਲਾਨਾ ਰਾਸ਼ਟਰੀ ਚੈਂਪਿਅਨਸ਼ਿਪ ਵਿੱਚ ਸਾਰੇ ਸੂਬੇ ਇਕਾਈਆਂ ਪੁਰਸ਼ ਅਤੇ ਮਹਿਲਾ ਵਰਗ ਵਿੱਚ ਸਬ-ਜੂਨੀਅਰ, ਜੂਨੀਅਰ, ਸੀਨਿਅਰ ਉਮਰ ਦੇ ਗਰੁੱਪ ਵਿੱਚ ਹਿੱਸਾ ਲੈਣਗੀਆਂ।
ਟੂਰਨਾਮੈਂਟ ਦੀ ਨੀਤੀ ਅਤੇ ਦਿਸ਼ਾ-ਨਿਰਦੇਸ਼ਾਂ ਇੱਕੋ ਜਿਹੇ ਰਹਿਣਗੇ ਅਤੇ ਹਰ ਰਾਸ਼ਟਰੀ ਚੈਂਪੀਅਨਸ਼ਿਪ ਲੀਗ-ਕਮ-ਨਾਕਆਉਟ ਆਧਾਰ ਉੱਤੇ ਖੇਡੀ ਜਾਵੇਗੀ ਅਤੇ ਪੂਲ ਵਿੱਚ ਹਿੱਸਾ ਲੈਣ ਵਾਲੀਆਂ ਟੀਮਾਂ ਉੱਤੇ ਨਿਰਭਰ ਕਰਨਗੇ। ਟੂਰਨਾਮੈਂਟ ਅੰਤਰ-ਰਾਸ਼ਟਰੀ ਹਾਕੀ ਮਹਾਂਸੰਘ ਦੇ ਨਵੇਂ ਨਿਯਮਾਂ ਦੇ ਮੁਤਾਬਕ ਕਰਵਾਏ ਜਾਣਗੇ।
