ਚੰਡੀਗੜ੍ਹ: ਵੈਸਟਇੰਡੀਜ਼ ਦੇ ਗੇਂਦਬਾਜ਼ ਡਵੇਨ ਬ੍ਰਾਵੋ (West Indies bowler Dwayne Bravo) ਦਾ ਅੱਜ ਜਨਮ ਦਿਨ ਹੈ ਅਤੇ ਉਨ੍ਹਾਂ ਨੂੰ ਸੋਸ਼ਲ ਮੀਡੀਆ (Social media) 'ਤੇ ਵਧਾਈਆਂ ਦੇਣ ਵਾਲਿਆਂ ਦੀ ਝੜੀ ਲੱਗੀ ਹੋਈ ਹੈ। ਬ੍ਰਾਵੋ 38 ਸਾਲ ਦੇ ਹੋ ਚੁੱਕੇ ਹਨ। ਉਨ੍ਹਾਂ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਉਂਟ ਇੰਸਟਾਗ੍ਰਾਮ (Instagram) 'ਤੇ ਇਕ ਪੋਸਟ ਸਾਂਝੀ ਕੀਤੀ ਹੈ। ਜਿਸ ਵਿਚ ਉਨ੍ਹਾਂ ਨੇ ਲਿਖਿਆ ਹੈ ਮੇਰੇ ਜਨਮ ਦਿਨ ਮੌਕੇ ਇੰਨੀਆਂ ਸ਼ੁਭਕਾਮਨਾਵਾਂ ਦੇਣ ਲਈ ਤੁਹਾਡੀ ਬਹੁਤ-ਬਹੁਤ ਧੰਨਵਾਦ।
ਵੈਸਟਇੰਡੀਜ਼ ਟੀਮ ਦੇ ਰਹਿ ਚੁੱਕੇ ਹਨ ਕਪਤਾਨ
ਡਵੇਨ ਬ੍ਰਾਵੋ ਦਾ ਜਨਮ 7 ਅਕਤੂਬਰ 1983 ਨੂੰ ਹੋਇਆ ਸੀ। ਬ੍ਰਾਵੋ ਇਕ ਆਲ ਰਾਊਂਡਰ ਖਿਡਾਰੀ (All-rounder players) ਹਨ ਜੋ ਸੱਦੇ ਹੱਥ ਨਾਲ ਬੱਲੇਬਾਜ਼ੀ ਅਤੇ ਮੱਧਮ ਗਤੀ ਦੀ ਗੇਂਦਬਾਜ਼ੀ ਕਰਦੇ ਹਨ। ਡਵੇਨ ਬ੍ਰਾਵੋ ਕ੍ਰਿਕਟ ਦੇ ਸਾਰੇ ਫਾਰਮੈੱਟ (Format) ਵਿਚ ਖੇਡ ਚੁੱਕੇ ਹਨ। ਡਵੇਨ ਬ੍ਰਾਵੋ ਵੈਸਟਇੰਡੀਜ਼ ਟੀਮ ਦੇ ਕਪਤਾਨ ਵੀ ਰਹਿ ਚੁੱਕੇ ਹਨ। ਆਲ ਰਾਊਂਡਰ ਬ੍ਰਾਵੋ ਮਿਡ ਓਵਰ (Mid over) ਵਿਚ ਹਮਲਾਵਰ ਬੱਲੇਬਾਜ਼ੀ ਕਰਦੇ ਹਨ ਇਸ ਤੋਂ ਇਲਾਵਾ ਉਹ ਗੀਤ ਗਾਉਣ ਵਿਚ ਵੀ ਆਪਣਾ ਹੱਥ ਅਜ਼ਮਾ ਚੁੱਕੇ ਹਨ।
