ਨਵੀਂ ਦਿੱਲੀ: ਇੰਡੀਅਨ ਪ੍ਰੀਮੀਅਰ ਲੀਗ 2023 ਟੂਰਨਾਮੈਂਟ 31 ਮਾਰਚ ਤੋਂ ਸ਼ੁਰੂ ਹੋਣ ਜਾ ਰਿਹਾ ਹੈ। CSK ਦੇ ਕਪਤਾਨ ਮਹਿੰਦਰ ਸਿੰਘ ਧੋਨੀ ਚੇਨਈ ਪਹੁੰਚ ਚੁੱਕੇ ਹਨ। ਇਹ ਜਾਣਕਾਰੀ ਚੇਨਈ ਸੁਪਰ ਕਿੰਗਜ਼ ਨੇ ਆਪਣੇ ਟਵਿੱਟਰ ਹੈਂਡਲ ਤੋਂ ਪੋਸਟ ਸ਼ੇਅਰ ਕਰਕੇ ਦਿੱਤੀ ਹੈ। ਧੋਨੀ ਤੋਂ ਇਲਾਵਾ ਅਜਿੰਕਯ ਰਹਾਣੇ ਸਮੇਤ ਟੀਮ ਦੇ ਹੋਰ ਖਿਡਾਰੀ ਚੇਨਈ ਪਹੁੰਚ ਚੁੱਕੇ ਹਨ। ਧੋਨੀ ਨੇ IPL ਦੇ 16ਵੇਂ ਸੀਜ਼ਨ ਲਈ ਪੂਰੀ ਤਿਆਰੀ ਕਰ ਲਈ ਹੈ।
ਇੰਗਲੈਂਡ ਦੇ ਖਿਡਾਰੀ ਬੇਨ ਸਟੋਕਸ ਦਾ ਨਾਂ ਸਭ ਤੋਂ ਅੱਗੇ : ਹੁਣ ਅਜਿਹੇ ਕਿਆਸਾਂ ਲਾਏ ਜਾ ਰਹੇ ਹਨ ਕਿ ਇਹ ਆਈਪੀਐੱਲ ਟੂਰਨਾਮੈਂਟ ਧੋਨੀ ਦੇ ਕਰੀਅਰ ਦਾ ਆਖਰੀ ਮੈਚ ਹੋਵੇਗਾ। ਪਰ ਜੇਕਰ ਅਜਿਹਾ ਹੁੰਦਾ ਹੈ ਤਾਂ ਸਵਾਲ ਇਹ ਵੀ ਹੈ ਕਿ ਕਿਹੜਾ ਖਿਡਾਰੀ ਚੇਨਈ ਸੁਪਰ ਕਿੰਗਜ਼ ਦਾ ਅਗਲਾ ਕਪਤਾਨ ਬਣ ਸਕਦਾ ਹੈ। ਜੇਕਰ IPL ਦਾ 16ਵਾਂ ਸੀਜ਼ਨ ਮਹਿੰਦਰ ਸਿੰਘ ਧੋਨੀ ਦੇ ਕਰੀਅਰ ਦਾ ਆਖਰੀ ਮੈਚ ਹੁੰਦਾ ਹੈ, ਤਾਂ CSK ਕਿਸ ਖਿਡਾਰੀ ਨੂੰ ਆਪਣਾ ਅਗਲਾ ਕਪਤਾਨ ਬਣਾ ਸਕਦਾ ਹੈ? ਪਰ ਹੁਣ ਤੱਕ ਧੋਨੀ ਨੇ ਇਸ ਬਾਰੇ ਕੋਈ ਅਧਿਕਾਰਤ ਐਲਾਨ ਨਹੀਂ ਕੀਤਾ ਹੈ। ਇਸ ਤੋਂ ਬਾਅਦ ਵੀ ਇਹ ਅੰਦਾਜ਼ਾ ਲਗਾਇਆ ਜਾ ਰਿਹਾ ਹੈ ਕਿ ਇਹ ਸੀਜ਼ਨ ਧੋਨੀ ਦਾ ਕ੍ਰਿਕਟ ਦਾ ਆਖਰੀ ਸੀਜ਼ਨ ਹੋ ਸਕਦਾ ਹੈ। ਇਸ ਦੇ ਨਾਲ ਹੀ ਧੋਨੀ ਤੋਂ ਬਾਅਦ CSK ਦਾ ਕਪਤਾਨ ਬਣਨ ਦੀ ਸੂਚੀ 'ਚ ਇੰਗਲੈਂਡ ਦੇ ਖਿਡਾਰੀ ਬੇਨ ਸਟੋਕਸ ਦਾ ਨਾਂ ਸਭ ਤੋਂ ਅੱਗੇ ਹੈ।
ਇਹ ਵੀ ਪੜ੍ਹੋ : R ASHWIN HIGHEST WICKETKEEPER: ਆਰ ਅਸ਼ਵਿਨ ਬਣੇ ਅੰਤਰਰਾਸ਼ਟਰੀ ਮੈਚਾਂ 'ਚ ਸਭ ਤੋਂ ਵੱਧ ਵਿਕਟ ਲੈਣ ਵਾਲੇ ਭਾਰਤ ਦੇ ਤੀਜੇ ਗੇਂਦਬਾਜ਼
ਆਲਰਾਊਂਡਰ ਰਵਿੰਦਰ ਜਡੇਜਾ ਨੂੰ ਬਣਾਇਆ ਸੀ ਆਪਣਾ ਕਪਤਾਨ : ਇਸ ਤੋਂ ਪਹਿਲਾਂ ਆਈਪੀਐਲ 2022 ਦੇ 15ਵੇਂ ਸੀਜ਼ਨ ਵਿੱਚ ਚੇਨਈ ਸੁਪਰ ਕਿੰਗਜ਼ ਨੇ ਆਲਰਾਊਂਡਰ ਰਵਿੰਦਰ ਜਡੇਜਾ ਨੂੰ ਆਪਣਾ ਕਪਤਾਨ ਬਣਾਇਆ ਸੀ। ਪਰ ਰਵਿੰਦਰ ਜਡੇਜਾ ਨੂੰ ਵਿਚਾਲੇ ਹੀ ਕਪਤਾਨ ਦੇ ਅਹੁਦੇ ਤੋਂ ਹਟਾ ਦਿੱਤਾ ਗਿਆ। ਇਸ ਤੋਂ ਬਾਅਦ ਫਿਰ ਤੋਂ ਐਮਐਸ ਧੋਨੀ ਨੂੰ ਸੀਐਸਕੇ ਦਾ ਕਪਤਾਨ ਬਣਾਇਆ ਗਿਆ। ਇੰਗਲੈਂਡ ਦੀ ਟੈਸਟ ਟੀਮ ਦੇ ਕਪਤਾਨ ਬੇਨ ਸਟੋਕਸ ਨੇ ਆਪਣੀ ਕਪਤਾਨੀ ਨਾਲ ਸਾਰਿਆਂ ਨੂੰ ਕਾਫੀ ਆਕਰਸ਼ਿਤ ਕੀਤਾ ਹੈ। ਇਸ ਲਈ ਧੋਨੀ ਤੋਂ ਬਾਅਦ ਬੇਨ ਸਟੋਕਸ ਦਾ ਨਾਂ ਚੇਨਈ ਸੁਪਰ ਕਿੰਗਜ਼ ਦਾ ਕਪਤਾਨ ਬਣਨ ਦੀ ਦੌੜ 'ਚ ਸਭ ਤੋਂ ਅੱਗੇ ਹੈ।
ਇਹ ਵੀ ਪੜ੍ਹੋ : IND vs AUS, 3rd Test, Day 2: ਭਾਰਤ ਦਾ ਸਕੋਰ 47 ਓਵਰ ਵਿੱਚ 133/6
ਫਿਰ ਵੀ, ਇਹ ਦੇਖਣਾ ਬਹੁਤ ਦਿਲਚਸਪ ਹੋਵੇਗਾ ਕਿ ਚੇਨਈ ਸੁਪਰ ਕਿੰਗਜ਼ ਕਿਸ ਖਿਡਾਰੀ ਨੂੰ ਟੀਮ ਦਾ ਨੇਤਾ ਚੁਣੇਗਾ। ਆਲਰਾਊਂਡਰ ਬੇਨ ਸਟੋਕਸ ਨੇ ਟੈਸਟ ਮੈਚ 'ਚ ਆਪਣੀ ਟੀਮ ਦਾ ਬਹੁਤ ਵਧੀਆ ਮਾਰਗਦਰਸ਼ਨ ਕੀਤਾ। ਮਹਿੰਦਰ ਸਿੰਘ ਧੋਨੀ ਦੇ ਕਰੀਅਰ ਦੇ ਆਖਰੀ ਮੈਚ ਸਬੰਧੀ ਹਾਲਾਂਕਿ ਕੋਈ ਅਧਿਕਾਰਤ ਪੁਸ਼ਟੀ ਨਹੀਂ ਹੈ।
