ਨਵੀਂ ਦਿੱਲੀ: ਭਾਰਤ ਅਤੇ ਨਿਊਜ਼ੀਲੈਂਡ ਵਿਚਾਲੇ ਵਨਡੇ ਸੀਰੀਜ਼ ਦਾ ਆਖਰੀ ਮੈਚ 24 ਜਨਵਰੀ ਨੂੰ ਇੰਦੌਰ ਦੇ ਹੋਲਕਰ ਸਟੇਡੀਅਮ 'ਚ ਖੇਡਿਆ ਜਾਣਾ ਹੈ। ਦੋਵਾਂ ਟੀਮਾਂ ਵਿਚਾਲੇ ਇਸ ਮੈਚ ਲੈਕੇ ਪੂਰਾ ਉਤਸ਼ਾਹ ਹੈ ਅਤੇ ਦੋਵਾਂ ਦੀ ਜਿੱਤ ਦਾ ਰਾਹ ਆਸਾਨ ਨਹੀਂ ਹੋਵੇਗਾ। ਇਸ ਮੈਚ 'ਚ ਭਾਰਤੀ ਟੀਮ ਨਿਊਜ਼ੀਲੈਂਡ 'ਤੇ ਭਾਰੀ ਪੈ ਸਕਦੀ ਹੈ। ਟੀਮ ਇੰਡੀਆ ਦੇ ਨਾਂ ਇਸ ਮੈਦਾਨ 'ਤੇ 5 ਵਨਡੇ ਜਿੱਤਣ ਦਾ ਰਿਕਾਰਡ ਹੈ। ਭਾਰਤ ਨੇ ਵਨਡੇ ਸੀਰੀਜ਼ 'ਚ ਨਿਊਜ਼ੀਲੈਂਡ 'ਤੇ ਪਹਿਲਾਂ ਹੀ 2-0 ਦੀ ਬੜ੍ਹਤ ਬਣਾ ਲਈ ਹੈ। ਅਜਿਹੇ 'ਚ ਟੀਮ ਇੰਡੀਆ ਕੋਲ ਨਿਊਜ਼ੀਲੈਂਡ ਨੂੰ 3-0 ਨਾਲ ਕਲੀਨ ਸਵੀਪ ਕਰਨ ਦਾ ਮੌਕਾ ਹੈ। ਇੰਦੌਰ 'ਚ ਭਾਰਤ ਦੇ ਮਜ਼ਬੂਤ ਵਨਡੇ ਰਿਕਾਰਡ ਨੂੰ ਦੇਖਦੇ ਹੋਏ ਇੱਥੇ ਨਿਊਜ਼ੀਲੈਂਡ ਦਾ ਰਾਹ ਆਸਾਨ ਨਹੀਂ ਹੋਵੇਗਾ।
ਇੰਦੌਰ 'ਚ ਭਾਰਤ ਦੇ 5 ਵਨਡੇ ਰਿਕਾਰਡ: ਹੋਲਕਰ ਸਟੇਡੀਅਮ 'ਚ ਆਖਰੀ ਪੰਜ ਵਨਡੇ ਜਿੱਤਣ ਤੋਂ ਬਾਅਦ ਟੀਮ ਇੰਡੀਆ ਦੇ ਹੌਸਲੇ ਬੁਲੰਦ ਹਨ। ਇਸ ਦੇ ਨਾਲ ਹੀ ਨਿਊਜ਼ੀਲੈਂਡ ਪਹਿਲੀ ਵਾਰ ਇਸ ਮੈਦਾਨ ਵਿੱਚ ਵਨਡੇ ਖੇਡਣ ਜਾ ਰਿਹਾ ਹੈ। ਇੰਦੌਰ 'ਚ ਭਾਰਤ ਦੇ 5 ਵੱਡੇ ਵਨਡੇ ਰਿਕਾਰਡ ਕੁਝ ਇਸ ਤਰ੍ਹਾਂ ਹਨ।
ਸਰਵੋਤਮ ਸਕੋਰ - ਭਾਰਤ ਬਨਾਮ ਵੈਸਟ ਇੰਡੀਜ਼ 418/5
ਵਿਅਕਤੀਗਤ ਸਭ ਤੋਂ ਵੱਧ ਸਕੋਰ - ਵਰਿੰਦਰ ਸਹਿਵਾਗ ਨੇ ਵੈਸਟਇੰਡੀਜ਼ ਖਿਲਾਫ 219 ਦੌੜਾਂ ਬਣਾਈਆਂ।
ਸਰਵੋਤਮ ਗੇਂਦਬਾਜ਼ੀ - ਐੱਸ ਸ਼੍ਰੀਸੰਤ ਨੇ ਵੈਸਟਇੰਡੀਜ਼ ਖਿਲਾਫ 6 ਵਿਕਟਾਂ ਲਈਆਂ।
ਸਭ ਤੋਂ ਵੱਧ ਵਿਕਟਾਂ - ਐਸ ਸ਼੍ਰੀਸੰਤ, 6 ਵਿਕਟਾਂ
ਇੰਦੌਰ ਵਿੱਚ ਭਾਰਤ ਨਹੀਂ ਹਾਰਿਆ: ਹੋਲਕਰ ਸਟੇਡੀਅਮ ਭਾਰਤ ਦਾ ਲੱਕੀ ਹੈ। ਟੀਮ ਇੰਡੀਆ ਨੇ ਹੁਣ ਤੱਕ ਇੱਥੇ ਖੇਡੇ ਗਏ ਵਨਡੇ ਮੈਚ ਜਿੱਤੇ ਹਨ। ਭਾਰਤ ਨੇ ਇੰਦੌਰ 'ਚ 5 ਵਨਡੇ ਮੈਚ ਖੇਡੇ ਅਤੇ ਇਨ੍ਹਾਂ ਸਾਰੇ ਮੈਚਾਂ 'ਚ ਟੀਮ ਖਿਤਾਬ ਜਿੱਤਣ 'ਚ ਕਾਮਯਾਬ ਰਹੀ ਹੈ। ਪਹਿਲਾ ਵਨਡੇ ਮੈਚ 15 ਅਪ੍ਰੈਲ 2006 ਨੂੰ ਇਸ ਮੈਦਾਨ ਵਿੱਚ ਖੇਡਿਆ ਗਿਆ ਸੀ, ਇਸ ਮੈਚ ਵਿੱਚ ਭਾਰਤ ਨੇ ਇੰਗਲੈਂਡ ਨੂੰ 7 ਵਿਕਟਾਂ ਨਾਲ ਹਰਾਇਆ ਸੀ। ਇਸ ਤੋਂ ਬਾਅਦ ਟੀਮ ਇੰਡੀਆ ਨੇ ਅਗਲੇ ਚਾਰ ਮੈਚਾਂ 'ਚ ਲਗਾਤਾਰ ਜਿੱਤ ਦਰਜ ਕੀਤੀ। ਭਾਰਤ ਨੇ ਇਸ ਮੈਦਾਨ 'ਤੇ ਹੁਣ ਤੱਕ ਇੰਗਲੈਂਡ ਨੂੰ ਦੋ ਵਾਰ ਅਤੇ ਵੈਸਟਇੰਡੀਜ਼, ਦੱਖਣੀ ਅਫਰੀਕਾ, ਆਸਟ੍ਰੇਲੀਆ ਨੂੰ ਇਕ-ਇਕ ਵਾਰ ਹਰਾਇਆ ਹੈ।
ਇਹ ਵੀ ਪੜ੍ਹੋ: ICC Awards 2022 : ICC ਕਰਨ ਜਾ ਰਿਹੈ ਐਵਾਰਡ 2022 ਦੇ ਜੇਤੂਆਂ ਦਾ ਐਲਾਨ, ਭਾਰਤੀ ਟੀਮ ਦੇ ਕਈ ਖਿਡਾਰੀ ਨਾਮਜ਼ਦ
