ਪੋਰਟ ਆਫ ਸਪੇਨ: ਸਲਾਮੀ ਬੱਲੇਬਾਜ਼ ਸ਼ੁਭਮਨ ਗਿੱਲ ਨੇ ਕਿਹਾ, ਮੈਂ ਆਪਣੀ ਬੱਲੇਬਾਜ਼ੀ ਨੂੰ ਲੈ ਕੇ ਕਾਫੀ ਆਤਮਵਿਸ਼ਵਾਸ ਮਹਿਸੂਸ ਕਰ ਰਿਹਾ ਹਾਂ। ਇੰਗਲੈਂਡ 'ਚ ਟੈਸਟ ਸੀਰੀਜ਼ ਤੋਂ ਬਾਅਦ ਅਸੀਂ ਜ਼ਿਆਦਾ ਅਭਿਆਸ ਨਹੀਂ ਕਰ ਸਕੇ। ਕਿਉਂਕਿ ਸਾਡੇ ਦੋਵੇਂ ਅਭਿਆਸ ਸੈਸ਼ਨ ਇੱਥੇ ਖ਼ਤਮ ਹੋ ਗਏ ਸਨ, ਪਰ ਇੱਕ ਵਾਰ ਜਦੋਂ ਮੈਂ ਵਨਡੇ ਵਿੱਚ ਬੱਲੇਬਾਜ਼ੀ ਕੀਤੀ ਤਾਂ ਮੈਂ ਜਿਸ ਤਰ੍ਹਾਂ ਨਾਲ ਖੇਡ ਰਿਹਾ ਸੀ, ਉਸ ਨਾਲ ਮੈਨੂੰ ਆਤਮਵਿਸ਼ਵਾਸ ਮਹਿਸੂਸ ਹੋ ਰਿਹਾ ਸੀ।
ਤੀਜੇ ਮੈਚ ਤੋਂ ਪਹਿਲਾਂ ਗਿੱਲ ਨੇ ਕਿਹਾ, ''ਵਨਡੇ ਮੈਚਾਂ ਦੀਆਂ ਦੋ ਪਾਰੀਆਂ ਮੇਰੇ ਆਤਮਵਿਸ਼ਵਾਸ ਨੂੰ ਵਧਾਉਣ ਵਾਲੀਆਂ ਸਨ। ਵੈਸਟਇੰਡੀਜ਼ ਇੱਕ ਚੰਗੀ ਟੀਮ ਹੈ ਅਤੇ ਅਸੀਂ ਦੋ ਮੈਚਾਂ ਵਿੱਚ ਟੀਮ ਲਈ ਯੋਗਦਾਨ ਦਿੱਤਾ। ਇੱਕ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ ਅਤੇ ਦੂਜਾ ਦੌੜਾਂ ਦਾ ਪਿੱਛਾ ਕਰਦੇ ਹੋਏ। ਇਨ੍ਹਾਂ ਪਾਰੀਆਂ ਨੇ ਮੇਰਾ ਆਤਮਵਿਸ਼ਵਾਸ ਵਧਾਉਣ 'ਚ ਮਦਦ ਕੀਤੀ ਹੈ, ਮੈਨੂੰ ਤੀਜੇ ਮੈਚ 'ਚ ਬਿਹਤਰ ਪ੍ਰਦਰਸ਼ਨ ਦੀ ਉਮੀਦ ਹੈ। ਉਸ ਨੇ ਅੱਗੇ ਕਿਹਾ, ਮੈਂ ਧਵਨ ਨਾਲ ਪਾਰੀ ਦੀ ਸ਼ੁਰੂਆਤ ਕੀਤੀ, ਜਿਸ ਨਾਲ ਸਾਨੂੰ ਬਿਹਤਰ ਪ੍ਰਦਰਸ਼ਨ ਦੀ ਉਮੀਦ ਮਿਲੀ। ਹੋ ਸਕਦਾ ਹੈ ਕਿ ਤੀਜੇ ਮੈਚ ਵਿੱਚ ਵੀ ਮੈਨੂੰ ਕਪਤਾਨ ਦੇ ਨਾਲ ਓਪਨਰ ਵਜੋਂ ਖੇਡਣ ਦਾ ਮੌਕਾ ਮਿਲੇ। ਮੈਂ ਪਿਛਲੇ ਮੈਚਾਂ 'ਚ ਚੰਗੀ ਸ਼ੁਰੂਆਤ ਕੀਤੀ ਅਤੇ ਅੱਗੇ ਵਧਦਾ ਰਿਹਾ, ਪਰ ਬਦਕਿਸਮਤੀ ਨਾਲ ਮੈਂ ਇਸ ਨੂੰ 100 'ਚ ਨਹੀਂ ਬਦਲ ਸਕਿਆ, ਜਿਸ ਕਾਰਨ ਮੈਂ ਖੁਦ 'ਤੇ ਗੁੱਸੇ ਸੀ ਕਿ ਮੈਂ ਕਿਵੇਂ ਆਊਟ ਹੋ ਗਿਆ।
ਗਿੱਲ ਨੇ ਮੰਨਿਆ ਕਿ ਕਵੀਨਜ਼ ਪਾਰਕ ਓਵਲ ਵਿੱਚ ਦੋਵੇਂ ਪਾਰੀਆਂ ਵਿੱਚ 300 ਤੋਂ ਵੱਧ ਸਕੋਰ ਹਾਸਲ ਕਰਨ ਨਾਲ ਉਸ ਨੂੰ ਬੱਲੇ ਨਾਲ ਆਪਣਾ ਸਰਵੋਤਮ ਪ੍ਰਦਰਸ਼ਨ ਕਰਨ ਵਿੱਚ ਮਦਦ ਮਿਲੀ ਹੈ। ਗਿੱਲ ਨੇ ਇਸ ਬਾਰੇ ਵੀ ਦੱਸਿਆ ਕਿ ਕਿਸ ਤਰ੍ਹਾਂ ਮੁੱਖ ਕੋਚ ਰਾਹੁਲ ਦ੍ਰਾਵਿੜ ਅਤੇ ਬੱਲੇਬਾਜ਼ੀ ਕੋਚ ਵਿਕਰਮ ਰਾਠੌਰ ਅਭਿਆਸ ਸੈਸ਼ਨਾਂ ਦੌਰਾਨ ਉਸ ਨੂੰ ਸੁਧਾਰਨ ਵਿੱਚ ਮਦਦ ਕਰ ਰਹੇ ਹਨ।
ਮੈਂ ਆਪਣੀ ਬੱਲੇਬਾਜ਼ੀ ਨੂੰ ਲੈ ਕੇ ਦੋਵਾਂ ਕੋਚਾਂ ਨਾਲ ਗੱਲਬਾਤ ਕਰਦਾ ਰਹਿੰਦਾ ਹਾਂ। ਵਿਕਰਮ ਸਰ ਮੇਰੀ ਤਕਨੀਕ ਅਤੇ ਉਨ੍ਹਾਂ ਖੇਤਰਾਂ 'ਤੇ ਮੇਰੀ ਜਾਣਕਾਰੀ ਦਿੰਦੇ ਹਨ ਜਿਨ੍ਹਾਂ 'ਤੇ ਮੈਂ ਕੰਮ ਕਰ ਸਕਦਾ ਹਾਂ। ਰਾਹੁਲ ਸਰ ਸਥਿਤੀਆਂ ਨਾਲ ਨਜਿੱਠਣ ਲਈ ਸਲਾਹ ਦਿੰਦੇ ਹਨ ਅਤੇ ਮੇਰੇ ਨਾਲ ਆਪਣਾ ਅਨੁਭਵ ਸਾਂਝਾ ਕਰਦੇ ਹਨ। ਕਿਉਂਕਿ ਉਹ ਪੂਰੀ ਦੁਨੀਆ 'ਚ ਕ੍ਰਿਕਟ ਖੇਡ ਚੁੱਕਾ ਹੈ।
ਇਹ ਵੀ ਪੜ੍ਹੋ: WI vs IND 3rd ODI: ਟੀਮ ਇੰਡੀਆ ਦੀ ਅੱਜ ਵੈਸਟਇੰਡੀਜ਼ ਖਿਲਾਫ ਆਖਰੀ ਵਨਡੇ 'ਚ ਇਤਿਹਾਸ ਰਚਣ ਦੀ ਤਿਆਰੀ
