ਨਵੀਂ ਦਿੱਲੀ : ਭਾਰਤ ਅਤੇ ਆਸਟ੍ਰੇਲੀਆ ਵਿਚਾਲੇ ਨਾਗਪੁਰ 'ਚ ਖੇਡੇ ਜਾ ਰਹੇ ਪਹਿਲੇ ਟੈਸਟ ਮੈਚ ਦੇ ਤੀਜੇ ਦਿਨ ਭਾਰਤੀ ਟੀਮ ਮਜ਼ਬੂਤ ਸਥਿਤੀ 'ਚ ਹੈ। ਇਸ ਮੈਚ 'ਚ ਮੁਹੰਮਦ ਸ਼ਮੀ ਨੇ 37 ਦੌੜਾਂ ਦੀ ਤੂਫਾਨੀ ਪਾਰੀ ਖੇਡੀ। ਸ਼ਮੀ ਨੇ ਇਸ ਪਾਰੀ 'ਚ ਸ਼ਾਨਦਾਰ ਬੱਲੇਬਾਜ਼ੀ ਕੀਤੀ ਅਤੇ ਤਿੰਨ ਛੱਕੇ ਲਗਾਏ। ਮੁਹੰਮਦ ਸ਼ਮੀ ਨੇ ਹੁਣ ਟੈਸਟ ਕ੍ਰਿਕਟ 'ਚ ਸਭ ਤੋਂ ਵੱਧ ਛੱਕੇ ਮਾਰਨ ਦੇ ਮਾਮਲੇ 'ਚ ਰਾਹੁਲ ਦ੍ਰਾਵਿੜ ਨੂੰ ਪਿੱਛੇ ਛੱਡ ਦਿੱਤਾ ਹੈ। ਇੰਨਾ ਹੀ ਨਹੀਂ ਸ਼ਮੀ ਇਸ ਮਾਮਲੇ 'ਚ ਕਈ ਭਾਰਤੀ ਦਿੱਗਜਾਂ ਤੋਂ ਵੀ ਅੱਗੇ ਨਿਕਲ ਚੁੱਕੇ ਹਨ। ਉਸ ਨੇ ਕਈ ਭਾਰਤੀ ਬੱਲੇਬਾਜ਼ਾਂ ਨੂੰ ਹਰਾਇਆ ਹੈ।
ਸਾਬਕਾ ਭਾਰਤੀ ਮੁੱਖ ਕੋਚ ਰਾਹੁਲ ਦ੍ਰਾਵਿੜ ਨੇ ਟੀਮ ਇੰਡੀਆ ਲਈ 164 ਟੈਸਟ ਮੈਚਾਂ ਵਿੱਚ 13,288 ਦੌੜਾਂ ਬਣਾਈਆਂ ਹਨ। ਰਾਹੁਲ ਦ੍ਰਾਵਿੜ ਨੇ ਟੈਸਟ ਫਾਰਮੈਟ 'ਚ 36 ਸੈਂਕੜੇ ਅਤੇ 63 ਅਰਧ ਸੈਂਕੜੇ ਲਗਾਏ ਹਨ। ਇਸ ਟੈਸਟ ਕ੍ਰਿਕਟ 'ਚ ਰਾਹੁਲ ਦ੍ਰਾਵਿੜ ਦੇ ਨਾਂ ਸਿਰਫ 21 ਛੱਕੇ ਹਨ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ 344 ਵਨਡੇ ਮੈਚਾਂ 'ਚ 10,889 ਦੌੜਾਂ ਬਣਾਈਆਂ ਅਤੇ ਇਸ 'ਚ 12 ਸੈਂਕੜੇ ਲਗਾਏ। ਟੀਮ ਇੰਡੀਆ ਦੇ ਤੇਜ਼ ਗੇਂਦਬਾਜ਼ ਮੁਹੰਮਦ ਸ਼ਮੀ ਨੇ ਟੈਸਟ ਫਾਰਮੈਟ 'ਚ ਬੱਲੇਬਾਜ਼ੀ ਕਰਦੇ ਹੋਏ ਸਿਰਫ 772 ਦੌੜਾਂ ਬਣਾਈਆਂ ਹਨ। ਪਰ ਇਸ ਫਾਰਮੈਟ ਵਿੱਚ ਮੁਹੰਮਦ ਸ਼ਮੀ ਨੇ 23 ਛੱਕੇ ਲਗਾਏ ਹਨ।
ਇਹ ਵੀ ਪੜ੍ਹੋ : IND vs AUS: ਟੈੱਸਟ ਮੈਚ 'ਚ ਭਾਰਤ ਦੀ ਸਥਿਤੀ ਮਜ਼ਬੂਤ, ਲੀਡ ਪਹੁੰਚੀ 200 ਪਾਰ
ਇਨ੍ਹਾਂ ਖਿਡਾਰੀਆਂ ਨੇ ਟੈਸਟ 'ਚ ਲਗਾਏ ਸਭ ਤੋਂ ਜ਼ਿਆਦਾ ਛੱਕੇ,ਟੀਮ ਇੰਡੀਆ ਲਈ ਸਭ ਤੋਂ ਜ਼ਿਆਦਾ ਛੱਕੇ ਵਰਿੰਦਰ ਸਹਿਵਾਹ ਨੇ ਲਗਾਏ ਹਨ। ਵਰਿੰਦਰ ਸਹਿਵਾਹ ਨੇ ਟੈਸਟ ਫਾਰਮੈਟ 'ਚ 104 ਮੈਚਾਂ ਦੀਆਂ 180 ਪਾਰੀਆਂ 'ਚ 91 ਛੱਕੇ ਲਗਾਏ ਹਨ। ਇਸ ਤੋਂ ਬਾਅਦ ਐੱਮਐੱਸ ਧੋਨੀ ਨੇ ਦੂਜੇ ਨੰਬਰ 'ਤੇ ਆਪਣੇ ਟੈਸਟ ਕ੍ਰਿਕਟ 'ਚ 78 ਛੱਕੇ ਲਗਾਏ ਹਨ। ਇਸ ਤੋਂ ਬਾਅਦ ਤੀਜੇ ਨੰਬਰ 'ਤੇ ਸਚਿਨ ਤੇਂਦੁਲਕਰ ਨੇ ਆਪਣੇ ਟੈਸਟ ਕਰੀਅਰ 'ਚ ਕੁੱਲ 69 ਛੱਕੇ ਲਗਾਏ ਹਨ। ਟੈਸਟ ਵਿੱਚ ਸਭ ਤੋਂ ਵੱਧ ਛੱਕੇ ਮਾਰਨ ਦੇ ਮਾਮਲੇ ਵਿੱਚ ਸ਼ਮੀ ਨੇ ਚੇਤੇਸ਼ਵਰ ਪੁਜਾਰਾ, ਮੁਹੰਮਦ ਅਜ਼ਹਰੂਦੀਨ ਅਤੇ ਵੀਵੀਐਸ ਲਕਸ਼ਮਣ ਵਰਗੇ ਅਨੁਭਵੀ ਖਿਡਾਰੀਆਂ ਨੂੰ ਪਿੱਛੇ ਛੱਡ ਦਿੱਤਾ ਹੈ। ਟੈਸਟ ਫਾਰਮੈਟ 'ਚ ਚੇਤੇਸ਼ਵਰ ਨੇ 15 ਛੱਕੇ, ਮੁਹੰਮਦ ਅਜ਼ਹਰੂਦੀਨ ਨੇ 19 ਛੱਕੇ ਅਤੇ ਵੀਵੀਐੱਸ ਲਕਸ਼ਮਣ ਨੇ ਸਿਰਫ 5 ਛੱਕੇ ਲਗਾਏ ਹਨ।
