ਮੁੰਬਈ: ਓਡਿਅਨ ਸਮਿਥ (30/4/4) ਅਤੇ ਕਾਗਿਸੋ ਰਬਾਡਾ (2/29) ਦੀ ਸ਼ਾਨਦਾਰ ਗੇਂਦਬਾਜ਼ੀ ਨਾਲ ਪੰਜਾਬ ਕਿੰਗਜ਼ (ਪੀਬੀਕੇਐਸ) ਨੇ ਬੁੱਧਵਾਰ ਨੂੰ ਇੱਥੇ ਮਹਾਰਾਸ਼ਟਰ ਕ੍ਰਿਕਟ ਐਸੋਸੀਏਸ਼ਨ ਸਟੇਡੀਅਮ ਵਿੱਚ ਖੇਡੇ ਗਏ ਆਈਪੀਐਲ 2022 ਦੇ ਮੈਚ ਵਿੱਚ ਮੁੰਬਈ ਇੰਡੀਅਨਜ਼ (ਐਮਆਈ) ਨੂੰ 2 ਦੌੜਾਂ ਨਾਲ (PUNJAB KINGS WON THE MATCH) ਹਰਾਇਆ। ਪੰਜਾਬ ਨੇ 20 ਓਵਰਾਂ 'ਚ ਪੰਜ ਵਿਕਟਾਂ ਦੇ ਨੁਕਸਾਨ 'ਤੇ 198 ਦੌੜਾਂ ਬਣਾਈਆਂ ਸਨ। ਐਮਆਈ ਦੇ ਬੱਲੇਬਾਜ਼ ਡੇਵਾਲਡ ਬ੍ਰੇਵਿਸ (49) ਅਤੇ ਤਿਲਕ ਵਰਮਾ (36) ਵਿਚਾਲੇ 84 ਦੌੜਾਂ ਦੀ ਸਾਂਝੇਦਾਰੀ ਹੋਈ।
ਮੁੰਬਈ ਦੀ ਇਸ ਹਾਰ ਨਾਲ ਟੀਮ ਦੀ ਇਹ ਲਗਾਤਾਰ ਪੰਜਵੀਂ ਹਾਰ ਹੈ। ਪੰਜਾਬ ਵੱਲੋਂ ਦਿੱਤੇ 199 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਨ ਉਤਰੀ ਮੁੰਬਈ ਇੰਡੀਅਨਜ਼ ਦੀ ਟੀਮ ਦੀ ਸ਼ੁਰੂਆਤ ਸ਼ਾਨਦਾਰ ਰਹੀ। ਸਲਾਮੀ ਜੋੜੀ ਕਪਤਾਨ ਰੋਹਿਤ ਸ਼ਰਮਾ ਅਤੇ ਈਸ਼ਾਨ ਕਿਸ਼ਨ ਨੇ ਟੀਮ ਲਈ ਚੰਗੀ ਸ਼ੁਰੂਆਤ ਕੀਤੀ। ਸ਼ਰਮਾ 13 ਗੇਂਦਾਂ ਵਿੱਚ 22 ਦੌੜਾਂ ਬਣਾ ਕੇ ਬੱਲੇਬਾਜ਼ੀ ਕਰ ਰਹੇ ਸਨ ਅਤੇ ਈਸ਼ਾਨ ਕਿਸ਼ਨ ਨੇ ਪੰਜ ਗੇਂਦਾਂ ਵਿੱਚ ਤਿੰਨ ਦੌੜਾਂ ਬਣਾਈਆਂ। ਇਸ ਤੋਂ ਬਾਅਦ ਚੌਥੇ ਓਵਰ ਵਿੱਚ ਕਾਗਿਸੋ ਰਬਾਡਾ ਨੇ ਮੁੰਬਈ ਨੂੰ ਪਹਿਲਾ ਝਟਕਾ ਦਿੱਤਾ।
ਇਹ ਵੀ ਪੜੋ: IPL 2022 ਵਿੱਚ ਪਹਿਲੀ ਜਿੱਤ ਤੋਂ ਬਾਅਦ ਰਵਿੰਦਰ ਜਡੇਜਾ ਦਾ ਬਿਆਨ
ਰਬਾਡਾ ਨੇ ਰੋਹਿਤ ਨੂੰ ਵੈਭਵ ਅਰੋੜਾ ਹੱਥੋਂ ਕੈਚ ਕਰਵਾਇਆ। ਰੋਹਿਤ 17 ਗੇਂਦਾਂ 'ਚ 28 ਦੌੜਾਂ ਬਣਾ ਕੇ ਆਊਟ ਹੋ ਗਏ। ਉਸ ਨੇ ਆਪਣੀ ਪਾਰੀ ਵਿੱਚ ਤਿੰਨ ਚੌਕੇ ਤੇ ਦੋ ਛੱਕੇ ਲਾਏ। ਆਊਟ ਹੋਣ ਤੋਂ ਪਹਿਲਾਂ ਰੋਹਿਤ ਨੇ ਟੀ-20 ਕ੍ਰਿਕਟ 'ਚ 10,000 ਦੌੜਾਂ ਵੀ ਪੂਰੀਆਂ ਕੀਤੀਆਂ। ਅਜਿਹਾ ਕਰਨ ਵਾਲਾ ਉਹ ਦੁਨੀਆ ਦਾ ਸੱਤਵਾਂ ਅਤੇ ਭਾਰਤ ਦਾ ਦੂਜਾ ਖਿਡਾਰੀ ਬਣ ਗਿਆ ਹੈ। ਉਨ੍ਹਾਂ ਤੋਂ ਪਹਿਲਾਂ ਵਿਰਾਟ ਕੋਹਲੀ ਨੇ ਇਹ ਕਾਰਨਾਮਾ ਕੀਤਾ ਸੀ।
ਰੋਹਿਤ ਦੇ ਨਾਂ 10,003 ਟੀ-20 ਦੌੜਾਂ ਹਨ। ਇਸ ਦੇ ਨਾਲ ਹੀ ਵਿਰਾਟ ਦੇ ਨਾਂ 10,379 ਟੀ-20 ਦੌੜਾਂ ਹਨ। ਸ਼ਰਮਾ ਦੇ ਆਊਟ ਹੋਣ ਤੋਂ ਬਾਅਦ ਡੇਵਾਲਡ ਬ੍ਰੇਵਿਸ ਨੇ ਪਾਰੀ ਦੀ ਕਮਾਨ ਸੰਭਾਲੀ। ਇਸ ਤੋਂ ਬਾਅਦ ਪੰਜਵੇਂ ਓਵਰ ਵਿੱਚ ਮੁੰਬਈ ਨੂੰ ਦੂਜਾ ਝਟਕਾ ਲੱਗਾ, ਜਦੋਂ ਗੇਂਦਬਾਜ਼ ਵੈਭਵ ਅਰੋੜਾ ਨੇ ਦੂਜੇ ਓਪਨਰ ਈਸ਼ਾਨ ਕਿਸ਼ਨ ਨੂੰ ਵਿਕਟਕੀਪਰ ਜਿਤੇਸ਼ ਸ਼ਰਮਾ ਹੱਥੋਂ ਕੈਚ ਕਰਵਾ ਦਿੱਤਾ। ਈਸ਼ਾਨ ਸੱਤ ਗੇਂਦਾਂ ਵਿੱਚ ਤਿੰਨ ਦੌੜਾਂ ਬਣਾ ਸਕਿਆ। ਪੰਜ ਓਵਰਾਂ ਬਾਅਦ ਮੁੰਬਈ ਨੇ ਦੋ ਵਿਕਟਾਂ ਦੇ ਨੁਕਸਾਨ 'ਤੇ 33 ਦੌੜਾਂ ਬਣਾਈਆਂ। ਇਸ ਤੋਂ ਬਾਅਦ ਤਿਲਕ ਵਰਮਾ ਨੇ ਡੇਵਾਲਡ ਬ੍ਰੇਵਿਸ ਦੇ ਨਾਲ ਟੀਮ ਦੀ ਜ਼ਿੰਮੇਵਾਰੀ ਸੰਭਾਲੀ।
ਨੌਵੇਂ ਓਵਰ ਵਿੱਚ ਮੁੰਬਈ ਇੰਡੀਅਨਜ਼ ਨੇ ਮੈਚ ਵਿੱਚ ਵਾਪਸੀ ਕੀਤੀ। 'ਜੂਨੀਅਰ ਡੀਵਿਲੀਅਰਜ਼' ਅਤੇ 'ਬੇਬੀ ਏਬੀ' ਦੇ ਨਾਂ ਨਾਲ ਮਸ਼ਹੂਰ ਦੱਖਣੀ ਅਫਰੀਕਾ ਦੇ ਨੌਜਵਾਨ ਬੱਲੇਬਾਜ਼ ਡੇਵਾਲਡ ਬ੍ਰੇਵਿਸ ਨੇ ਰਾਹੁਲ ਚਾਹਰ ਦੀਆਂ ਲਗਾਤਾਰ ਚਾਰ ਗੇਂਦਾਂ 'ਤੇ ਚਾਰ ਛੱਕੇ ਜੜੇ। ਇਸ ਤੋਂ ਇਲਾਵਾ ਇੱਕ ਚੌਕਾ ਵੀ ਮਾਰਿਆ ਗਿਆ। ਇਸ ਓਵਰ 'ਚ ਮੁੰਬਈ ਨੇ 29 ਦੌੜਾਂ ਬਣਾਈਆਂ। ਨੌਂ ਓਵਰਾਂ ਬਾਅਦ ਮੁੰਬਈ ਨੇ ਦੋ ਵਿਕਟਾਂ ਦੇ ਨੁਕਸਾਨ 'ਤੇ 92 ਦੌੜਾਂ ਬਣਾਈਆਂ ਸਨ।
ਮੁੰਬਈ ਨੂੰ ਤੀਜਾ ਝਟਕਾ 11ਵੇਂ ਓਵਰ 'ਚ ਲੱਗਾ। ਡੇਵਾਲਡ ਬ੍ਰੇਵਿਸ 25 ਗੇਂਦਾਂ 'ਤੇ 49 ਦੌੜਾਂ ਬਣਾ ਕੇ ਅਰਸ਼ਦੀਪ ਸਿੰਘ ਨੂੰ ਗੇਂਦਬਾਜ਼ ਓਡੀਓਨ ਸਮਿਥ ਦੇ ਹੱਥੋਂ ਕੈਚ ਦੇ ਬੈਠਾ। ਬ੍ਰੇਵਿਸ ਨੇ ਆਪਣੀ ਪਾਰੀ ਵਿੱਚ ਚਾਰ ਚੌਕੇ ਅਤੇ ਪੰਜ ਛੱਕੇ ਜੜੇ। ਉਸ ਤੋਂ ਬਾਅਦ ਸੂਰਿਆਕੁਮਾਰ ਯਾਦਵ ਨੇ ਤਿਲਕ ਵਰਮਾ ਨਾਲ ਪਾਰੀ ਨੂੰ ਸੰਭਾਲਣ ਦੀ ਕੋਸ਼ਿਸ਼ ਕੀਤੀ।
ਇਸ ਦੇ ਨਾਲ ਹੀ 13ਵੇਂ ਓਵਰ 'ਚ ਮੁੰਬਈ ਨੂੰ ਚੌਥਾ ਝਟਕਾ ਲੱਗਾ।ਓਵਰ ਦੀ ਪੰਜਵੀਂ ਗੇਂਦ 'ਤੇ ਸੂਰਿਆਕੁਮਾਰ ਯਾਦਵ ਨੇ ਅਰਸ਼ਦੀਪ ਦੀ ਗੇਂਦ 'ਤੇ ਫਲਿੱਕ ਕਰਕੇ ਮਿਡ ਵਿਕਟ 'ਤੇ ਖੇਡਿਆ। ਉਦੋਂ ਤੱਕ ਤਿਲਕ ਅੱਧੇ ਕ੍ਰੀਜ਼ ਤੱਕ ਦੌੜ ਚੁੱਕੇ ਸਨ। ਮਿਡ ਵਿਕਟ 'ਤੇ ਖੜ੍ਹੇ ਮਯੰਕ ਨੇ ਸ਼ਾਨਦਾਰ ਫੀਲਡਿੰਗ ਕੀਤੀ ਅਤੇ ਤੁਰੰਤ ਗੇਂਦ ਅਰਸ਼ਦੀਪ ਵੱਲ ਸੁੱਟ ਦਿੱਤੀ ਅਤੇ ਅਰਸ਼ਦੀਪ ਨੇ ਤਿਲਕ ਵਰਮਾ ਨੂੰ ਰਨ ਆਊਟ ਕਰ ਦਿੱਤਾ। ਤਿਲਕ ਨੇ 20 ਗੇਂਦਾਂ 'ਤੇ ਤਿੰਨ ਚੌਕਿਆਂ ਅਤੇ ਦੋ ਛੱਕਿਆਂ ਦੀ ਮਦਦ ਨਾਲ 36 ਦੌੜਾਂ ਦੀ ਪਾਰੀ ਖੇਡੀ।
ਉਸ ਤੋਂ ਬਾਅਦ ਘਾਤਕ ਬੱਲੇਬਾਜ਼ ਕੀਰੋਨ ਪੋਲਾਰਡ ਕ੍ਰੀਜ਼ 'ਤੇ ਆਏ। 16ਵੇਂ ਓਵਰ ਤੋਂ ਬਾਅਦ ਮੁੰਬਈ ਇੰਡੀਅਨਜ਼ ਨੇ ਚਾਰ ਵਿਕਟਾਂ ਦੇ ਨੁਕਸਾਨ 'ਤੇ 150 ਦੌੜਾਂ ਬਣਾਈਆਂ। ਇਸ ਦੌਰਾਨ ਕੀਰੋਨ ਪੋਲਾਰਡ 10 ਗੇਂਦਾਂ ਵਿੱਚ 9 ਦੌੜਾਂ ਅਤੇ ਸੂਰਿਆਕੁਮਾਰ ਯਾਦਵ 19 ਗੇਂਦਾਂ ਵਿੱਚ 22 ਦੌੜਾਂ ਬਣਾ ਕੇ ਬੱਲੇਬਾਜ਼ੀ ਕਰ ਰਹੇ ਸਨ। ਮੁੰਬਈ ਨੂੰ ਪੰਜਵਾਂ ਝਟਕਾ ਕੀਰੋਨ ਪੋਲਾਰਡ ਦੇ ਰੂਪ 'ਚ 17ਵੇਂ ਓਵਰ 'ਚ 152 ਦੇ ਸਕੋਰ 'ਤੇ ਲੱਗਾ। ਉਹ 11 ਗੇਂਦਾਂ ਵਿੱਚ 10 ਦੌੜਾਂ ਹੀ ਬਣਾ ਸਕਿਆ। ਪੋਲਾਰਡ ਦੋ ਦੌੜਾਂ ਬਣਾ ਕੇ ਰਨ ਆਊਟ ਹੋ ਗਿਆ। ਇਸ ਤੋਂ ਬਾਅਦ ਜੈਦੇਵ ਉਨਾਦਕਟ ਨੇ ਯਾਦਵ ਨਾਲ ਮੈਚ ਨੂੰ ਅੰਤ ਤੱਕ ਲੈ ਕੇ ਜਾਣ ਬਾਰੇ ਸੋਚਿਆ।
19ਵੇਂ ਓਵਰ 'ਚ ਮੁੰਬਈ ਨੂੰ ਇਕ ਹੋਰ ਵੱਡਾ ਝਟਕਾ ਲੱਗਾ, ਜਿਸ ਕਾਰਨ ਮੁੰਬਈ ਮੈਚ ਹਾਰ ਗਿਆ। ਕਾਗਿਸੋ ਰਬਾਡਾ ਨੇ ਸੂਰਜਕੁਮਾਰ ਯਾਦਵ ਨੂੰ ਓਡੀਅਨ ਸਮਿਥ ਹੱਥੋਂ ਕੈਚ ਕਰਵਾ ਕੇ ਮੁੰਬਈ ਨੂੰ ਵੱਡਾ ਝਟਕਾ ਦਿੱਤਾ। ਸੂਰਿਆਕੁਮਾਰ 30 ਗੇਂਦਾਂ 'ਚ ਇਕ ਚੌਕੇ ਤੇ ਚਾਰ ਛੱਕਿਆਂ ਦੀ ਮਦਦ ਨਾਲ 43 ਦੌੜਾਂ ਬਣਾ ਕੇ ਆਊਟ ਹੋ ਗਿਆ।ਉੱਥੇ ਹੀ ਮੁੰਬਈ ਨੂੰ ਆਖਰੀ ਛੇ ਗੇਂਦਾਂ 'ਚ 22 ਦੌੜਾਂ ਦੀ ਲੋੜ ਸੀ, ਉਥੇ ਹੀ ਗੇਂਦਬਾਜ਼ ਓਡਿਅਨ ਸਮਿਥ ਨੇ ਗੇਂਦਬਾਜ਼ੀ ਕੀਤੀ।
ਉਸ ਨੇ ਆਪਣੇ ਓਵਰਾਂ ਵਿੱਚ ਤਿੰਨ ਵਿਕਟਾਂ ਲੈ ਕੇ ਮੁੰਬਈ ਦੀ ਟੀਮ ਨੂੰ ਅੱਗੇ ਕਰ ਦਿੱਤਾ ਅਤੇ ਟੀਮ ਨੇ 20 ਓਵਰਾਂ ਵਿੱਚ ਨੌਂ ਵਿਕਟਾਂ ਦੇ ਨੁਕਸਾਨ ’ਤੇ 186 ਦੌੜਾਂ ਬਣਾਈਆਂ। ਸ਼ੁਰੂਆਤੀ ਦੌਰ 'ਚ ਗੇਂਦਬਾਜ਼ਾਂ ਨੇ ਚੰਗੀ ਗੇਂਦਬਾਜ਼ੀ ਨਹੀਂ ਕੀਤੀ ਪਰ ਬਾਅਦ 'ਚ ਜਿਸ ਤਰ੍ਹਾਂ ਗੇਂਦਬਾਜ਼ਾਂ ਨੇ ਆਪਣੀ ਰਫਤਾਰ ਫੜੀ ਅਤੇ ਆਪਣੀ ਗੇਂਦਬਾਜ਼ੀ ਨੂੰ ਅੰਜਾਮ ਦਿੱਤਾ, ਉਹ ਵਾਕਈ ਸ਼ਲਾਘਾਯੋਗ ਹੈ। ਸਮਿਥ ਨੇ ਆਪਣੇ ਤਿੰਨ ਓਵਰਾਂ ਵਿੱਚ 30 ਦੌੜਾਂ ਦੇ ਕੇ ਚਾਰ ਵਿਕਟਾਂ ਲਈਆਂ। ਇਸ ਦੇ ਨਾਲ ਹੀ ਰਬਾਡਾ ਨੇ ਚਾਰ ਓਵਰਾਂ ਵਿੱਚ 29 ਦੌੜਾਂ ਦੇ ਕੇ ਦੋ ਵਿਕਟਾਂ ਲਈਆਂ।
ਇਹ ਵੀ ਪੜੋ: IPL 2022 ਦਾ ਹੁਣ ਤੱਕ ਦਾ ਸਭ ਤੋਂ ਵਧੀਆ ਕੈਚ
