ਸਿਡਨੀ: ਆਸਟਰੇਲੀਆ ਕ੍ਰਿਕਟ ਟੀਮ ਦੇ ਸਹਾਇਕ ਕੋਚ ਐਂਡਰਿਊ ਮੈਕਡੋਨਲਡ ਨੇ ਸਪੱਸ਼ਟ ਕਰ ਦਿੱਤਾ ਹੈ ਕਿ ਭਾਰਤੀ ਜੇਕਰ ਗੇਂਦਬਾਜ਼ ਸਟੀਵਨ ਸਮਿਥ ਨੂੰ ਆਉਣ ਵਾਲੀਆਂ ਸੀਰੀਜ਼ ਵਿੱਚ ਛੌਰਟ-ਪਿੱਚ ਗੇਂਦਾਂ 'ਤੇ ਫਸਾਉਣ ਦੀ ਤਿਆਰੀ ਕਰ ਰਹੇ ਹਨ, ਤਾਂ ਉਨ੍ਹਾਂ ਨੂੰ ਆਪਣੀ ਰਣਨੀਤੀ ਬਦਲਣੀ ਚਾਹੀਦੀ ਹੈ ਕਿਉਂਕਿ ਸਮਿਥ ਨੂੰ ਸੀਨੇ ਤੱਕ ਆਉਣ ਵਾਲਿਆਂ ਗੇਂਦਾਂ ਤੋਂ ਡਰ ਨਹੀਂ ਲੱਗਦਾ।
ਮੀਡੀਆ ਹਾਉਸ ਨਾਲ ਗੱਲਬਾਤ ਕਰਦਿਆਂ ਮੈਕਡੋਨਲਡ ਨੇ ਕਿਹਾ, "ਮੈਨੂੰ ਨਹੀਂ ਲਗਦਾ ਕਿ ਇਹ ਕਮਜ਼ੋਰੀ ਹੈ। ਤੁਹਾਨੂੰ ਕੀ ਲੱਗਦਾ ਹੈ? ਭਾਰਤੀ ਗੇਂਦਬਾਜ਼ ਸਮਿਥ ਨੂੰ ਛੌਰਟ-ਪਿੱਚ ਗੇਂਦਾਂ 'ਤੇ ਫਸਾਉਣ ਦੀ ਤਿਆਰੀ ਕਰ ਰਹੇ ਹਨ, ਪਰ ਹੋਸਕਦਾ ਹੈ ਕਿ ਉਨ੍ਹਾਂ ਦੀ ਇਹ ਯੋਜਨਾ ਅਸਫਲ ਹੋ ਜਾਵੇ ਕਿਉਂਕਿ ਸਮਿਥ ਅਜਿਹੀਆਂ ਗੇਂਦਾਂ ਨਾਲ ਘਬਰਾਉਂਦਾ ਨਹੀਂ ਹੈ। ਭਾਰਤੀ ਗੇਂਦਬਾਜ਼ਾਂ ਨੇ ਅਜਿਹਾ ਪਹਿਲਾਂ ਕੀਤਾ ਹੈ ਅਤੇ ਸਮਿਥ ਨੇ ਵਧੀਆ ਪ੍ਰਦਰਸ਼ਨ ਕੀਤਾ ਹੈ। ਮੈਂ ਸੁਝਾਵਾਂਗਾ ਕਿ ਇਹ ਯੋਜਨਾ ਨਿਸ਼ਚਤ ਰੂਪ ਤੋਂ ਕੰਮ ਨਹੀਂ ਕਰ ਰਹੀ।”
ਭਾਰਤ ਅਤੇ ਆਸਟਰੇਲੀਆ ਵਿਚਾਲੇ 27 ਨਵੰਬਰ ਤੋਂ ਸੀਮਤ ਓਵਰਾਂ ਦੀ ਲੜੀ ਖੇਡੀ ਜਾਣੀ ਹੈ ਅਤੇ ਉਸ ਤੋਂ ਬਾਅਦ ਦਸੰਬਰ-ਜਨਵਰੀ ਵਿੱਚ ਚਾਰ ਮੈਚਾਂ ਦੀ ਟੈਸਟ ਸੀਰੀਜ਼ ਖੇਡੀ ਜਾਵੇਗੀ। ਸਮਿਥ ਤਿੰਨੋਂ ਫਾਰਮੈਟਾਂ ਵਿੱਚ ਆਸਟਰੇਲੀਆਈ ਟੀਮ ਦਾ ਹਿੱਸਾ ਹੈ।
