ਨਵੀਂ ਦਿੱਲੀ : ਭਾਰਤ ਤੇ ਨਿਊਜ਼ੀਲੈਂਡ ਵਿਚਕਾਰ ਖੇਡਿਆ ਜਾਣ ਵਾਲਾ ਇੱਕ ਦਿਨਾਂ ਮੈਚ ਮੀਂਹ ਕਾਰਨ ਰੱਦ ਕਰਨਾ ਪਿਆ ਅਤੇ ਦੋਵੇਂ ਟੀਮਾਂ ਨੇ ਇਸ ਮੈਚ ਤੋਂ 1-1 ਅੰਕ ਆਪਸ ਵਿੱਚ ਵੰਡ ਲਏ ਹਨ। ਇਸ ਟੂਰਨਾਮੈਂਟ ਵਿੱਚ ਨਿਊਜ਼ੀਲੈਂਡ ਦਾ ਇਹ ਚੌਥਾ ਮੈਚ ਸੀ ਅਤੇ ਕੀਵੀ ਟੀਮ ਨੇ ਹੁਣ ਤੱਕ ਇਸ ਟੂਰਨਾਮੈਂਟ ਵਿੱਚ 3 ਮੈਚ ਜਿੱਤੇ ਹਨ।
ਨਿਊਜ਼ੀਲੈਂਡ ਅੰਕ ਸੂਚੀ ਵਿੱਚ ਪਹਿਲਾ ਤੋਂ ਹੀ ਚੋਟੀ ਸੀ ਅਤੇ ਉਸ ਨੇ ਇਸ ਮੈਚ ਵਿੱਚੋਂ ਮਿਲੇ 1 ਅੰਕ ਨੂੰ ਜੋੜ ਕੇ 7 ਅੰਕਾਂ ਦੇ ਨਾਲ ਚੋਟੀ 'ਤੇ ਆਪਣੀ ਸਥਿਤੀ ਨੂੰ ਮਜ਼ਬੂਤ ਕਰ ਲਿਆ ਹੈ। ਟੀਮ ਇੰਡੀਆ ਵੀ ਇਸ ਟੂਰਨਾਮੈਂਟ ਵਿੱਚ ਹੁਣ ਤੱਕ ਜੇਤੂ ਹੈ ਅਤੇ ਉਸ ਨੂੰ ਮੈਚ ਰੱਦ ਹੋਣ ਨਾਲ 1 ਅੰਕ ਮਿਲਿਆ ਹੈ ਅਤੇ ਉਸ ਨੂੰ 1 ਸਥਾਨ ਦਾ ਫ਼ਾਇਦਾ ਹੋਇਆ ਹੈ। ਹੁਣ ਟੀਮ ਇੰਡੀਆ 5 ਅੰਕਾਂ ਨਾਲ ਤੀਸਰੇ ਸਥਾਨ ਤੇ ਪਹੁੰਚ ਗਈ ਹੈ।
ਇਸ ਟੂਰਨਾਮੈਂਟ ਵਿੱਚ ਭਾਰਤ ਤੇ ਨਿਊਜ਼ੀਲੈਂਡ ਹੀ ਅਜਿਹੀਆਂ ਟੀਮਾਂ ਹਨ ਜਿੰਨ੍ਹਾਂ ਨੇ ਹਾਲੇ ਤੱਕ ਹਾਰ ਦਾ ਸਾਹਮਣਾ ਨਹੀਂ ਕੀਤਾ ਹੈ।
