ਕੋਲੰਬੋ: ਸ਼੍ਰੀਲੰਕਾ ਕ੍ਰਿਕਟ ਲੀਗ ਦੇ ਸਾਬਕਾ ਕਪਤਾਨ ਐਂਜਲੋ ਮੈਥਿਊਜ਼ ਨੇ ਵਿਰਾਟ ਕੋਹਲੀ, ਸਟੀਵ ਸਮਿਥ, ਜੋ ਰੂਟ ਤੇ ਕੇਨ ਵਿਲੀਅਮਸਨ ਵਿੱਚੋਂ ਕੋਹਲੀ ਨੂੰ ਸਰਬੋਤਮ ਬੱਲੇਬਾਜ਼ ਚੁਣਿਆ ਗਿਆ ਹੈ। ਸਾਬਕਾ ਆਲਰਾਊਂਡਰ ਮੈਥਿਊਜ਼ ਨੇ 2014 ਵਿੱਚ ਖੇਡੇ ਗਏ ਟੀ-20 ਵਿਸ਼ਵ ਕੱਪ ਵਿੱਚ ਅਹਿਮ ਭੂਮਿਕਾ ਨਿਭਾਈ ਸੀ।
ਨਾਲ ਹੀ ਉਸ ਨੇ 2011 ਵਿਸ਼ਵ ਕੱਪ, 2009 ਟੀ-20 ਵਿਸ਼ਵ ਕੱਪ ਤੇ 2012 ਟੀ-ਵਿਸ਼ਵ ਕੱਪ ਵਿੱਚ ਵੀ ਪ੍ਰਦਰਸ਼ਨ ਕੀਤਾ ਸੀ। ਰੋਹਿਤ ਸ਼ਰਮਾ ਤੇ ਕੁਇੰਟਨ ਡੀ ਕਾਕ ਵੀ ਸ਼ਾਨਦਾਰ ਬੱਲੇਬਾਜ਼ ਹਨ। ਮੈਥਿਊਜ਼ ਨੇ ਇਨ੍ਹਾਂ ਸਾਰੇ ਬੱਲੇਬਾਜ਼ਾਂ ਦੇ ਖਿ਼ਲਾਫ਼ ਮੈਚ ਖੇਡੇ ਹਨ। ਉਸ ਨੇ ਵਿਰਾਟ ਕੋਹਲੀ ਨੂੰ ਇਨ੍ਹਾਂ ਚਾਰਾਂ ਬੱਲੇਬਾਜ਼ਾਂ ਵਿੱਚ ਚੋਟੀ ਦਾ ਬੱਲੇਬਾਜ਼ ਦੱਸਿਆ ਹੈ। ਉਸ ਦਾ ਕਹਿਣਾ ਹੈ ਕਿ ਕੋਹਲੀ ਲਗਾਤਾਰ ਮੈਦਾਨ ਵਿੱਚ ਖੇਡਣ ਵਾਲਾ ਬੱਲੇਬਾਜ਼ ਹੈ।
ਮੈਥਿਊਜ਼ ਨੇ ਕਿਹਾ ਕਿ ਮੈਂ ਵਿਰਾਟ ਕੋਹਲੀ ਨੂੰ ਚੁਣਾਂਗਾ ਕਿਉਂਕਿ ਉਹ ਸੰਗਾਕਾਰਾ ਤੋਂ ਬਾਅਦ ਸਭ ਤੋਂ ਨਿਰੰਤਰ ਬੱਲੇਬਾਜ਼ ਹੈ।
