ਮੁੰਬਈ: ਅਦਾਕਾਰਾ ਤੇਜਸਵੀ ਪ੍ਰਕਾਸ਼ ਨੇ 'ਬਿੱਗ ਬੌਸ 15' ਦੀ ਟਰਾਫੀ ਜਿੱਤ ਲਈ ਹੈ। ਐਤਵਾਰ ਰਾਤ ਨੂੰ ਹੋਏ 'ਬਿੱਗ ਬੌਸ 15' ਦੇ ਫਿਨਾਲੇ 'ਚ ਜੇਤੂ ਦਾ ਐਲਾਨ ਕੀਤਾ ਗਿਆ। ਇਸ ਦੇ ਨਾਲ ਹੀ, ਪ੍ਰਤੀਕ ਸਹਿਜਪਾਲ ਫਸਟ ਰਨਰਅੱਪ ਅਤੇ ਕਰਨ ਕੁੰਦਰਾ ਦੂਜੇ ਰਨਰਅੱਪ ਰਹੇ। ਚਾਰ ਮਹੀਨੇ ਪੁਰਾਣੇ ਟੀਵੀ ਰਿਐਲਿਟੀ ਸ਼ੋਅ ਬਿੱਗ ਬੌਸ ਦਾ ਇਹ ਸੀਜ਼ਨ ਖਤਮ ਹੋ ਚੁੱਕਾ ਹੈ।
'ਬਿੱਗ ਬੌਸ 15' ਦੀ ਜੇਤੂ ਤੇਜਸਵੀ ਪ੍ਰਕਾਸ਼ ਨੂੰ ਟਰਾਫੀ ਦੇ ਨਾਲ 40 ਲੱਖ ਰੁਪਏ ਇਨਾਮੀ ਰਾਸ਼ੀ ਵਜੋਂ ਮਿਲੇ ਹਨ। ਫਿਨਾਲੇ ਵਿੱਚ ਤੇਜਸਵੀ ਨੂੰ ਪ੍ਰਤੀਕ ਸਹਿਜਪਾਲ, ਕਰਨ ਕੁੰਦਰਾ, ਸ਼ਮਿਤਾ ਸ਼ੈਟੀ ਅਤੇ ਨਿਸ਼ਾਂਤ ਭੱਟ ਤੋਂ ਸਖ਼ਤ ਮੁਕਾਬਲਾ ਮਿਲਿਆ।
ਜੇਤੂ ਬਣਦੇ ਹੀ ਮਿਲਿਆ 'ਨਾਗਿਨ 6' ਵਿੱਚ ਕੰਮ ਕਰਨ ਦਾ ਆਫ਼ਰ
ਦੱਸ ਦੇਈਏ ਕਿ ਮਹੀਨਿਆਂ ਦੇ ਸੰਘਰਸ਼ ਤੋਂ ਬਾਅਦ ਆਖਿਰਕਾਰ ਤੇਜਸਵੀ ਪ੍ਰਕਾਸ਼ ਸ਼ੋਅ ਦੀ ਵਿਨਰ ਬਣ ਗਈ ਹੈ। ਟਾਪ 3 ਵਿੱਚ ਪਹੁੰਚਣ ਤੋਂ ਬਾਅਦ, ਤੇਜਸਵੀ ਨੇ ਕਰਨ ਕੁੰਦਰਾ ਅਤੇ ਪ੍ਰਤੀਕ ਸਹਿਜਪਾਲ ਨੂੰ ਹਰਾ ਕੇ ਬਿੱਗ ਬੌਸ 15 ਦੀ ਟਰਾਫੀ ਜਿੱਤੀ ਹੈ। ਬਿੱਗ ਬੌਸ 15 ਤੇਜਸਵੀ ਲਈ ਬਹੁਤ ਖੁਸ਼ਕਿਸਮਤ ਰਿਹਾ ਹੈ। ਤੇਜਸਵੀ ਨੇ ਨਾ ਸਿਰਫ 40 ਲੱਖ ਰੁਪਏ ਦੀ ਇਨਾਮੀ ਰਾਸ਼ੀ ਜਿੱਤੀ, ਸਗੋਂ ਉਨ੍ਹਾਂ ਨੂੰ 'ਨਾਗਿਨ 6' ਵਿੱਚ ਕੰਮ ਕਰਨ ਦੀ ਪੇਸ਼ਕਸ਼ ਵੀ ਕੀਤੀ ਗਈ।
ਪ੍ਰਤੀਕ ਨੂੰ ਹਰਾ ਕੇ ਤੇਜਸਵੀ ਬਣੀ ਜੇਤੂ
ਟਾਪ-2 'ਚ ਤੇਜਸਵੀ ਅਤੇ ਪ੍ਰਤੀਕ ਵਿਚਾਲੇ ਸਖ਼ਤ ਮੁਕਾਬਲਾ ਹੋਇਆ। ਸ਼ੋਅ 'ਚ ਮੌਜੂਦ ਹਰ ਕੋਈ ਪ੍ਰਤੀਕ ਨੂੰ ਵਿਜੇਤਾ ਮੰਨ ਰਿਹਾ ਸੀ। ਇੱਥੋਂ ਤੱਕ ਕਿ ਪ੍ਰਤੀਕ ਦੇ ਨਾਂ ਦੀ ਸੋਸ਼ਲ ਮੀਡੀਆ 'ਤੇ ਚਰਚਾ ਵੀ ਹੋਈ ਸੀ, ਪਰ ਇਸ ਵਾਰ ਟਰਾਫੀ ਤੇਜਸਵੀ ਦੇ ਨਾਂ 'ਤੇ ਲਿਖੀ ਗਈ। ਇਸੇ ਲਈ ਉਸ ਨੇ ਫਾਈਨਲ ਮੁਕਾਬਲੇ ਵਿੱਚ ਪ੍ਰਤੀਕ ਨੂੰ ਹਰਾ ਕੇ ਸ਼ਾਨਦਾਰ ਟਰਾਫੀ ’ਤੇ ਕਬਜ਼ਾ ਕੀਤਾ।
ਤੇਜਸਵੀ ਨੇ ਸ਼ੋਅ ਜਿੱਤਣ ਤੋਂ ਬਾਅਦ ਮਾਤਾ-ਪਿਤਾ ਨਾਲ ਪਹਿਲੀ ਤਸਵੀਰ ਵੀ ਸ਼ੇਅਰ ਕੀਤੀ ਹੈ, ਜਿੱਥੇ ਉਹ ਬਿਗ ਬਾਸ 15 ਦੀ ਟਰਾਫੀ ਹੱਥਾਂ ਵਿੱਚ ਲਏ ਖੜੀ ਹੈ।
ਕੌਣ ਹੈ ਤੇਜਸਵੀ ਪ੍ਰਕਾਸ਼?
ਬਿੱਗ ਬੌਸ 15 ਦੀ ਟਰਾਫੀ ਜਿੱਤਣ ਤੋਂ ਪਹਿਲਾਂ ਤੇਜਸਵੀ ਪ੍ਰਕਾਸ਼ ਨੇ ਕਲਰਸ ਦੇ ਸ਼ੋਅ 'ਸਵਰਾਗਿਨੀ' 'ਚ ਮੁੱਖ ਭੂਮਿਕਾ ਨਿਭਾਈ ਸੀ। ਇਸ ਸ਼ੋਅ ਨੇ ਉਸ ਨੂੰ ਇਕ ਪਛਾਣ ਦਿੱਤੀ। ਇਸ ਤੋਂ ਬਾਅਦ ਉਹ ਰੋਹਿਤ ਸ਼ੈੱਟੀ ਦੇ ਸ਼ੋਅ 'ਖਤਰੋਂ ਕੇ ਖਿਲਾੜੀ ਸੀਜ਼ਨ 10' 'ਚ ਨਜ਼ਰ ਆਈ। 'ਖਤਰੋਂ ਕੇ ਖਿਲਾੜੀ' ਤੋਂ ਬਾਅਦ ਤੇਜਸਵੀ ਨੇ ਬਿੱਗ ਬੌਸ 'ਚ ਐਂਟਰੀ ਲਈ ਅਤੇ ਜਿੱਤਣ ਤੋਂ ਬਾਅਦ ਹੀ ਬਾਹਰ ਆਈ। ਕਰਨ ਕੁੰਦਰਾ ਘੱਟ ਵੋਟਾਂ ਦੇ ਆਧਾਰ 'ਤੇ ਟਾਪ-2 'ਚ ਆਪਣੀ ਜਗ੍ਹਾ ਨਹੀਂ ਬਣਾ ਸਕੇ। ਇਸ ਦੇ ਨਾਲ ਹੀ, ਸ਼ਮਿਤਾ ਜੇਤੂ ਬਣਨ ਤੋਂ ਖੁੰਝ ਗਈ। ਨਿਸ਼ਾਂਤ ਭੱਟ ਬਿੱਗ ਬੌਸ 15 ਦੇ ਟਾਪ 5 'ਚ ਥਾਂ ਬਣਾਉਣ ਵਿੱਚ ਕਾਮਯਾਬ ਰਹੇ। ਪਰ, ਫਾਈਨਲ ਵਿਚ ਪਹੁੰਚਣ ਤੋਂ ਬਾਅਦ ਉਸ ਨੇ 10 ਲੱਖ ਰੁਪਏ ਦਾ ਸੂਟਕੇਸ ਚੁੱਕ ਕੇ ਆਪਣੇ ਆਪ ਨੂੰ ਜੇਤੂ ਦੀ ਦੌੜ ਤੋਂ ਵੱਖ ਕਰ ਲਿਆ।
ਇਹ ਵੀ ਪੜ੍ਹੋ: ਅੱਲੂ ਅਰਜੁਨ ਦੀ ਫਿਲਮ 'ਅਲਾ ਵੈਕੁੰਥਪੁਰਮਲੋ' ਦਾ ਹਿੰਦੀ ਟ੍ਰੇਲਰ, ਦੇਖੋ
