ਪਹਿਲੀ ਵਾਰ ਇੱਕਠੇ ਨਜ਼ਰ ਆਏ ਗੈਰੀ ਸੰਧੂ ਤੇ ਗੁਰਲੇਜ਼ ਅਖ਼ਤਰ

ਗੈਰੀ ਸੰਧੂ ਤੇ ਗੁਰਲੇਜ਼ ਅਖ਼ਤਰ ਦਾ ਗੀਤ ‘ਟੇਕ ਆਫ਼’ ਰਿਲੀਜ਼ ਹੋ ਚੁੱਕਿਆ ਹੈ। ਇਸ ਗੀਤ ਨੂੰ ਯੂਟਿਊਬ 'ਤੇ ਭਰਵਾਂ ਹੁੰਗਾਰਾ ਮਿਲ ਰਿਹਾ ਹੈ।

ਚੰਡੀਗੜ੍ਹ: ਗੈਰੀ ਸੰਧੂ ਤੇ ਗੁਰਲੇਜ਼ ਅਖ਼ਤਰ ਦਾ ਗੀਤ ‘ਟੇਕ ਆਫ਼’ ਅੱਜ-ਕੱਲ੍ਹ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ ਕਿਉਂਕਿ ਜਿਵੇਂ ਇਹ ਗੀਤ ਰਿਲੀਜ਼ ਹੋਇਆ ਸੀ ਆਉਂਦਿਆਂ ਹੀ ਇਹ ਯੂਟਿਊਬ ਟਰੇਂਡਿੰਗ ਦੇ ਵਿੱਚ ਸ਼ਾਮਿਲ ਹੋ ਗਿਆ ਸੀ।
ਦੱਸ ਦਈਏ ਕਿ ਕੁਝ ਦਿਨ ਪਹਿਲਾਂ ਗੈਰੀ ਸੰਧੂ ਨੇ ਇਸ ਸਬੰਧੀ ਇਕ ਵੀਡੀਓ ਵੀ ਜਨਤਕ ਕੀਤੀ ਸੀ ਜਿਸ 'ਚ ਉਹ ਲਾਈਟ ਮੈਨ ਦਾ ਕਿਰਦਾਰ ਨਿਭਾਉਂਦੇ ਨਜ਼ਰ ਆ ਰਹੇ ਸਨ।
ਇਸ ਗੀਤ ਰਾਹੀਂ ਗੈਰੀ ਅਤੇ ਗੁਰਲੇਜ਼ ਅਖ਼ਤਰ ਪਹਿਲੀ ਵਾਰ ਇਕੱਠੇ ਨਜ਼ਰ ਆ ਰਹੇ ਹਨ। ਇਸ ਗੀਤ 'ਚ ਅਨੋਖੀ ਗੱਲ ਇਹ ਨਜ਼ਰ ਆਈ ਕਿ ਗੈਰੀ ਦੇ ਨਾਲ ਐਮੀ ਵਿਰਕ ਅਤੇ ਅੰਮ੍ਰਿਤ ਮਾਨ ਵੀ ਇਕ ਸੀਨ 'ਚ ਨਜ਼ਰ ਆਉਂਦੇ ਹਨ।ਗੁਰਲੇਜ਼ ਅਖ਼ਤਰ ਤੇ ਉਹਨਾਂ ਦੇ ਪਤੀ ਕੁਲਵਿੰਦਰ ਕੈਲੀ ਦੇ ਡਾਂਸ ਨੇ ਇਸ ਗੀਤ ਨੂੰ ਚਾਰ ਚੰਦ ਲਗਾਏ ਹਨ।

• " class="align-text-top noRightClick twitterSection" data="">

ਦੱਸਣਯੋਗ ਹੈ ਕਿ ਇਹ ਇਕ ਬੀਟ ਸੌਂਗ ਹੈ ਜਿਸ ਦੇ ਬੋਲ ਖਾਰੇ ਵਾਲੇ ਬਰਾੜ ਵੱਲੋਂ ਲਿਖੇ ਗਏ ਹਨ ਅਤੇ ਗੀਤ ਦਾ ਮਿਊਜ਼ਿਕ ਲਵਲੀ ਅਖ਼ਤਰ ਵੱਲੋਂ ਤਿਆਰ ਕੀਤਾ ਗਿਆ ਹੈ। ਗੀਤ ਦੀ ਵੀਡੀਓ ਹੈਰੀ ਜੋਰਡਨ ਵੱਲੋਂ ਤਿਆਰ ਕੀਤੀ ਗਈ ਹੈ। ਫਰੈਸ਼ ਮੀਡੀਆ ਰਿਕਾਰਡਜ਼ ਦੇ ਲੇਬਲ ਹੇਠ ਰਿਲੀਜ਼ ਹੋਏ ਇਸ ਗੀਤ ਨੂੰ ਹੁਣ ਤੱਕ 4.5 ਮਿਲੀਅਨ ਤੋਂ ਵਧ ਲੋਕ ਵੇਖ ਚੁੱਕੇ ਹਨ।