ਹੈਦਰਾਬਾਦ: ਤੇਲਗੂ ਫਿਲਮਾਂ ਦੇ ਸੁਪਰਸਟਾਰ ਚਿਰੰਜੀਵੀ ਦੀ ਅਗਲੀ ਫਿਲਮ 'ਭੋਲਾ ਸ਼ੰਕਰ' ਦਾ ਫਸਟ ਲੁੱਕ ਟੀਜ਼ਰ ਮੰਗਲਵਾਰ ਨੂੰ ਮਹਾਸ਼ਿਵਰਾਤਰੀ ਦੇ ਮੌਕੇ 'ਤੇ ਰਿਲੀਜ਼ ਕੀਤਾ ਗਿਆ ਹੈ। ਟੀਜ਼ਰ 'ਚ ਅਦਾਕਾਰ ਚਿਰੰਜੀਵੀ ਦਾ ਮਾਚੋਮੈਨ ਲੁੱਕ ਦੇਖਣ ਨੂੰ ਮਿਲ ਰਿਹਾ ਹੈ। ਇਸ ਤੋਂ ਪਹਿਲਾਂ ਦਿੱਗਜ ਅਦਾਕਾਰ ਚਿਰੰਜੀਵੀ ਦੇ 66ਵੇਂ ਜਨਮਦਿਨ ਦੇ ਮੌਕੇ 'ਤੇ ਟਵੀਟ ਕਰਕੇ ਫਿਲਮ ਦੇ ਨਾਂ ਦਾ ਐਲਾਨ ਕੀਤਾ ਗਿਆ ਸੀ। ਅਦਾਕਾਰ ਮਹੇਸ਼ ਬਾਬੂ ਨੇ ਵੀ ਟਵਿਟਰ 'ਤੇ ਫਿਲਮ ਦਾ ਛੋਟਾ ਟੀਜ਼ਰ ਜਾਰੀ ਕੀਤਾ ਹੈ।
ਫਿਲਮ ਦੇ ਪਹਿਲੇ ਲੁੱਕ 'ਚ ਚਿਰੰਜੀਵੀ ਜੀਪ 'ਤੇ ਬੈਠ ਕੇ ਆਪਣੀ ਉਂਗਲੀ 'ਚ ਭੋਲੇਨਾਥ ਦੇ ਤ੍ਰਿਸ਼ੂਲ ਦੀ ਅੰਗੂਠੀ ਘੁੰਮਾਉਂਦੇ ਹੋਏ ਨਜ਼ਰ ਆ ਰਹੇ ਹਨ। ਤੁਹਾਨੂੰ ਦੱਸ ਦੇਈਏ 'ਭੋਲਾ ਸ਼ੰਕਰ' ਦਾ ਨਿਰਦੇਸ਼ਨ ਮੇਹਰ ਰਮੇਸ਼ ਨੇ ਕੀਤਾ ਹੈ, ਜੋ 2009 ਦੀ ਐਕਸ਼ਨ ਫਿਲਮ 'ਬਿੱਲਾ' ਅਤੇ ਕੰਨੜ ਫਿਲਮ 'ਵੀਰੇ ਕੰਨੜਿਗਾ' ਵਰਗੀਆਂ ਹਿੱਟ ਫਿਲਮਾਂ ਲਈ ਜਾਣੇ ਜਾਂਦੇ ਹਨ। ਫਿਲਮ ਦਾ ਨਿਰਮਾਣ ਅਨਿਲ ਸੁੰਕਾਰਾ ਦੀ ਕੰਪਨੀ ਏਕੇ ਐਂਟਰਟੇਨਮੈਂਟ ਵੱਲੋਂ ਕੀਤਾ ਜਾ ਰਿਹਾ ਹੈ।
- " class="align-text-top noRightClick twitterSection" data="
">
ਇਸ ਤੋਂ ਪਹਿਲਾਂ ਦੱਖਣ ਦੇ ਅਦਾਕਾਰ ਮਹੇਸ਼ ਬਾਬੂ ਨੇ ਚਿਰੰਜੀਵੀ ਦੇ 66ਵੇਂ ਜਨਮਦਿਨ 'ਤੇ ਫਿਲਮ ਦਾ ਪੋਸਟਰ ਸਾਂਝਾ ਕੀਤਾ ਅਤੇ ਲਿਖਿਆ, 'ਜਨਮਦਿਨ ਮੁਬਾਰਕ ਚਿਰੰਜੀਵੀ ਸਰ, ਤੁਹਾਡੀ ਫਿਲਮ ਦੇ ਟਾਈਟਲ ਦਾ ਐਲਾਨ ਕਰਦੇ ਹੋਏ ਮੈਂ ਬਹੁਤ ਮਾਣ ਮਹਿਸੂਸ ਕਰ ਰਿਹਾ ਹਾਂ। ਭੋਲਾ ਸ਼ੰਕਰ ਨੂੰ ਮੇਰੇ ਚੰਗੇ ਦੋਸਤ ਮੇਹਰ ਰਮੇਸ਼ ਦੁਆਰਾ ਨਿਰਦੇਸ਼ਿਤ ਕੀਤਾ ਜਾਵੇਗਾ ਜਦੋਂ ਕਿ ਇਸਨੂੰ ਮੇਰੇ ਪਸੰਦੀਦਾ ਨਿਰਮਾਤਾ ਅਨਿਲ ਸੁੰਕਾਰਾ ਦੁਆਰਾ ਨਿਰਮਿਤ ਕੀਤਾ ਜਾਵੇਗਾ। ਆਉਣ ਵਾਲਾ ਸਾਲ ਤੁਹਾਡੇ ਲਈ ਬਿਹਤਰ ਸਿਹਤ ਅਤੇ ਸਫਲਤਾ ਲੈ ਕੇ ਆਵੇ। ਤੁਹਾਨੂੰ ਸ਼ੁਭਕਾਮਨਾਵਾਂ ਸਰ।
'ਭੋਲਾ ਸ਼ੰਕਰ' 'ਚ ਚਿਰੰਜੀਵੀ ਤੋਂ ਇਲਾਵਾ ਅਦਾਕਾਰਾ ਕੀਰਤੀ ਸੁਰੇਸ਼ ਵੀ ਅਹਿਮ ਭੂਮਿਕਾ 'ਚ ਨਜ਼ਰ ਆਵੇਗੀ। ਕੀਰਤੀ ਨੇ ਇੱਕ ਵੀਡੀਓ ਸ਼ੇਅਰ ਕੀਤਾ ਹੈ ਜਿਸ ਵਿੱਚ ਉਹ ਚਿਰੰਜੀਵੀ ਨੂੰ ਰੱਖੜੀ ਬੰਨ੍ਹਦੀ ਨਜ਼ਰ ਆ ਰਹੀ ਹੈ।
ਇਹ ਵੀ ਪੜ੍ਹੋ:ਪ੍ਰਭਾਸ ਦੀ ਫਿਲਮ 'ਆਦਿਪੁਰਸ਼' ਦੀ ਨਵੀਂ ਰਿਲੀਜ਼ ਡੇਟ ਦਾ ਖੁਲਾਸਾ
