ਮੁੰਬਈ: ਅਦਾਕਾਰਾ ਸ਼ਿਲਪਾ ਸ਼ੈਟੀ ਨੇ ਬੁੱਧਵਾਰ ਨੂੰ ਆਪਣੀ ਆਉਣ ਵਾਲੀ ਕਾਮੇਡੀ ਡਰਾਮਾ ਫ਼ਿਲਮ 'ਹੰਗਾਮਾ 2' ਦੀ ਸ਼ੂਟਿੰਗ ਸ਼ੁਰੂ ਕਰ ਦਿੱਤੀ ਹੈ। ਅਦਾਕਾਰਾ ਨੇ ਵੀਡੀਓ ਸਾਂਝੀ ਕਰਦੇ ਹੋਏ ਆਪਣੀ ਆਉਣ ਵਾਲੇ ਪ੍ਰੋਜੈਕਟ ਦੀ ਉਤਸੁਕਤਾ ਨੂੰ ਵਿਖਾਇਆ।
44 ਸਾਲਾ ਅਦਾਕਾਰਾ ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਵੀਡੀਓ ਨੂੰ ਸਾਂਝਾ ਕਰਦੇ ਹੋਏ ਕੈਪਸ਼ਨ ਦਿੱਤਾ, "ਨਵੀਂ ਸ਼ੁਰੂਆਤ:ਹੰਗਾਮਾ 2, ਪਹਿਲਾ ਦਿਨ। ਮੇਰੇ ਮਨਪਸੰਦ ਨਿਰਦੇਸ਼ਕਾਂ ਵਿੱਚੋਂ ਇੱਕ ਪ੍ਰਿਏਦਰਸ਼ਨ ਸਰ ਨਾਲ ਪਹਿਲੀ ਵਾਰ ਫ਼ਿਲਮ ਕਰਨ ਨੂੰ ਲੈ ਕੇ ਉਤਸ਼ਾਹਿਤ ਹਾਂ। ਚੱਲੋਂ ਜਿੱਥੋਂ ਸਭ ਕੁਝ ਸ਼ੁਰੂ ਹੋਇਆ ਸੀ ਉੱਥੇ ਹੀ ਵਾਪਿਸ ਚਲਦੇ ਹਾਂ।"
'ਹੰਗਾਮਾ 2' 'ਚ ਅਦਾਕਾਰਾ ਤੋਂ ਇਲਾਵਾ ਮੀਜਾਨ ਜਾਫ਼ਰੀ, ਪਰੇਸ਼ ਰਾਵਲ ਅਤੇ ਸਾਊਥ ਇੰਡੀਅਨ ਅਦਾਕਾਰਾ ਪ੍ਰਨੀਤਾ ਸੁਭਾਸ਼ ਵੀ ਅਹਿਮ ਕਿਰਦਾਰਾਂ 'ਚ ਨਜ਼ਰ ਆਉਣਗੇ। ਜ਼ਿਕਰਯੋਗ ਹੈ ਕਿ 'ਹੰਗਾਮਾ 2' ਇਸ ਸਾਲ 14 ਅਗਸਤ ਨੂੰ ਸਿਲਵਰ ਸਕ੍ਰੀਨ 'ਤੇ ਰਿਲੀਜ਼ ਹੋਵੇਗੀ।
