ਮੁੰਬਈ: ਬਾਲੀਵੁੱਡ ਦੇ ਦਿੱਗਜ ਅਦਾਕਾਰ ਰਿਸ਼ੀ ਕਪੂਰ ਤੇ ਇਰਫ਼ਾਨ ਖ਼ਾਨ ਨੂੰ ਹੁਣ ਅਮੂਲ ਬਟਰ ਦੇ ਵਿਗਿਆਪਨ ਵਿੱਚ ਸ਼ਰਧਾਂਜਲੀ ਦਿੱਤੀ ਗਈ ਹੈ। ਅਮੂਲ ਕੰਪਨੀ ਵੱਲੋਂ ਹਾਲ ਹੀ 'ਚ ਟ੍ਰੇਡ ਮਾਰਕ ਵਿਗਿਆਪਨ ਰਾਹੀ ਕਪੂਰ ਦੇ ਪ੍ਰਸਿੱਧ ਆਨ-ਸਕ੍ਰੀਨ ਕਿਰਦਾਰ, ਜਿਵੇਂ 'ਮੇਰਾ ਨਾਂਅ ਜੋਕਰ','ਸਰਗਮ' ਵਰਗੀਆਂ ਫ਼ਿਲਮਾਂ ਦੇ ਕਿਰਦਾਰਾਂ ਨੂੰ ਲਾਈਵ ਐਨੀਮੇਸ਼ਨ ਦੇ ਰਾਹੀ ਜੀਵਿਤ ਕੀਤਾ ਹੈ।
ਵਿਗਿਆਪਨ ਦੀ ਪੰਚਲਾਈਨ 'ਚ ਲਿਖਿਆ ਹੈ,"ਤੁਸੀਂ ਕਿਸੇ ਨਾਲੋਂ ਘੱਟ ਨਹੀਂ", ਇਹ 1977 ਦੀ ਉਨ੍ਹਾਂ ਦੀ ਪ੍ਰਸਿਧ ਫ਼ਿਲਮਾਂ ਵੱਲ ਇਸ਼ਾਰਾ ਕਰ ਰਿਹਾ ਹੈ, ਜੋ ਉਸ ਸਮੇਂ ਕਾਫ਼ੀ ਸੁਪਰਹਿੱਟ ਰਹੀਆਂ ਸਨ।
ਅਮੂਲ ਦੀ ਇਸ ਸ਼ਰਧਾਂਜਲੀ ਨੇ ਦੇਸ਼ਵਾਸੀਆਂ ਨੂੰ ਕਾਫ਼ੀ ਭਾਵੁਕ ਕਰ ਦਿੱਤਾ। ਇਸ ਤੋਂ ਇਲਾਵਾ ਇਰਫ਼ਾਨ ਖ਼ਾਨ ਨੂੰ ਸ਼ਰਧਾਂਜਲੀ ਦੇਣ ਲਈ ਉਨ੍ਹਾਂ ਦੇ ਪ੍ਰਸਿੱਧ ਕਿਰਦਾਰ ਜਿਵੇਂ,"ਦ ਲੰਚ ਬਾਕਸ","ਅੰਗੇਰਜ਼ੀ ਮੀਡੀਅਮ","ਪਾਨ ਸਿੰਘ ਤੋਮਰ" ਦੇ ਕਿਰਦਾਰ ਨੂੰ ਸ਼ਾਮਲ ਕੀਤਾ ਹੈ। ਇਰਫ਼ਾਨ ਦੇ ਲਈ ਬਣਾਏ ਵਿਗਿਆਪਨ ਦੀ ਪੰਚਲਾਈਨ ਹੈ,"ਸਾਡੇ ਬੇਹਤਰੀਨ ਅਦਾਕਾਰਾਂ ਵਿੱਚੋਂ ਇੱਕ ਨੂੰ ਸ਼ਰਧਾਂਜਲੀ।"
