ਮੁੰਬਈ: ਬਾਲੀਵੁੱਡ ਮਸ਼ਹੂਰ ਅਦਾਕਾਰ ਆਮਿਰ ਖਾਨ ਦੇ ਦੂਜੇ ਵਿਆਹ ਦੇ ਟੁੱਟਣ ਦੀ ਖ਼ਬਰ ਹੈ। ਇਸ ਗੱਲ ਨੇ ਆਮਿਰ ਦੇ ਫੈਨਜ਼ ਨੂੰ ਹੈਰਾਨ ਕਰ ਦਿੱਤਾ ਹੈ।
ਮੀਡੀਆ ਰਿਪੋਰਟਸ ਦੇ ਮੁਤਾਬਕ ਅਦਾਕਾਰ ਆਮਿਰ ਖਾਨ ਤੇ ਕਿਰਨ ਰਾਵ ਨੇ ਆਪਸੀ ਸਹਿਮਤੀ ਨਾਲ ਤਲਾਕ ਲੈ ਰਹੇ ਹਨ। ਦੋਹਾਂ ਨੇ 28 ਦਸੰਬਰ 2005 'ਚ ਵਿਆਹ ਕੀਤਾ ਸੀ। ਦੋਹਾਂ ਨੇ ਵਿਆਹ ਦੇ 15 ਸਾਲ ਬਾਅਦ ਵਿਆਹ ਤੋੜ ਕੇ ਸਭ ਨੂੰ ਹੈਰਾਨੀ ਵਿੱਚ ਪਾ ਦਿੱਤਾ ਹੈ। ਤਲਾਕ ਨੂੰ ਲੈ ਕੇ ਆਮਿਰ ਖਾਨ ਤੇ ਕਿਰਨ ਰਾਵ ਨੇ ਆਫਿਸ਼ੀਅਲ ਸਟੇਟਮੈਂਟ ਵੀ ਜਾਰੀ ਕਰ ਦਿੱਤਾ ਹੈ।
ਦੋਹਾਂ ਨੇ ਲਿਖਿਆ, 'ਇਕੱਠੇ 15 ਸਾਲਾਂ ਬਿਤਾਉਣ ਦੌਰਾਨ ਅਸੀਂ ਹਰ ਪਲ ਹਾਸੇ ਤੇ ਖੁਸ਼ੀ ਨਾਲ ਜੀਉਂਦੇ ਰਹੇ ਹਾਂ ਅਤੇ ਸਾਡਾ ਰਿਸ਼ਤਾ ਭਰੋਸੇ, ਸਤਿਕਾਰ ਤੇ ਪਿਆਰ ਨਾਲ ਵਧਦਾ ਰਿਹਾ। ਹੁਣ ਅਸੀਂ ਆਪਣੀ ਜ਼ਿੰਦਗੀ ਦਾ ਇੱਕ ਨਵਾਂ ਅਧਿਆਇ ਸ਼ੁਰੂ ਕਰਾਂਗੇ - ਜੋ ਪਤੀ ਪਤਨੀ ਵਰਗਾ ਨਹੀਂ , ਪਰ ਕੋ ਪੈਰੇਂਟਸ ਤੇ ਇੱਕ-ਦੂਜੇ ਦੇ ਪਰਿਵਾਰ ਦੇ ਤੌਰ 'ਤੇ ਹੋਵੇਗਾ। ਅਸੀਂ ਕੁੱਝ ਸਮਾਂ ਪਹਿਲਾਂ ਆਪਣੀ ਵੱਖ ਹੋਣ ਦੀ ਯੋਜਨਾ ਬਣਾਈ ਸੀ ਤੇ ਹੁਣ ਅਸੀਂ ਵੱਖ-ਵੱਖ ਰਹਿਣ ਦੀ ਵਿਵਸਥਾ ਨਾਲ ਸਹਿਜ ਹਾਂ। ਅਸੀਂ ਬੇਟੇ ਆਜ਼ਾਦ ਦੇ ਕੋ ਪੈਰੇਂਟਸ ਬਣੇ ਰਹਾਂਗੇ ਤੇ ਮਿਲ ਕੇ ਉਸ ਦੀ ਦੇਖਭਾਲ ਕਰਾਂਗੇ। ਅਸੀਂ ਫਿਲਮਾਂ ਲਈ ਅਤੇ ਆਪਣੀ ਪਾਨੀ ਫਾਊਂਡੇਸ਼ਨ ਲਈ ਮਿਲ ਕੇ ਕੰਮ ਕਰਨਾ ਜਾਰੀ ਰੱਖਾਂਗੇ।
ਇਹ ਵੀ ਪੜ੍ਹੋ : ਪਰਮੀਸ਼ ਵਰਮਾ ਨੇ ਗਾਇਕੀ ਦੇ ਨਾਲ ਨਾਲ ਵਧੀਆ ਨਿਰਦੇਸ਼ਕ ਅਤੇ ਅਦਾਕਾਰ ਵਜੋ ਬਣਾਈ ਪਹਿਚਾਣ...
