ਬਾਲੀਵੁੱਡ ਅਦਾਕਾਰਾ ਨੇ ਦੱਸਿਆ ਆਦਿੱਤਯ ਪੰਚੋਲੀ ਦਾ ਸੱਚ

ਬਾਲੀਵੁੱਡ ਅਦਾਕਾਰਾ ਜਿਸ ਨੇ ਆਦਿੱਤਯ ਪੰਚੋਲੀ 'ਤੇ ਬਲਾਤਕਾਰ ਕਰਨ ਦੇ ਦੋਸ਼ ਲਗਾਏ ਸਨ ਉਸ ਦੇ ਬਿਆਨਾਂ 'ਤੇ ਆਧਾਰਿਤ ਇੱਕ ਅਖ਼ਬਾਰ ਨੇ ਰਿਪੋਰਟ ਛਾਪੀ ਹੈ।

ਮੁੰਬਈ: ਹਾਲ ਹੀ ਦੇ ਵਿੱਚ ਇੱਕ ਬਾਲੀਵੁੱਡ ਅਦਾਕਾਰਾ ਨੇ ਆਦਿੱਤਯ ਪੰਚੋਲੀ 'ਤੇ ਬਲਾਤਕਾਰ ਕਰਨ ਦੇ ਦੋਸ਼ ਲਗਾਏ ਸਨ। ਇਸ ਮਾਮਲੇ 'ਚ ਮੁੰਬਈ ਦੀ ਸੈਸ਼ਨ ਕੋਰਟ ਨੇ ਆਦਿੱਤਯ ਪੰਚੋਲੀ ਨੂੰ 19 ਜੁਲਾਈ ਤੱਕ ਬੇਲ ਦੇ ਦਿੱਤੀ ਹੈ। ਇਸ ਮਾਮਲੇ 'ਚ ਇੱਕ ਅਖ਼ਬਾਰ ਨੇ ਅਦਾਕਾਰਾ ਦੇ ਪੁਲਿਸ ਨੂੰ ਦਿੱਤੇ ਬਿਆਨ 'ਤੇ ਇੱਕ ਰਿਪੋਰਟ ਛਾਪੀ ਹੈ।
ਆਪਣੇ ਸਟੇਟਮੇਂਟ 'ਚ ਅਦਾਕਾਰਾ ਨੇ ਦੱਸਿਆ ਕਿ ਕਿਵੇਂ ਆਦਿੱਤਯ ਪੰਚੋਲੀ ਨਸ਼ੇ ਦੀ ਹਾਲਤ 'ਚ ਪਹਿਲਾਂ ਉਸ ਦਾ ਬਲਾਤਕਾਰ ਕਰਦੇ ਸੀ ਫਿਰ ਉਸ ਨੂੰ ਬਲੈਕਮੇਲ ਕਰਦੇ ਸੀ।
ਰਿਪੋਰਟ ਦੇ ਮੁਤਾਬਿਕ ਅਦਾਕਾਰਾ ਨੇ ਕਿਹਾ ਕਿ ਸਾਲ 2004-2006 ਦੇ ਵੇਲੇ ਉਹ ਇੱਕ ਸੀਨੀਅਰ ਆਈਪੀਐਸ ਅਧਿਕਾਰੀ ਨੂੰ ਮਿਲੀ ਸੀ ਅਤੇ ਉਨ੍ਹਾਂ ਨੇ ਇਸ ਮਾਮਲੇ 'ਤੇ ਕੋਈ ਕਾਰਵਾਈ ਨਹੀਂ ਸੀ ਕੀਤੀ।
ਅਦਾਕਾਰਾ ਨੇ ਦੱਸਿਆ ਕਿ ਸਾਲ 2006-2007 'ਚ ਵਰਸੋਵਾ ਦੇ ਫ਼ਲੈਟ 'ਚ ਉਹ ਇਕਲੀ ਰਹਿੰਦੀ ਸੀ। ਉਨ੍ਹਾਂ ਕਿਹਾ ਕਿ ਆਦਿੱਤਯ ਪੰਚੋਲੀ ਨੇ ਉਨ੍ਹਾਂ ਦੇ ਫ਼ਲੈਟ ਦੀ ਡੂਪਲੀਕੇਟ ਚਾਬੀ ਬਣਵਾ ਲਈ ਅਤੇ ਜ਼ਬਰਦਸਤੀ ਉਨ੍ਹਾਂ ਦੇ ਫ਼ਲੈਟ 'ਚ ਜਾ ਕੇ ਬਲਾਤਕਾਰ ਕਰਨ ਲੱਗੇ। ਇਸ ਦੀ ਸ਼ਿਕਾਇਤ ਅਦਾਕਾਰਾ ਨੇ ਪੰਚੋਲੀ ਦੀ ਪਤਨੀ ਜ਼ਰੀਨਾ ਵਹਾਬ ਨੂੰ ਵੀ ਕੀਤੀ। ਪਰ ਉਸ ਨੇ ਅਦਾਕਾਰਾ ਨੂੰ ਇਹ ਜਵਾਬ ਦਿੱਤਾ ਕਿ ਜਦੋਂ ਪੰਚੋਲੀ ਘਰ ਨਹੀਂ ਹੁੰਦੇ ਉਸ ਵੇਲੇ ਉਨ੍ਹਾਂ ਨੂੰ ਸ਼ਾਂਤੀ ਮਿਲਦੀ ਹੈ।